Wednesday July 27, 2016



News Feeds:
වෙන්නප්පුව, නයිනමඩම, කිමිල්කි උත්සව ශාලාවේදී පුත්තලම දිස්ත්‍රික් එක්සත් ජාතික පක්‍ෂ ක්‍රියාකාරීන් සහ සාමාජිකයන් හමුවූ අවස්ථාවේදී කළ කතාව. PDF Print E-mail
2015 දී ඒකාධිපති රාජපක්‍ෂ රෙජිමය පෙරලා අප ආණ්ඩු බලය ලබා ගන්නා බව මම එදා කියා සිටියත් බොහෝ දෙනෙකු ඒ කතාව පිළිගත්තේ නැහැ. නමුත් ශ්‍රී ලංකා නිදහස් පක්‍ෂයේ මහලේකම් මෛත්‍රීපාල සිරිසේන මහතා පොදු අපේක්‍ෂකයා ලෙස ජනාධිපතිවරණයට ඉදිරිපත් කිරීමට අප සියලූ පාර්ශ්වයන්ට හැකි වුණා. මේ ගමනේදී දිනපතාම අපේ ව්‍යාපාරයේ ශක්තිය සහ බලය වැඩි වූ අතර, මහින්ද රාජපක්‍ෂගේ ප්‍රතිරූපය බිඳ වැටුණා.
ඒ අනුව ජනවාරි අට වැනිදා පැවැති ජනාධිපතිවරණයෙන් අප සියලූ දෙනාම ජයග්‍රහණය කළ අතර, මෛත්‍රීපාල සිරිසේන මහතා ජනාධිපති ධූරයට පත් වුණා. එම නිසා ජනාධිපතිවරණ ජයග්‍රහණය වෙනුවෙන් ඇප කැපවී වැඩ කටයුතු කළ එක්සත් ජාතික පාක්‍ෂිකයින් වන ඔබ සියලූ දෙනාටම මම මගේ ස්තුතිය පුද කරනවා. විශේෂයෙන් ජනාධිපතිවරණයේදී පුත්තලමේ ජනතාව අපට අති විශිෂ්ඨ ජයග්‍රහණයක් ලබා දුන් බව සිහිපත් කළ යුතුයි.
වල් බළකාය වෙනුවට රටේ තරුණ තරුණියන්ට වැඩ කළ හැකි සංවිධාන ගොඩනඟන්නැයි යෙඣීවන කටයුතු අමාත්‍ය නිරෝෂන් පෙරේරා මහතාට මම කියා සිටියා. වල් බළකාය වෙනුවෙන් ටී ෂර්ට් එක් ලක්‍ෂ පනස් දහසක් මසා තිබෙන අතර, ඒ වෙනුවෙන් ගෙවීමට සිදුව තිබෙන්නේ ජනතාවටයි.
ජාතික තරුණ සේවා සභාව සහ යොවුන් බළකා ඉදිරියට ගෙන යමින් මේ රටේ අනාගතය භාර ගැනීම සඳහා තරුණ තරුණියන් පුහුණු කළ යුතුයි. තරුණ තරුණියන් වෙනුවෙන් හොඳ අනාගතයක් ගොඩනඟන බවට දුන් පොරොන්දුව අප ඉටු කරනවා.
ජනතාවගේ ප්‍රශ්න ගැන පාර්ලිමේන්තුවේදී නිතරම කතා කරන අපේ පාලිත රංගේ බණ්ඩාර මන්ත්‍රීවරයාවද විදුලි බල හා බලශක්ති රාජ්‍ය අමාත්‍යවරයා ලෙස මම පත් කර තිබෙනවා. පුත්තලම නොරොච්චෝලේ ගැන නිතරම කතා කළ එතුමා එම විදුලි බලාගාරයෙන් මේ ප්‍රදේශයට සහ ජනතාවට කිසිදු හානියක් නොවීමට වගබලා ගනීවි.
දේශපාලන පෙරලියක් රටේ ඇති කළ අප දේශපාලන සංස්කෘතිය සහ ක්‍රමය සම්පූර්ණයෙන්ම උඩු යටිකුරු කළා. අප ජනවරමක් ඉල්ලා සිටියේ මෛත්‍රීපාල සිරිසේන මහතා ජනාධිපති කරවීමට පමණක් නොව ඒ සමගම මාව අගමැති ලෙස පත් කර දින 100 වැඩ සටහනට පණ දීම සඳහායි.
2010 ජනාධිපති ධූරයට පත් වුණාට පසු පාර්ලිමේන්තුව විසුරුවා හැරිය මහින්ද රාජපක්‍ෂ ජනාධිපතිවරයා තමාට සහයෝගය ලබාදීමට හැකි පාර්ලිමේන්තුවක් ලබා දෙන්නැයි ජනතාවගෙන් ඉල්ලා සිටියා. ජනතාව ඒ පාර්ලිමේන්තු බලය ඔහුට ලබා දුන් අතර, ඒ අනුව පාර්ලිමේන්තුව රදා පැවැතියේ මහින්ද රාජපක්‍ෂ ජනාධිපතිවරයා මතයි. මේ තත්ත්වය යටතේ මහින්ද රාජපක්‍ෂ ජනාධිපතිවරයාගේ බලය නැති වුණු විට ඒ පාර්ලිමේන්තුවද නැති වනවා.
නමුත් ජනාධිපතිවරණ ජයග්‍රහණයෙන් පසුව ඒ මොහොතේම මහමැතිවරණයකට නොයා යුතු යැයි තීරණය කළ අප ඊට පෙර ජනතාවට සහන සැලසිය යුතු යැයි තීන්දු කළා. එමෙන්ම විධායක ජනාධිපති ක්‍රමය අහෝසි කර දූෂණ, වංචා සහ අක්‍රමිකතාවලට එරෙහිව ක්‍රියා කළ යුතු යැයි ද තීරණය කළා.
යුද්ධයෙන් පසුව අවුරුදු පහක් මුළුල්ලේ මහින්ද රාජපක්‍ෂ හිටපු ජනාධිපතිවරයාට කිරීමට නොහැකි වූ සියල්ල දින 100 ක් ඇතුළත දී සිදු කරමින් අප ජනතාවට සහන සලසා රට ගොඩනඟමින් සිටිනවා. ඒ සඳහා මේ පාර්ලිමේන්තුවම අප උපයෝගී කර ගන්නා අතර, මහින්ද රාජපක්‍ෂට බලය නැති වූ මොහොතේම මේ පාර්ලිමේන්තුවේ සිටින ඔහුගේ අයගේ බලපත්‍රය අහෝසි වූ නිසා ඒ අය ලොකුවට කතා කිරීමෙන් ඇති වැඩක් නැහැ. දින 100 වැඩ සටහන ක්‍රියාත්මක කිරීම සඳහා ඒ කාලයට යටත්ව මේ අයගේ බලපත්‍රය දිගු කරන්නැයි ජනතාවගෙන් ඉල්ලා සිටියේ අපයි.
තෙල් මිල කිසිසේත් අඩු කළ නොහැකි යැයි මහින්ද රාජපක්‍ෂ අවුරුදු පහක් මුළුල්ලේ කියා සිටිද්දී පවා අප දින 100 වැඩ සටහන යටතේ තෙල් මිල විශාල වශයෙන් අඩු කළා. මේ අනුව බොරුකාරයා වන්නේ තෙල් මිල අඩු කිරීමට නොහැකි බව කියා සිටී මහින්ද රාජපක්‍ෂ ද නැති නම් තෙල් මිල අඩු කළ අප ද?
තෙල් මිල පමණක් නොව බඩු මිල ද විශාල වශයෙන් අඩු කළ අප වී, අල සහ කිරි ගොවීන්ගේ ආදායම ක්‍රමානුකඣලව වැඩි කරමින් සිටිනවා. අපේ ධීවර නිශ්පාදන සඳහා යුරෝපය මහින්ද රාජපක්‍ෂ පාලන සමයේ පැනවූ තහනම ඉවත් කර ගැනීමට ද අප අවශ්‍ය පියවර ගනිමින් සිටිනවා. එමෙන්ම අපේ මුහුදේ යාත්‍රා කරන විදේශීය ටේ‍රා්ලර් යාත්‍රා සඳහා දී තිබූ බලපත් සියල්ල ද අප මේ වන විට සම්පූර්ණයෙන්ම අහෝසි කර තිබෙනවා.
ඇත්ත වශයෙන්ම මේ දින 100 වැඩ සටහන ක්‍රියාත්මක කිරීම සඳහා මේ පාර්ලිමේන්තුව අප උපයෝගී කර ගත්තත් මේ පාර්ලිමේන්තුවට මේ වනවිට වරමක් ඇත්තේ නැහැ. මේ රටේ පරමාධිපත්‍ය බලය තිබෙන්නේ ජනතාව සතුව නිසා දින 100 වැඩ කටයුතු වෙනුවෙන් මේ අයට තව දින 100 ක් ලබා දෙන්නැයි ජනතාවගෙන් අප ඉල්ලා සිටියා.
මාව අගමැති කරන්නැයි ද ජනාධිපතිවරණයේදී ජනතාවගෙන් අප ඉල්ලා සිටි අතර, ඒ ඉල්ලීම අනුව මා අග්‍රාමාත්‍ය ධූරයට පත් කිරීම සඳහා ද ලක්‍ෂ හැට හතරක ජනකායක් ජනාධිපතිවරණයේදී අපට ඡන්දය දුන්නා.
පාර්ලිමේන්තුවේ අපට බහුතරයක් නොමැති නිසා මේ වැඩ සටහන සඳහා සහයෝගය දෙන්නැයි එක්සත් ජනතා නිදහස් සන්ධානයෙන් අප ඉල්ලා සිටියා. මේ අතර, මෛත්‍රීපාල සිරිසේන මහතා ශ්‍රී ලංකා නිදහස් පක්‍ෂයේ සහ එක්සත් ජනතා නිදහස් සන්ධානයේ සභාපතිවරයා ලෙස පත් වුණා. ඒ අනුව එක්සත් ජනතා නිදහස් සන්ධානය මේ වැඩ සටහනට සහයෝගය ලබා දෙන නිසා අප වැඩ කටයුතු ඉදිරියට ගෙන යනවා. ඉදිරි මහ මැතිවරණයට අප අපේ අනන්‍යතාවය යටතේ තනිවම තරග කරන අතර, ඊට පසුව අනෙකුත් දේශපාලන පක්‍ෂ ද එකට ඒකරාශී කර ගෙන මේ රටේ මූලික ප්‍රශ්න විසදා ජනතාවගේ ජීවන තත්ත්වය නඟා සිටුවීම සඳහා ජාතික ආණ්ඩුවක් ඇති කරනවා.
එක්සත් ජනතා නිදහස් සන්ධානය අපේ මේ වැඩ සටහනට සහයෝගය ලබා දීම ගැන මම ඒ අයට මගේ ස්තුති පුද කරනවා. නමුත් අපේ මේ වැඩසටහනට එරෙහිව කෑ ගසන කට්ටියක් ද මේ සන්ධානයේ ඇතුළේ සිටින අතර, ඒ අයට අප කියන්නේ නුගේගොඩ කල්ලිය කියායි.
මහින්ද රාජපක්‍ෂ මැතිතුමා අගමැති කරවිය යුතු යැයි මේ නුගෝගොඩ කල්ලිය කියා සිටින අතර, මම ඒ අයට කියා සිටියේ ඊළඟ සැරේ හැකි නම් ඔහු අගමැති කරවන්න කියායි. නමුත් මාව රටේ අගමැති කරවිය යුතු යැයි ජනාධිපතිවරණයේදී හැට ලක්‍ෂයක ජනකායක් කියා සිටියා. මමත් මහින්ද රාජපක්‍ෂ හිටපු ජනාධිපතිවරයාත් මුහුණට මුහුණ තරග කළේ එකම අවස්ථාවකදී පමණයි. ඒ අවස්ථාවේදී ඔහු වේළුපිල්ලේ ප්‍රභාකරන්ගේ පිහිටෙන් ඔහුගේ වලිගයේ එල්ලී ජනාධිපති වුණා. මේ අය ලොකුවට කතා කළත් වේළුපිල්ලේ ප්‍රභාකරන් නොසිටියා නම් මහින්ද රාජපක්‍ෂට කවදාවත් ජනාධිපතිවීමට හැකි වන්නේ නැහැ. එමෙන්ම මහින්ද රාජපක්‍ෂ අගමැති වරයා ලෙස පත් වුණු විට ද සිය ගමන ගියේ වේළුපිල්ලේ ප්‍රභාකරන් සමගයි.
එම නිසා අගමැති අපේක්‍ෂකයා ලෙස මහින්ද රාජපක්‍ෂ මහමැතිවරණයට පැමිණියාට මට කිසිම ප්‍රශ්නයක් ඇත්තේ නැහැ. මහින්ද රාජපක්‍ෂ මහ මැතිවරණයට අගමැති අපේක්‍ෂකයා ලෙස ඉදිරිපත් වුණොත් විපක්‍ෂයේ ඡන්ද ප්‍රමාණය පනස් ලක්‍ෂයට වඩා අප අඩු කරනවා. එම නිසා මහින්ද රාජපක්‍ෂ මහතා මහමැතිවරණයට තරග කිරීමට ඉදිරිපත් වන්නේ නැහැ.
පාර්ලිමේන්තුවේ බහුතර බලය තිබෙන්නේ ඒ අයට යැයි කියන කණ්ඩායමට මම කියා සිටින්නේ නුගෝගොඩ හන්දියේ කෑ නොගසා පාර්ලිමේන්තුවේදී හැකි නම් අපට අභියෝග කරන්න කියායි. මේ කියන ආකාරයට බහුතර බලයක් තිබෙනවා නම් ඊළඟ සතියේම ආණ්ඩුවට එරෙහිව විශ්වාස භංගයක් ඉදිරිපත් කර එම විශ්වාස භංගයෙන් ආණ්ඩුව පරාජයට පත් කර පෙන්වන්නැයි නුගේගොඩ හන්දියේ කෑ ගසන අයට මම අභියෝග කරනවා. ඒ විශ්වාස භංගයෙන් ආණ්ඩුව පරාජයට පත් කළ හොත් ඊළඟ දවසේම ජනාධිපතිවරයා හමුවී පාර්ලිමේන්තුව විසුරුවා හරින්නැයි එතුමාගෙන් මම ඉල්ලා සිටිනවා. එසේ නම් නුගෝගොඩ හන්දියේ බොරුවට කෑ නොගසා තව හැතැක්ම දෙකක් ඉදිරියට ගමන් කරමින් පාර්ලිමේන්තුවට පැමිණ හැකි නම් සිය බලය පෙන්වන්නැයි මේ අයට මම යළිත් අභියෝග කරනවා.
මහින්ද රාජපක්‍ෂ හිටපු ජනාධිපතිවරයාව අගමැති කරවිය යුතු යැයි කියා සිටින මේ අය එතුමා මහමැතිවරණයට ඉදිරිපත් කරන්නේ කිනම් දේශපාලන පක්‍ෂයකින් ද? මහින්ද රාජපක්‍ෂ මහමැතිවරණයට ඉදිරිපත් වනවා නම් ඔහු තරග කරන්නේ කිනම් පක්‍ෂයකින් ද? මෛත්‍රීපාල සිරිසේන මැතිතුමා මහින්ද රාජපක්‍ෂට ශ්‍රී ලංකා නිදහස් පක්‍ෂය භාර දෙන්නේ නැහැ. බුලත් කොළයත්, පුටුවත්, අතත් අයිති මෛත්‍රීපාල සිරිසේන මැතිතුමා ඇතුළු කණ්ඩායමටයි. එසේ නම් මේ අය මහින්ද රාජපක්‍ෂව මහ මැතිවරණයට ඉදිරිපත් කරන්නේ කිනම් ලකුණකින් ද? මේ අය මහින්ද රාජපක්‍ෂව ඉදිරිපත් කිරීමට යන්නේ කරත්ත රෝදයෙන් ද? මහින්ද රාජපක්‍ෂට දේශපාලන පක්‍ෂයක්වත් ආණ්ඩුවක්වත් නොමැති බව කවුරුත් මතක තබා ගත යුතුයි. ආණ්ඩු යාන්ත්‍රණයක් ඔහුට නොමැති අතර බිම් මට්ටමේ වැඩ කටයුතු එදා වගේ සිදු කිරීම සඳහා සමෘද්ධි නිලධාරීන් ද ඇත්තේ නැහැ. කෑ ගැසීමට ජනමාධ්‍ය නොමැති අතර, අපට බැණ වැඳීම සඳහා හඩ්සන් සමරසිංහ ද ඇත්තේ නැහැ. එමෙන්ම මහින්ද රාජපක්‍ෂට පොලිස් බලය ඇතුළු අනෙකුත් බලතල ද ඇත්තේ නැහැ.
එම නිසා හැකි නම් මහ මැතිවරණයට එන්නැයි මහින්ද රාජපක්‍ෂට අප කියා සිටින අතර, ඒ සඳහා මුහුණදීමට අප සූදානමින් ද සිටිනවා. කෙසේ නමුත් මහින්ද රාජපක්‍ෂ මහ මැතිවරණයට ඉදිරිපත් නොවන බව මම දන්නවා. ඡන්ද පදනමක් තිබෙනවා නම් විමල් වීරවංශලා සහ දයාන් ජයතිලකලා ඇතුළු ඕනෑම අයෙකු ඉදිරියේ තබා ගෙන අගමැති අපේක්‍ෂකයා ලෙස තරග කරන්න ඉදිරිපත් විය හැකියි.
අපේ නිරෝෂන් පෙරේරා මන්ත්‍රීවරයාට පාර්ලිමේන්තුවේ අවුරුදු පහක් තවමත් සම්පූර්ණ වී නොමැති අතර, ඒ අවුරුදු පහ සම්පූර්ණ වන්නේ අපේ‍ර්ල් මස 23 වැනි දාට වන නමුත් සිය මන්ත්‍රී විශ්‍රාම වැටුප අතහැර හෝ ඊට පෙර මහමැතිවරණ සටනට යන්න එතුමා සූදානම් බව කිව යුතුයි.
මහ මැතිවරණයේදී ජනතාවගෙන් අප විමසා සිටින්නේ අලූත් දේශපාලන සංස්කෘතියක් අවශ්‍ය ද නැති නම් පරණ දේශපාලන සංස්කෘතියම ඕනෑ ද කියායි. ඔබට අවශ්‍ය වන්නේ යහපාලනය ද නැති නම් පවුල් පාලනය ද? තරුණ තරුණියන්ගේ අනාගතය ආරක්‍ෂා කිරීම වෙනුවට ඔබ ඒකාධිපති රෙජිමයේ අනාගතය තහවුරු කිරීමට සූදානම් ද?
මේ කෑ ගහන අයට ඉක්මනින්ම ආණ්ඩු බලය ලබා ගැනීමට අවශ්‍ය වී තිබෙන්නේ දූෂණ, වංචා සහ අක්‍රමිකතාවලට එරෙහිව අප පරීක්‍ෂණ ආරම්භ කිරීමත් සමග අතිශය බියට පත්ව සිටින නිසයි. අප මේ තොරතුරු හෙළි කර ගැනීමට පෙර මේ අය උත්සාහ කරන්නේ කෙසේ හෝ ආණ්ඩු බලය ලබා ගැනීමටයි.
යහපාලනය ඕනෑ අයට මහ මැතිවරණයේදී අපේ විජයග්‍රහණය තහවුරු කළ හැකි අතර, යහපාලනය වෙනුවට පවුල් පාලනය අනුමත කරන අයට කරත්ත රෝදයෙන් ඉදිරිපත්වීමට යන නුගේගොඩ කල්ලියට ඡන්දය දිය හැකියි. එමෙන්ම මත් කුඩු, එතනෝල්, කැසීනෝ, හොරකම, මැරකම, ළමා අපචාර සහ ස්ත්‍රී දූෂණ ඇතුළු අපරාධ සියල්ල අනුමත කරන අයට නුගේගොඩ කල්ලියට ඡන්දය දිය හැකියි.
යුද්ධයෙන් පසුව අවුරුදු පහක් මුළුල්ලේ මේ අයට තෙල් මිල සහ බඩු මිල අඩු කරමින් ජනතාවට සහන සැලසීමට ද රාජ්‍ය සේවක වැටුප සත පහකින්වත් වැඩි කිරීමට ද නොහැකි වූ අතර, ධීවර ජනතාවගේ අයිතීන් සම්පූර්ණයෙන්ම උල්ලංඝණය කළා. වී ගොවියා, අල ගොවියා සහ කිරි ගොවියා ආරක්‍ෂා කරමින් ඒ අයගේ නිශ්පාදන සඳහා හොඳ මිලක් ගෙවීමට ක්‍රියා කළේ නැහැ. මේ අය කළේ හොරකම් සහ මැරකම් මගින් අතිවිශාල වශයෙන් මුදල් හම්බ කරමින් සිය පවුල පෝෂණය කර ජනතාව මුලා කිරීමයි.
තවදුරටත් කිසිදු බලවේගයකට මේ රටේ ජනතාව මුලා කරමින් එවැනි වැඩ කටයුතු කිරීමට අප ඉඩ තබන්නේ නැහැ. අපට අවශ්‍ය වන්නේ යහපාලනය පිළිගන්නා වන අතර, යහපාලන සටනේ පෙරමුණ ගෙන ක්‍රියා කරන්නේ එක්සත් ජාතික පක්‍ෂයයි.
අසීමිත බලතල සහිත විධායක ජනාධිපතිකම අහෝසි කෙරෙන 19 වැනි ආණ්ඩු ක්‍රම ව්‍යවස්ථා සංශෝධනය අප පාර්ලිමේන්තුවට ඉදිරිපත් කරන අතර, ශ්‍රී ලංකා නිදහස් පක්‍ෂය ඊට සහයෝගය දෙනු ඇතැයි මම බලාපොරෝත්තු වනවා.
ජනතාවට උපරිම සහන සලසමින් පාර්ලිමේන්තුවට අප ඉදිරිපත් කළ අතුරු අයවැයට නුගේගොඩ කල්ලිය සහයෝගය ලබා දුන්නේ නැහැ. පෙට්‍රල් මිල අඩු කරනවාට මේ නුගෝගොඩ කල්ලිය විරුද්ධ වූ අතර, බඩු මිල අඩු කිරීම ද තරයේ ප්‍රතිෙක්‍ෂ්ප කළා. රාජ්‍ය සේවක සේවිකාවන්ගේ වැටුප රුපියල් 10,000 කින් වැඩි කරනවාට ද මහපොළ ශිෂ්‍යාධාරය රුපියල් 5000 දක්වා වැඩි කරනවාට ද මේ අය විරුද්ධ වුණා. වේළුපිල්ලේ ප්‍රභාකරන්ට රුපියල් කෝටි 50 ක් ලබා දුන් මේ අය රාජ්‍ය සේවක සේවිකාවන්ගේ වැටුප රුපියල් 10,000 කින් වැඩි කිරීම සඳහා එකතු වුණේ නැහැ. එම නිසා වේළුපිල්ලේ ප්‍රභාකරන්ගේ වලිගයේ එල්ලී ජාතිවාදය ගැන කතා කරන්න එපා යැයි මේ නුගේගොඩ කල්ලියට මම තරයේ කියා සිටිනවා.
අප කළ යුත්තේ ජාතිවාදය පෝෂණය කිරීම නොව මේ රටෙන් ජාතිවාදය සම්පූර්ණයෙන්ම අතුගා දැමීමයි. අප අපේ නිවාස ඇතුළු දේපොළ අහිමි කර ගත්තේ ද රැකියා නැති කර ගත්තේ ද මේ ජාතිවාදය අතුගා රටේ යහපාලනය තහවුරු කිරීම සඳහායි. අප අපේ ගමන අවසන් කරන්නේ ජාතිවාදය අතුගා රටේ යහපාලනය ගොඩනඟා ජනතාවගේ ජීවන තත්ත්වය උසස් කිරීමෙන් පසුවයි.
ශ්‍රී ලංකා නිදහස් පක්‍ෂය එක්සත් ජනතා නිදහස් සන්ධානයේ බොහෝ අය මේ අලූත් ක්‍රමයට සම්පූර්ණයෙන්ම එකඟයි. ජනතා විමුක්ති පෙරමුණ, ජාතික හෙළ උරුමය, දෙමළ සහ මුස්ලිම් දේශපාලන පක්‍ෂ ඇතුළු සියලූ පාර්ශ්වයන් සිටින්නේ ද එම ස්ථාවරයේයි. එම නිසා මේ කණ්ඩායමට මේ ගමන ආපසු හැරවීමට ඉඩ දිය නොහැකි අතර, ජනතාව ද ඒ අය සමග ඇත්තේ නැහැ. මේ කෑ ගහන මිනිස්සුන්ට තනිවම මහ මැතිවරණයට ඉදිරිපත් වී ජය ගෙන පාර්ලිමේන්තුවට තේරී පත්වීමට පුළුවන් ද? බැහැ... සිය පක්‍ෂයෙන් ඡන්දය ඉල්ලා ජය ගත නොහැකි මේ අය මහින්ද රාජපක්‍ෂව අගමැති කරන්නේ කෙසේද?
අපේ එක්සත් ජාතික පක්‍ෂයෙන් ඕනෑම මැතිවරණයකට තරග කර ජයගැනීමට අපට හැකියාව සහ ශක්තිය තිබෙනවා. ජනාධිපතිවරණයේදී අප හංසයාගෙන් ඉදිරිපත් වුණේ අනෙකුත් සියලූ දේශපාලන පක්‍ෂ අපෙන් ඉල්ලා සිටිය නිසයි.
අපේ තරුණ තරුණියන්ට හොඳ අනාගතයක් ගොඩනැගිය තිබෙන නිසා මහමැතිවරණයෙන් පසුව රැකියා දස ලක්‍ෂයක් නිර්මාණය කිරීමේ වැඩසටහන අප වේගවත් කරනවා. ජනතාවගේ ආදායම් ඉදිරි අවුරුදු පහ ඇතුළතදී දෙගුණයක් කරන අතර, රටේ පාසල් පද්ධතිය දියුණු කිරීමට ද අප කටයුතු යොදා තිබෙනවා. ඇත්ත වශයෙන්ම මෛත්‍රීපාල සිරිසේන ජනාධිපතිතුමා මට භාර දී තිබෙන්නේ විශාල තුවාලයක් සුව කිරීමේ වගකීමයි.
රට පුරා රජමාලිගා ඉදිකළ ඒකාධිපති රෙජිමය යාපනයේද අති සුඛෝපභෝගී රජමාලිගයක් ඉදි කර තිබෙනවා. ඒ මාලිගය තරු පහ හෝටලයක් ආරම්භ කිරීම සඳහා ඉහළ පෙළේ හෝටල් සමාගමකට ලබා දෙමු යැයි මාවේ සේනාධිරාජා මන්ත්‍රීතුමා යෝජනා කළ අවස්ථාවේදී මම ඔහුට කියා සිටියේ මේ මාලිගයේ ස්වභාවය අනුව එහි ආරම්භ කළ යුත්තේ තරු පහ හෝටලයක් නොව තරු හතක හෝටලයක් බවයි.
ඔබට තවදුරටත් ඒකාධිපති රාජපක්‍ෂ රෙජිමය අවශ්‍ය ද? නැති නම් හොඳ අනාගතයක් සහ ජීවිතයක් අවශ්‍ය ද? ජනතාවට හොඳ අනාගතයක් ඇති කර රට ගොඩනැගිය හැකි බව අප මේ වන විට ඔප්පු කර පෙන්වා තිබෙනවා.
යුරෝපීය සංගමය පනවා තිබෙන ධීවර තහනම ඉවත් කර ගන්නවා පමණක් නොව ජී.එස්.පී. ප්ලස් බදු සහනය ද යළි ලබා ගැනීමට අප කටයුතු කරන නිසා ඉදිරියේදී අතිවිශාල දියුණුවක් මේ ප්‍රදේශය ඇතුළු සමස්ත රටේ ඇති වනවා.
මහ මැතිවරණයේදී යහපාලනය වෙනුවෙන් අපට ඡන්දය ලබා දෙන්නැයි ජනතාවගෙන් මම ඉල්ලා සිටින්නේ රටේ මේ දියුණුව ඇති කර ජනතාවගේ ජීවන තත්ත්වය නඟාසිටුවීම සඳහායි. මට මුදල් හම්බ කර ගැනීමට අවශ්‍යතාවයක් නොමැති අතර, මගෙන් පසුව දේශපාලනයට ගෙන එන්න මට කිසිවෙකු ඇත්තේ නැහැ. අපේ පවුල්වල අයට මුදල් උපයා ගැනීම සඳහා ඒ අයගේ ව්‍යාපාර තිබෙනවා. නමුත් මටත් එක්සත් ජාතික පක්‍ෂයේ අප සියලූ දෙනාටත් අවශ්‍ය වී තිබෙන්නේ ජනතාවට හොඳ අනාගතයක් උදා කිරීමටයි.
එසේ නම් ඔබ ඔබේ අනාගතය ගැන සිතනවා නම් අපේ යහපාලනය වෙනුවෙන් මහ මැතිවරණයේදී ඡන්දය දිය යුතු අතර, ඒකාධිපති රාජපක්‍ෂ රෙජිමයේ අනාගතය ගැන සිතනවා නම් ඒ අයට ඡන්දය දිය හැකියි. එසේ නම් එක්සත් ජාතික පාක්‍ෂිකයින් සියලූ දෙනාම මේ කරුණු කාරණා ගැන හොඳ අවබෝධයකින් යුතුව මාර්තු මාසයේදී මහ මැතිවරණ වැඩ කටයුතු වෙනුවෙන් ඇප කැප විය යුතුයි. ඒ මහ මැතිවරණයෙන් එක්සත් ජාතික පක්‍ෂය අති විශිෂ්ඨ ජයග්‍රහණයක් ලබා ගත යුතුයි.

එහිදී අදහස් දැක්වූ විදුලි බල හා බලශක්ති රාජ්‍ය අමාත්‍ය පාලිත රංගේ බණ්ඩාර මහතා මෙසේ පැවසීය.

ඒකාධිපති රාජපක්‍ෂ රෙජිමය කාලයක් මුළුල්ලේ සිදු කළ මහ පරිමාණ හොරකම්, මැරකම් සහ ජඩකම් සියල්ල එළියට ආවේ ශ්‍රී ලංකා නිදහස් පක්‍ෂයේ මහලේකම් මෛත්‍රීපාල සිරිසේන මහතා පොදු අපේක්‍ෂකයා ලෙස ජනාධිපතිවරණයට ඉදිරිපත්වීමත් සමගයි. රෙජිමය කළ මහ පරිමාණ හොරකම්, මැරකම් සහ ජඩකම් ගැන සිතා ගැනීමටවත් නොහැකිව ජනතාව අන්දුන් කුන්දුන් වී සිටිනවා.
මෛත්‍රීපාල සිරිසේන මහතා ජනාධිපතිවරණ පොදු අපේක්‍ෂකයා ලෙස ඉදිරිපත් කරමින් ජනතා විරෝධී ආණ්ඩුව ගෙදර යවා ජනතාවාදී පාලනයක් රටේ ඇති කරමින් ඒ යුග පෙරලිය කළේ එක්සත් ජාතික පක්‍ෂය වන නිසා මේ යුගයේ යුග පුරුෂයින් වන්නේ අපේ පාක්‍ෂිකයිනුයි. පාර්ලිමේන්තුවේ මන්ත්‍රීවරුන් 42 ක සුළුතරයක් සිටින එක්සත් ජාතික පක්‍ෂයට අගමැති ධූරය ලබා ගෙන ආණ්ඩුවක් ගොඩනඟා රට මෙහෙයවීමට හැකිවී තිබෙන්නේ අපේ නායක රනිල් වික්‍රමසිංහ මහතාගේ සූර බුද්ධිය අත්දැකීම් සහ පළ පුරුද්ද නිසයි.

එහිදී අදහස් දැක්වූ යෞවන සහ තරුණ කටයුතු අමාත්‍ය නිරෝෂන් පෙරේරා මහතා මෙසේ පැවසීය.

එක්සත් ජාතික පක්‍ෂයට තවත් අවුරුදු තිහකටවත් බලයට එන්න නොහැකි යැයි සියලූ දෙනා කියා සිටිද්දී අපේ නායක රනිල් වික්‍රමසිංහ මහතා ඒකාධිපති ආණ්ඩුව ගෙදර යවා රටේ පාලන බලය ලබා ගෙන රට ගොඩනඟා ජනතාවට සහන සලසමින් සිටිනවා.
මහින්ද රාජපක්‍ෂ පාලනය යටතේ යුද්ධයෙන් පසුව සංවර්ධනය වූයේ රට නොව හොරකම, මැරකම සහ ඒ අයගේ පවුල් බලය බව කිව යුතුයි. ඊට විරුද්ධව අග්‍රාමාත්‍ය රනිල් වික්‍රමසිංහ මහතා ප්‍රධාන ආණ්ඩුව පවුල් බලය හොරකම සහ මැරකම අවසන් කරමින් ජනතාව සංවර්ධනය කර රට ගොඩනැගීමේ කාර්ය භාරය ඉටු කරමින් සිටිනවා. එම නිසා රට ගොඩනඟා ජනතාවට සහන සැලසිය හැක්කේ කිනම් පාර්ශ්වයකට ද කියා මේ මහ මැතිවරණයේදී ජනතාව හො¼දින් තේරුම් ගෙන කටයුතු කළ යුතුයි.
මේ අවස්ථාවට එක්සත් ජාතික පක්‍ෂයේ පළාත් සභා සහ පළාත් පාලන ආයතන මන්ත්‍රීවරුන් ඇතුළු විශාල ජනකායක් එක්ව සිටියහ.
Last Updated on Sunday, 22 February 2015 20:55
 
කොළඹ, දෙමටගොඩ පොදු වෙළෙඳ සංකීර්ණය ජනතා අයිතියට පත් කිරීම - අග්‍රාමාත්‍ය රනිල් වික්‍රමසිංහ මහතා කළ කතාව. PDF Print E-mail
කොළඹ, දෙමටගොඩ පොදු වෙළෙඳපොළ සංකීර්ණයේ වැඩ කටයුතු අවුරුද්දක් වැනි කෙටි කාලයක දී අවසන් කර මේ අවස්ථාවේ දී අප එම වෙළෙඳපොළ සංකීර්ණය විවෘත කළා. මේ පොදු වෙළෙඳපොළ සංකීර්ණය ඉදිකිරීමේ දී ඉලක්කයක් අනුව වැඩ කිරීම ගැන මම අපේ කොළඹනගරාධිපති ඒ.ජේ.එම්. මුසම්මිල් මහතාටත්, සියලූම නාගරික මන්ත්‍රීවරුන්ට සහ කාර්ය මණ්ඩලයට මගේ ස්තඣතිය පුද කරනවා. කොළඹ, දෙමටගොඩ ප්‍රදේශය අපට ඉතා වැදගත් ප්‍රදේශයක් වන බව කිව යුතු අතර කොළඹනගරාධිපති ඒ.ජේ.එම්. මුසම්මිල් මහතා ඒ කාලයේ සිට කළ කාර්ය භාරය ගැනත්, අභියෝග සහ බලපෑම් මධ්‍යයේ එතුමා කොළඹනගර සභා බලය ආරක්‍ෂා කර ගැනීමට ක්‍රියා කිරීම ගැනත් මම ස්තඣතිවන්ත වනවා.
මේ දෙමටගොඩ ඇතුලූ කොළඹ දිස්ත්‍රික්කයේ ජනතාවගේ ඉඩම් අයිතිය 1977 දී අප තහවුරු කළ අතර සමහරුන්ට ඒ ඉඩම් සඳහා සින්නක්කර ඔප්පු ද, තවත් අයට ස්වර්ණභඣමි ඔප්පු ද, ඇතැම් අයට ඒ සඳහා විශේෂ බලපත් ද තිබෙනවා. ඒ අනුව යම් යම් හේතඣන් මත එක් අයෙකු හෝ මේ ඉඩම්වලින් ඉවත් කරනවා නම් ඔහුට ඒ සඳහා සාධාරණ වන්දියක් ගෙවිය යුතුයි.
සන්ධාන ආණ්ඩුව යටතේ 2013 දී සහ 2014 දී කොළඹජනතාව ඒ අය පදිංචිව සිටි ඉඩම්වලින් බලහත්කාරයෙන් පන්නා දැමුවා. නමුත් එම ජනයාට ඒ ආණ්ඩුව සාධාරණ වන්දියක් නොගෙවූ අතර ඊට එරෙහිව ජනතාව උද්ඝෝෂණය කළ නිසා කොළඹඉදිකෙරෙන අලූත් තට්ටු නිවාසවල ඒ ඇතැම් පිරිස්වලට නිවාස ලබා දුන්නා.
ඒ අවස්ථාවේ දී එක්සත් ජාතික පක්‍ෂය තරයේ කියා සිටියේ කොළඹජනතාව එම පදිංචි ඉඩම්වලින් ඉවත් කරනවා නම් ඒ අයට, ඒ අයගේ ඉඩමේ වටිනාකමට සරිලන වන්දියක් වහාම ගෙවිය යුතු බවයි. ඒ අනුව අසාධාරණයට ලක්වූ සියලූ ජනයා වෙනුවෙන් සාධාරණ වන්දි මුදලක් ගෙවීමට අප සියලූ වැඩ කටයුතු යොදා තිබෙන අතර ඒ ගැන අපේ මුදල් අමාත්‍යවරයා ඇතුලූ මැති ඇමැතිවරු ඉදිරියේ දී කරුණු ඉදිරිපත් කරාවි.
අපේ කොළඹනගරාධිපතිවරයා ඉලක්කයට වැඩ කළා වගේම මටත් සිදුව තිබෙන්නේ නිසි ඉලක්කයට වැඩ කිරීමට වන අතර ඒ සඳහා තිබෙන්නේ දින 100 ක් පමණයි. මෛත්‍රීපාල සිරිසේන මහතා පොදු අපේක්‍ෂකයා ලෙස ජනාධිපතිවරණයට අප සියලූ පාර්ශ්වයන් එකට එක්ව ඉදිරිපත් කළේ යහපාලනයක් රටේ ඇති කිරීම සඳහායි. එතුමා ජනාධිපති ධූරයට පත් වුණාට පසුව බොහෝ අය කියා සිටියේ පාර්ලිමේන්තුව විසුරුවා හැර හදිසි මහ මැතිවරණයක් පැවැත්විය යුතු බවයි.
ඒ සම්බන්ධයෙන් අප අවධානය යොමු නොකළේ අප සියලූ පාර්ශ්වයන් එකට එක්ව සිටියේ විධායක ජනාධිපති ක්‍රමය අහෝසි කර පාර්ලිමේන්තුව බලවත් කිරීමට වන නිසයි. ඒ වැඩ කටයුතු දින 100 ක් ඇතුළත සම්පූර්ණ කරන අප ඊට පසුව මහ මැතිවරණයකට ගොස් බහුතරයක් ලබාදිය යුත්තේ කිනම් දේශපාලන පක්‍ෂයට ද කියා තීරණය කිරීමේ අවස්ථාව ජනතාවට ලබා දෙනවා. ඒ පාර්ලිමේන්තු මැතිවරණයේ දී අප කළ යුතුව තිබෙන්නේ ආණ්ඩු ක්‍රමය, අග්‍රාමාත්‍යවරයා සහ ආණ්ඩුව තෝරා ගැනීමයි.
ජනාධිපතිවරණය වෙනුවෙන් රටට – ජනතාවට අප ඉදිරිපත් කළ දින 100 වැඩසටහන අනුව මෛත්‍රීපාල සිරිසේන මහතා ජනාධිපතිවරයා වන විට මම අග්‍රාමාත්‍යවරයා වන බව අප පැහැදිලිව කියා සිටියා. ඒ අනුව මෛත්‍රීපාල සිරිසේන මහතා ජනවරමින් ජනාධිපති වන විට මමත්, අග්‍රාමාත්‍යවරයා ලෙස දිවුරුම් දුන්නා. නමුත් ඒ වන විට පාර්ලිමේන්තුවේ අපට බහුතර බලයක් තිබුණේ නැහැ. ඒ අනුව මේ දින 100 වැඩසටහන පිළිගන්නවා ද, නැද්ද යන්න පිළිබඳව තීරණයක් ගැනීම සඳහා පාර්ලිමේන්තුවට අප අවස්ථාව ලබා දුන්නා.
ඒ අවස්ථාවේ දී එක්සත් ජනතා නිදහස් සන්ධානය කියා සිටියේ දින 100 වැඩසටහන පිළිගෙන ඊට සහාය පළ කරන බවයි. ඒ සමගම මෛත්‍රීපාල සිරිසේන මහතා ශ්‍රී ලංකා නිදහස් පක්‍ෂයේ සභාපතිවරයා ලෙස ද පත් කරනු ලැබුවා. මේ දින 100 වැඩසටහන ඒ අය පිළිගෙන ඊට සහාය පළ කරන බව කියා සිටි නිසා අප මේ ආණ්ඩුව ඉදිරියට ගෙන යනවා. කෙසේ නමුත් අපේ ඒ ආණ්ඩු කාල සීමාව අපේ‍ර්ල් මස 23 වන දා වන විට අවසන් වනවා. ඒ වන විට අප මහ මැතිවරණයකට යා යුතුව තිබෙන අතර ඊට වඩා ඉදිරියට යන්න අපට ආයුෂ ඇත්තේ නැහැ. සමහර විට නියමිත කාලයටත් පෙර මහ මැතිවරණයකට යන්න අපට සිදුවීමට ඉඩ තිබෙනවා.
එසේ වන්නේ දින 100 වැඩසටහන යටතේ යහපාලනය ඇති කිරීමට පාර්ලිමේන්තුවේ දී අපට සහයෝගය නොලැබුණොත් පමණයි. එවිට නිසි කාලයට පෙර මහ මැතිවරණයකට ගොස් යහපාලනය ඇති කිරීම සඳහා අපට තවත් ජනවරමක් ලබා දෙන්නැයි ජනතාවගෙන් අප ඉල්ලා සිටිය යුතුයි.
අපේ දින 100 වැඩසටහන අනුව අප විධායක ජනාධිපති ක්‍රමය අහෝසි කර පාර්ලිමේන්තුවට වගකියන අගමැතිවරයෙකු සහ කැබිනට් මණ්ඩලයක් යටතේ රටේ පාලනය ඉදිරියට ගෙන යා යුතුව තිබෙනවා.
ජනාධිපතිවරණයේ දී මෛත්‍රීපාල සිරිසේන මහතාට සහාය පළ කළ සියලූ දේශපාලන පක්‍ෂ සහ සංවිධාන මේ කරුණු කාරණා සම්බන්ධයෙන් මේ වන විට මූලික සහ පොදු එකඟතාවයකට පැමිණ සිටිනවා.
මේ කරුණු කාරණා සම්බන්ධයෙන් ජනමත විචාරණයක් පැවැත්වීමේ අවශ්‍යතාවයක් නොමැති අතර ව්‍යවස්ථාව අනුව ජනමත විචාරණයක් පැවැත්විය යුතු ද, නැද්ද යන්න පිළිබඳව අලූත් පාර්ලිමේන්තුවෙන් තීරණය කළ හැකියි. එම නිසා අප ක්‍රියා කළ යුත්තේ ජනමත විචාරණයකට නොයා දින 100 ක් ඇතුළත දී මේ වැඩ කටයුතු සියල්ල අවසන් කිරීමයි.
අපේ ආණ්ඩුක්‍රම ව්‍යවස්ථාවේ 42 වන වගන්තිය යටතේ විධායක ජනාධිපතිවරයා පාර්ලිමේන්තුවට වගකිව යුතුව සහ උත්තර දිය යුතුව තිබෙනවා. එසේ නම් වර්තමාන ජනාධිපතිවරයාත්, අනෙකුත් සියලූ ජනාධිපතිවරුනුත් පාර්ලිමේන්තුවට වගකිව යුතු අතර උත්තර ද දිය යුතුයි. ඒ අනුව ජනාධිපතිවරයෙකු පාර්ලිමේන්තුවට වගකියන්නේ සහ උත්තර දෙන්නේ කෙසේද යන ප්‍රශ්නය තිබෙනවා. ඒ ප්‍රශ්නය නිරාකරණය කරමින් ආණ්ඩුක්‍රම ව්‍යවස්ථාවේ 42 වන වගන්තියට දෙවැනි උප වගන්තියක් ඇතුළත් කර ආණ්ඩුක්‍රම ව්‍යවස්ථා සංශෝධනයක් සිදු කිරීමට අප තීරණය කළා. ව්‍යවස්ථාවේ 42 වන වගන්තියට ඉදිරිපත් කරන දෙවැනි උප වගන්තිය අනුව අගමැතිවරයාගේ උපදෙස් මත ක්‍රියා කරමින් පාර්ලිමේන්තුවට වගකීමට සහ උත්තර දීමට ජනාධිපතිවරයාට හැකි වනවා.
එසේ වන්නේ අපේ ආණ්ඩුක්‍රම ව්‍යවස්ථාව අනුව අගමැතිවරයා පත් කෙරෙන්නේ පාර්ලිමේන්තුවේ සහයෝගය මත වන නිසයි. එවිට ජනාධිපතිවරයා වැඩ කටයුතු කරන්නේ පාර්ලිමේන්තුවේ අනුමැතිය ඇතිව, එනම් අගමැතිවරයාගේ උපදෙස් අනුවයි. එමෙන්ම කැබිනට් මණ්ඩලයත්, ඇමැතිවරුනුත් පත් කෙරෙන්නේ ද අගැමතිවරයාගේ උපදෙස් මතයි.
අප ඉදිරිපත් කිරීමට යන මේ ආණ්ඩුක්‍රම ව්‍යවස්ථා සංශෝධනය යටතේ 18 වන ආණ්ඩුක්‍රම ව්‍යවස්ථා සංශෝධනය අහෝසි කර 17 වැනි ආණ්ඩුක්‍රම ව්‍යවස්ථා සංශෝධනය යටතේ පිහිටුවා තිබූ ස්වාධීන රාජ්‍ය සේවා, පොලිස්, අධිකරණ, මැතිවරණ සහ අල්ලස් කොමිෂන් සභා ද යළි ඇති කිරීමට කටයුතු යොදා තිබෙනවා.
එමෙන්ම රජයට සහ පාර්ලිමේන්තුවට උපදෙස් ලබා දීම සඳහා උපදේශක රාජ්‍ය සභාවක් ඇති කිරීමට ද අප තීරණය කර තිබෙනවා. ජනාධිපතිවරයා සතු විධායක බලතල පාර්ලිමේන්තුවට වගකියන කැබිනට් මණ්ඩලය මගින් ක්‍රියාත්මක කරවන නමුත් මෛත්‍රීපාල සිරිසේන මහතා විධායක ජනාධිපතිවරයා ලෙස පත්ව සිටින නිසා එතුමාගේ පාලන කාලයට පමණක් සීමා වන ආකාරයට එතුමා සමග සාකච්ඡා කර එතුමාට ද විධායක බලතල කිහිපයක් වෙන් කර තිබෙනවා. ඒ අනුව එතුමාගෙන් පසුව පත් වන කිසිඳු ජනාධිපතිවරයෙකුට ඒ විධායක බලතල හිමිවන්නේ නැහැ.
දූෂණ, වංචා සහ අක්‍රමිකතා ගැන සොයා බලා ඒ සම්බන්ධයෙන් අවශ්‍ය පියවර ගැනීම සඳහා විශේෂ ලේකම් කාර්යාලයක් ආරම්භ කර තිබෙන අප ඒ වෙනුවෙන් ඉදිරි සතියේ දී පොලිසියේ විශේෂ අංශයක් ද පිහිටුවනවා.
ජනතාවට උපරිම සහන සැලසීම සඳහා අතුරු අයවැය යෝජනාවලියක් ඉදිරිපත් කළ අප එමගින් ජනතාවට විශාල සහනයක් සලසා දී තිබෙනවා. මේ අතුරු අයවැය යෝජනාවලිය සම්මත කර ගැනීම සඳහා එක්සත් ජනතා නිදහස් සන්ධානයේ සහ ශ්‍රී ලංකා නිදහස් පක්‍ෂයේ සහයෝගය අපට ලැබුණා. එමෙන්ම ඩග්ලස් දේවානන්ද මහතා ද ඊට සහයෝගය දුන් අතර අප ඒ සියලූ දෙනාටම අපේ ස්තඣතිය පුද කරනවා.
ඒ වගේම අප ඉදිරිපත් කිරීමට යන මේ 19 වැනි ආණ්ඩුක්‍රම ව්‍යවස්ථා සංශෝධනයටත් මේ අය පාර්ලිමේන්තුවේ දී සහයෝගය ලබා දෙනු ඇතැයි අප විශ්වාස කරනවා. 19 වැනි ආණ්ඩුක්‍රම ව්‍යවස්ථා සංශෝධනය මාර්තු මස මුල් සතියේ දී කැබිනට් මණ්ඩලයට ඉදිරිපත් කර අනතුරුව පාර්ලිමේන්තුවට ඉදිරිපත් කිරීමට ද අප කටයුතු යොදා තිබෙනවා. එම ව්‍යවස්ථා සංශෝධනය සම්මත කර ගැනීමට පාර්ලිමේන්තුවේ දී සියලූ දෙනාගේම සහයෝගය ලැබෙනු ඇතැයි අප බලාපොරොත්තු වනවා. එසේ නොවුණහොත් ඒ සම්බන්ධයෙන් පැහැදිලි තීන්දුවක් ගැනීමට ජනතාවට සිදුවන බව කිව යුතුයි.
යහපාලනය වෙනුවෙන් අප වැඩ කළ නිසා 19 වැනි ව්‍යවස්ථා සංශෝධනය පාර්ලිමේන්තුවේ දී සම්මත කර ගැනීම සඳහා සියලූ දෙනාගේම සහයෝගය අපට ලැබේවි. මේ ක්‍රමය අනුව දේශපාලන පක්‍ෂ අතර මූලික ප්‍රශ්න විසඳෙන අතර යහපාලනය වෙනුවෙන් පැහැදිලි සහ විධිමත් රාමුවක් ද ඇති වනවා.
සියලූ පාර්ශ්වයන් යහපාලනය වෙනුවෙන් කැපවුණොත් ඉදිරි මහ මැතිවරණයේ දී අප අතරින් පාර්ලිමේන්තුවට යා යුත්තේ කවුරුන්ද කියා තීරණය කිරීමට ජනතාවට අවස්ථාව තිබෙනවා. ඉදිරි මහ මැතිවරණයෙන් පසුව සියලූ දේශපාලන පක්‍ෂ එකට ඒකරාශී කර ගෙන ආණ්ඩුව ඇති කිරීමට මටත් – එක්සත් ජාතික පක්‍ෂයටත් අවස්ථාව උදා වනවා. ඒ මහ මැතිවරණයෙන් පසුව අවුරුදු කිහිපයක් එකට එක්ව අප මේ රට පාලනය කරනවා නම් රටත් – ජනතාවත් මුහුණ දී සිටින මූලික ප්‍රශ්න විසදිය හැකියි.
ඊට පසුව ඒ ඒ දේශපාලන පක්‍ෂ අනුව දේශපාලනය කරමින් ඒ ඒ මැතිවරණ සඳහා තරග කිරීමට අපට හැකියාව තිබෙනවා. නමුත් ඊට පෙර අප සියලූ පාර්ශ්වයන් එකට එක්ව මේ කාලය ඇතුළත ශීලාචාර ආණ්ඩුක්‍රමයක් ඇති කර ජනතාවට පිළිගත හැකි අයුරින් අප වැඩ කටයුතු කළ යුතුයි.

 
ගරු අග්‍රාමාත්‍යතුමාගේ මහ ශිව රාත්‍රී දින පණිවුඩය PDF Print E-mail
දැනුමේ ආලෝකයෙන් මෝහාන්දකාරය පළවා හැරීම මෙන්ම සමාජයේ එකමුතුකම හා සමගිය මුදුන්පත් කරන මහා ශිව රාත්‍රී උත්සවය ශිව දෙවියන්ට විශේෂ පූජා පැවැත්වීම, දේව ස්ත්‍රෝත්‍ර ගායනා කිරීම මෙන්ම ශිව දෙවියන්ටබුහුමන් දැක්වීම මෙමඋත්සවයේ සද්චාරිත්‍රයයි.  

අද අප රටේ නව දේශපාලන සංස්කෘතියක් හා ජාතීන් අතර සහෝදරාත්මක පිබිදීමක් නිර්මාණය වෙමින් පවතී. එවන් පසුබිමකම හා ශිව රාත්‍රී උත්සවය පැවැත්වීම සංහිදියාවේ ආලෝකයෙන් වෛරයේ ඝන අඳුර දුරු කරලීමේ පිළිබිඹුවක් සේ මම දකිමි. හින්දු බැතිමතුනට අර්ථාන්විත මහා ශිව රාත්‍රී උත්සවයකට සුභ ප්‍රාර්ථනා ගෙන එන්නෙමි.

අග්‍රාමාත්‍ය
රනිල් වික්‍රමසිංහ
Last Updated on Monday, 16 February 2015 15:43
 
ගාල්ල දිස්ත්‍රික් එක්සත් ජාතික පක්‍ෂ ක්‍රියාකාරීන් සහ සාමාජිකයන් හමුවී උළුවිටිකේ එක්සත් ජාතික පක්‍ෂ ප්‍රධාන කාර්යාලයේදී 2015.02.15 දින අග්‍රාමාත්‍ය සහ එක්සත් ජාතික පක්‍ෂ ජාතික නායක රනිල් වික්‍රමසිංහ මහතා කළ කතාව. PDF Print E-mail
මීට පෙර මේ ස්ථානයේදීම මේ ආකාරයටම රැස්වූ අවස්ථාවේදී 2015 දී එක්සත් ජාතික පක්‍ෂ ආණ්ඩුවක් මේ රටේ ඇති කරන බව මම ස්ථිරවම කියා සිටියා. ඒ වගේම මේ වන විට අප ඒකාධිපති රාජපක්‍ෂ රෙජිමයේ බලය බිඳ හෙලා එක්සත් ජාතික පක්‍ෂය, ශ්‍රී ලංකා නිදහස් පක්‍ෂය, ජාතික හෙළ උරුමය ඇතුළු සියලූ දේශපාලන පක්‍ෂ එකට ඒකරාශී කර අලූත් ආණ්ඩුවක් ගොඩනඟා තිබෙනවා. ද්‍රවිඩ ජාතික සන්ධානය සහ ජනතා විමුක්ති පෙරමුණ මේ ආණ්ඩුවට පිටතින් සහයෝගය ලබා දෙන අතර, මුස්ලිම් සහ ද්‍රවිඩ කණ්ඩායම් ද අප සමග එක්ව සිටිනවා. අප සියලූ පාර්ශ්වයන් එකට එක්ව මේ ආණ්ඩුව ගොඩනැගුවේ දින 100 ක් සඳහායි.

සියලූ පාර්ශ්වයන් එකට එක්ව ගොඩනැගඣ අලූත් ආණ්ඩුවේ දින 100 යේ වැඩ සටහනේ ප්‍රධාන වැඩ කටයුතු තුන වන්නේ ජනතාවට සහන සැලසීම, විධායක ජනාධිපතික්‍රමය අහෝසි කර 17 වැනි ආණ්ඩු ක්‍රම ව්‍යවස්ථා සංශෝධනය ක්‍රියාත්මක කිරීම සහ දූෂණ ගැන සොයා බලා ඒ දූෂිතයින්ට දඬුවම් ලබාදීම සඳහා ක්‍රියා කිරීමයි. ජනතාවට ක්‍ෂණික සහන ලබාදීමේ වැඩ කටයුතු ආරම්භ කළ අප අනෙකුත් දේශපාලන පක්‍ෂ සමග එකට එක්ව ආණ්ඩු ක්‍රම ව්‍යවස්ථා සංශෝධන ගැන සාකච්ඡා කරමින් සිටින අතර, දූෂණ, වංචා සහ අක්‍රමිකතා පිළිබඳ කරුණු සොයා බලා වැරැදි කරුවන්ට එරෙහිව ක්‍රියා කිරීමේ යාන්ත්‍රණය ද ස්ථාපිත කර තිබෙනවා.

මේ දින 100 වැඩ සටහන අවසන් කළාට පසුව අප මහ මැතිවරණයකට යන අතර, ඒ මැතිවරණයෙන් පසුව අප ප්‍රමුඛතාවය ලබා දෙන්නේ නව රැකියා අවස්ථා දස ලක්‍ෂයක් බිහි කරමින් ජනතාවගේ ආදායම් දෙගුණ කිරීමටයි.

ගාල්ල දිස්ත්‍රික්කය සංචාරක ව්‍යාපාරයට සම්බන්ධ ප්‍රදේශයක් වන නිසා මේ පළාත්වලට වතුර බොන සුද්දන් වෙනුවට විශාල ලෙස සල්ලි වියදම් කරන සුද්දන් ගෙන්වා සංචාරක ව්‍යාපාරය දියුණු කරන බව මම එදා කියා සිටියා. සංචාරක ව්‍යාපාරය දියුණු කිරීම සම්බන්ධයෙන් මේ රටේ තිබෙන මහ පරිමාණ සංචාරක හෝටල් සහ සමාගම් සමග සාකච්ඡා කිරීමෙන් පලක් ඇත්තේ නැහැ. සංචාරක ව්‍යාපාරය දියුණු කර ජනතාවගේ ආදායම් වැඩි කිරීම ගැන නොසිතඣ මේ අය එදා ඒකාධිපති රාජපක්‍ෂ රෙජිමයට හේත්තු වී සිය සාක්කු පුරවා ගත්තා.

 2003 දී මේ රට අප භාර දී යන විට ලෝකයේ හොඳම වෙරළ තීරය බවට පත්ව තිබුණේ මේ ගාල්ල ප්‍රදේශයේ උණවටුණ මුහුදු තීරයයි. ඒකාධිපති රාජපක්‍ෂ රෙජිමය යටතේ උණවටුණ මුහුදු තීරය ද රට හේදිලා ගියා වගේම මේ වන විට සේදී ගොස් තිබෙනවා. උණවටුණ හෝ වේවා පාසි කුඩා හෝ වේවා ශ්‍රී ලංකාවේ හොඳ වෙරළ තීරයක් තිබුණා නම් ඒකාධිපති රෙජිමය කළේ ඒ සුන්දර වෙරළ තීර විනාශ කිරීමයි. ඒකාධිපති රෙජිමය ලෝකයේ ලොකුම පිහිණුම් තටාකය ලෙස හම්බන්තොට වරාය ඉදිකිරීම ගැන මට ප්‍රශ්නයක් නැතත් මම කණගාටු වන්නේ මේ අය අපේ සුන්දර වෙරළ තීර විනාශ කිරීම ගැනයි. මේ අනුව උණවටුණ වෙරළ තීරය යළි සංරක්‍ෂණය කර රැක ගැනීමට අපේ ආණ්ඩුව සියලූ කටයුතු යොදා තිබෙනවා. උණවටුණ වෙරළ තීරයේ විශාල වශයෙන් හෝටල් තිබුණත් අපද්‍රව්‍ය බැහැර කිරීම සඳහා විධිමත් සහ ක්‍රමවත් වැඩ පිළිවෙළක් ඇත්තේ නැහැ. ජාත්‍යන්තර ගුවන් තොටුපොළවල් ඉදිකිරීමට පෙර මහින්ද රාජපක්‍ෂ ආණ්ඩුව අවධානය යොමු කළ යුතුව තිබුණේ ඒ ගැනයි. උණවටුණ සහ හික්කඩුව ආදී වෙරළ තීරවල කුඩා ෙගෙස්ට් හවුස්ෙ පවත්වා ගෙන යන සංචාරක ව්‍යාපාරිකයින්ට අත දී ඒ අයගේ ව්‍යාපාර දියුණු කිරීමට අප කටයුතු යොදා තිබෙනවා. දකුණු වෙරළ තීරය සංරක්‍ෂණය කරන අතර, ගාලූ කොටුව ද ආරක්‍ෂා කරමින් රටට පැමිණෙන සංචාරකයින් සංඛ්‍යාව වැඩි කිරීම අපේ අරමුණයි. එමෙන්ම අලූත් සංචාරක හෝටල් ඉදිකිරීම සම්බන්ධයෙන් ද අපේ අවධානය යොමුව තිබෙනවා.

මේ ගාල්ල දිස්ත්‍රික්කයේ එදා සිට විශාල උත්සවයක් පැවැති අතර, සෑම අවුරුද්දකම ජනවාරි මාසයේ පැවැත් වෙන ඒ ඉංග්‍රීසි සාහිත්‍ය උළෙලට විශාල වශයෙන් සංචාරකයින් පැමිණියා. ආසියාවේ හොඳම උළෙල බවට එදා එම ඉංග්‍රීසි සාහිත්‍ය උළෙල පත්ව තිබුණත් රාජපක්‍ෂ රෙජිමය යටතේ එම සාහිත්‍ය උළෙල ද නතර කිරීමට සිදු වුණා. කෙසේ නමුත් 2016 ජනවාරි මාසයේදී එම සාහිත්‍ය උළෙල අප ඊටත් වඩා උත්සවාකාරයෙන් යුතුව පැවැත්වීමට කටයුතු කරනවා. එම සාහිත්‍ය උළෙල ගාල්ලට පමණක් සීමා නොකර ද්‍රවිඩ සහ ඉංග්‍රීසි අය වෙනුවෙන් යාපනයේද සිංහල සහ ඉංග්‍රීසි අය වෙනුවෙන් මහනුවර ද පවත් වන අතර දකුණේ සිංහල සහ ඉංග්‍රීසි සාහිත්‍ය කෘති අලලා දවස් හතක සාහිත්‍ය උත්සවයක් අප සංවිධානය කරනවා. මේ සාහිත්‍ය උළෙල අවසන් වුණාට පසුව අවුරුද්දේ ඉතිරි මාස වෙනුවෙන් තවත් විශේෂ උත්සව පහක් රට පුරා සංවිධානය කිරීමට ද අප තීරණය කර තිබෙනවා. මාස කිහිපයකට වරක් මෙවැනි අතිශය වැදගත් උත්සවයක් පැවැත් වෙන විට ඒ වෙනුවෙන් ලෝකයේ විවිධ කණ්ඩායම් මේ රටට පැමිණෙන අතර, එවිට රටත්, සංචාරක ව්‍යාපාරයත් දියුණුවට පත් වනවා. කොළඹවටේ රාත්‍රී කාර් ධාවන තරග පවත් වනවා වෙනුවට අප කරන්නේ රටපුරා මෙවැනි අතිශය වැදගත් උත්සව සහ සාහිත්‍ය උළෙලවල් සංවිධානය කිරීමයි. මේ අනුව ක්‍රියා කරමින් ශ්‍රී ලංකාවේ උළෙල සහ උත්සව තිබෙන ප්‍රධානතම නගරය බවට ගාල්ල පත් කරනවා. මේ අතර, ශ්‍රී ලංකාවට පැමිණෙන සංචාරයකු සතියක් හෝ ඊට වැඩි කාලයක් අපේ රටේ තබා ගැනීමට අවශ්‍ය ක්‍රියාමාර්ග ගැනීම කෙරෙහි ද අපේ අවධානය යොමුව තිබෙනවා. ඒ වෙනුවෙන් ෙගෝල්ෆ් පිට්ටනිෙ කිහිපයක් ඇති කළ යුතුව තිබෙන අතර, දෙද්දූව සංචාරක ව්‍යාපාරය ද අප යළි ආරම්භ කරනවා. ගාල්ල සහ මාතර සංචාරක ව්‍යාපාරය දියුණු කළාට පසුව හම්බන්තොට දිස්ත්‍රික්කයේ සංචාරක ව්‍යාපාරය දියුණු කිරීම සඳහා ඒ අයට උදව් කිරීමට ගාල්ලේ සහ මාතර අයට හැකි වනවා. මේ අතර, හම්බන්තොට දිස්ත්‍රික්කයේ විශාල කර්මාන්ත පුරයක් ඇති කිරීමට ද අප කටයුතු යොදා තිබෙනවා. එම කර්මාන්ත පුරය ඇති කරමින් මහින්ද රාජපක්‍ෂ හිටපු ජනාධිපතිවරයාට හම්බන්තොට වෙනුවෙන් කිරීමට නොහැකි වූ සේවය එම ජනතාවට කිරීම අපේ බලාපොරොත්තුවයි. ලෝකයේ ප්‍රසිද්ධතම සංචාරක ප්‍රදේශයක් බවට ගාල්ල සහ මාතර පත් කිරීමට අප කටයුතු කරන අතර, මුහුදු වෙරළේ තට්ටු 15 හෝ ඊට වැඩි ගොඩනැගිලි ඉදිකිරීමට අප කිසිවෙකුට ඉඩ තබන්නේ ද නැහැ. පොල් ගසකට වඩා උසින් යුතු ගොඩනැගිලි ඉදිකිරීමට ඉඩ නොතබන අතර, කවුරුන් හෝ එවැනි හෝටල් ඉදිකරමින් වෙරළ පරිසරය විනාශ කරනවා නම් ඊට එරෙහිව උපරිම පියවර ගන්නවා.

පරිසරය ආරක්‍ෂා නොකරන්නේ නම් සංචාරක ව්‍යාපාරය දියුණු කරමින් ආරක්‍ෂා කිරීමට හැකි වන්නේ නැහැ. සංචාරක ව්‍යාපාර කඩා වැටුණොත් සිදු වන්නේ එම ව්‍යාපාරයේ නියුතු අයගේ ආදායම මුළුමනින්ම කඩා වැටීමයි. සංචාරක ව්‍යාපාරය දියුණු කරන අතර මේ දකුණු පළාත ඇතුලූ රටේ අනෙකුත් ප්‍රදේශවල ව්‍යාප්ත වී තිබෙන කුඩා තේ වතු කර්මාන්තය දියුණු කිරීමට ද අප කටයුතු කරනවා. අත්‍යවශ්‍ය භාණ්ඩ 10 ක් සඳහා සහන ලබා දෙන බව අප මුලින් කියා සිටියත් අවසානයේදී අත්‍යවශ්‍ය භාණ්ඩ 13 ක් සඳහා විශාල වශයෙන් සහන සැලසීමට අප ක්‍රියා කළා. මේ අතර සහල් සඳහා සහනයක් ලබා නොදුන්නේ මන්දැයි සමහරුන් අපෙන් ප්‍රශ්න කරනවා. සහල් මිල අඩු නොකර අර්ථාපල් මිල ආරක්‍ෂා කරමින් දියර කිරි ලීටරයක් සඳහා ගෙවන මිල වැඩි කළේ ග්‍රාමීය ආර්ථිකයට මුදල් යැවීම සඳහායි. තේ සහ රබර් නිෂ්පාදකයින් ද එම කර්මාන්තයද ආරක්‍ෂා කර දියුණු කිරීම සඳහා දීර්ඝ කාලීන වැඩ පිළිවෙළක් ක්‍රියාත්මක කිරීම අපේ බලාපොරොත්තුවයි. ජී.එස්.පී. ප්ලස් අපට අහිමි නොවී තිබුණා නම් අපට අපේ රබර් නිෂ්පාදනවලින් කෙතරම් වාසියක් ලබා ගැනීමට තිබුණා ද? මේ අතර අපේ ධීවරයින්ගේ මතස්‍ය නිෂ්පාදනය ද යුරෝපය තහනම් කර තිබුණා. අපේ ධීවර නිෂ්පාදන සඳහා යුරෝපා සංගමය පනවා තිබෙන තහනම ඉදිරි මාස කිහිපයේදී ඉවත් කර ගැනීම සඳහා අවශ්‍ය පියවර ගැනීමට අග්‍රාමාත්‍යවරයා ලෙස මම අපේ විදේශ කටයුතු අමාත්‍ය මංගල සමරවීර මහතා මේ වන විටත් යුරෝපයට යවා තිබෙනවා. ධීවරයින්ගේ ප්‍රශ්න ගැන දන්නේ මම නොව කලක් ධීවර ඇමැතිවරයා ලෙස කටයුතු කළ තමා බව හිටපු ජනාධිපති මහින්ද රාජපක්‍ෂ එදා කියා සිටියා. ධීවරයින්ගේ ප්‍රශ්න ගැන දන්නවා යැයි කියන මිනිහාට මේ ප්‍රශ්නයේදී කිසිවක් කර ගැනීමට නොහැකි වූ නමුත් ධීවරයින් ගැන කිසිවක් නොදන්නවා යැයි කියන මම මේ ප්‍රශ්නය වෙනුවෙන් කුමක් හෝ මේ වන විටත් කර තිබෙනවා.

 බඩු මිල අපට මෙසේ විශාල ලෙස හදිසියේම අඩු කිරීමට හැකි වුණේ ඒ මත ගසා තිබූ අධික බදු ඉවත් කර තෙල් මිල අඩු කළ නිසයි. හිටපු ජනාධිපති මහින්ද රාජපක්‍ෂ මහතා පස් අවුරුද්දක් මුළුල්ලේ ජනතාවට ලබා නොදුන් සහන මමත්, මෛත්‍රීපාල සිරිසේන ජනාධිපතිවරයාත්, ආණ්ඩුවත් සති දෙකකින් ලබා දුන්නා. ජනතාවට මෙසේ සහන සැලසීමට හැකිව තිබියදී එසේ නොකිරීම විශාල පාපකර්මයක් බව කියා සිටී මහින්ද රාජපක්‍ෂගේ පැත්තේ එක්තරා මන්ත්‍රීවරයෙක් ඒ අයට ඒ සහනය ජනතාවට එදා ලබා දීමට නොහැකි වුණේ මන්දැයි මගෙන් ඇසුවා. ඒ අවස්ථාවේදී මම ඔහුට කියා සිටියේ ඒ ගැන විමසිය යුත්තේ මගෙන් නොව හිටපු ජනාධිපති මහින්ද රාජපක්‍ෂගෙන් බවයි. මේ අය ජනතාවගෙන් මේ තරම් විශාල ලෙස බදු ගත්තේ ඒ අයගේ දූෂණ, වංචා සහ අක්‍රමිකතා වෙනුවෙන් ගෙවීම සඳහායි. මේ අය විශාල වශයෙන් මුදල් වියදම් කර අරුගම්බේ ඉදිකළ එංගලන්තයේ බකින්හෑම් මාලිගයටත් වඩා අතිවිශාල සහ සුඛෝපභෝගී මාලිගයක් අප සොයා ගත්තා. එම මාලිගය මේ අය නම් කර තිබෙන්නේ ජාත්‍යන්තර සම්බන්ධීකරණ මූලස්ථානය ලෙසයි. මේ මාලිගා සංකීරණයේ පිහිනුම් තටාක සහිත ප්‍රභුවරුන්ගේ නිවාඩු නිකේතන 3 ක් ද අති සුඛෝපභෝගී නිවාඩු නිකේතන 14 ක් ද එක නිදන කාමරයක් සහිත නිවාඩු නිකේතන 18 ක් ද නිදන කාමර 2 ක් සහිත නිවාඩු නිකේතන 22 ක් ද වශයෙන් සුපිරි සහ අති සුඛෝපභෝගී නිවාඩු නිකේතන 57 ක් තිබෙනවා.


මේ අය මේ මාලිගා සංකීර්ණය යොදා ගෙන අරුගම්බේ සිට කළ ජාත්‍යන්තර සම්බන්ධීකරණය කුමක් ද? මේ ප්‍රභු අති සුඛෝපභෝගී සහ සුඛෝපභෝගී නිවාඩු නිකේතන ඉදි කළේ කවුරුන් වෙනුවෙන් ද? මේ ප්‍රභු නිවාඩු නිකේතන 3 පාවිච්චි කළේ කවුරුන්ද? ඒ නිවාඩු නිකේතන ඉදි කළේ කවුරුන් සඳහා ද? මේ ව්‍යාපෘතිය යටතේ මෙසේ අති සුඛෝපභෝගී නිවාඩු නිකේතන ඉදි කිරීමේ වැඩ කටයුතු මේ වන විට වැඩ කටයුතු අප වහාම නතර කර තිබෙන අතර, මේ ව්‍යාපෘතිය වෙනුවෙන් පාර්ලිමේන්තුව කිසිදු අවසරයක් ලබා දී නැහැ. මේ මාලිගා ව්‍යාපෘතිය වෙනුවෙන් යොදවා තිබෙන්නේ ජනාධිපති කාර්යාලයට ලබාදී තිබූ ප්‍රතිපාදනවලින් කොටසක් බව මේ වන විට හෙළි වී තිබෙනවා. මේ අනුව මේ අය නීතිය වගේම පාර්ලිමේන්තුවේ මූල්‍ය රෙගුලාසි ද සම්පූර්ණයෙන්ම උල්ලංඝණය කර තිබෙන බව කිව යුතුයි. මේ සියල්ල වෙනුවෙන් ගෙවීමට සිදුවූයේ ජනතාවට වන අතර, ජනතාව කරන ඒ ගෙවීම අප වහාම නතර කළ නිසා තෙල් මිල විශාල වශයෙන් අඩු කිරීමට අපට හැකි වුණා. යාපනයේ මේ අය මෙවැනිම තවත් රජ මාලිගාවක් ඉදි කර තිබෙන අතර, එම මාලිගය කුලී පදනම මත මහා පරිමාණ හෝටල් සමාගමකට ලබාදී ජනතාවට සහන සැලසීම සඳහා මුදල් සොයා ගැනීමට ජනාධිපති මෛත්‍රීපාල සිරිසේන මහතාත් මමත් තීරණය කළා. මේ මාලිගයේ තරු පහ හෝටලයක් ආරම්භ කළ හැකි නේදැයි ආර්. සම්බන්ධන් මහතා මගෙන් විමසූ අවස්ථාවේදී මම කියා සිටියේ මේ මාලිගයේ ස්වභාවය අනුව නම් එහි ආරම්භ කළ යුත්තේ තරු පහ හෝටලයක් නොව තරු හය හෝ හතක හෝටලයක් බවයි. ජනතාවට විශාල වශයෙන් බදු ගෙවීමට සිදු වූයේත් අධ්‍යාපනය සඳහා යොදවන ප්‍රතිපාදන කප්පාදු කෙරුණේත් මේ ව්‍යාපෘති වෙනුවෙන් ගෙවීම සඳහායි. සන්ධාන ආණ්ඩුව සහ හිටපු ජනාධිපතිවරයා බඩු මිල විශාල වශයෙන් වැඩි කළේ මේ ව්‍යාපෘති වෙනුවෙන් ගෙවීම සඳහා අවශ්‍ය මුදල් ජනතාවගෙන් ලබා ගැනීම සඳහායි.

 අපේ මව්වරුන් සිය දූදරුවන් නිල්වලා ගඟට කළු ගඟට සහ කැලණි ගඟට දමා සිය දිවි නසා ගත්තේ ඒ වැඩි කළ බඩු මිල දරා ගත නොහැකි නිසයි. මේ මාලිගා වෙනුවෙන් ගෙවීම සඳහා අපේ මව්වරුන් සිය දූදරුවන් කොපමණ පිරිසක් නිල්වලා ගඟේ, කළු ගඟේ සහ කැලණි ගඟේ පා කර හැරියා ද? ජනවාරි අට වැනි දා මේ රටේ සමස්ත ජනතාව එකට එක්ව නතර කළේ ඒ මහා අපරාධයයි. මේ මාලිගා වෙනුවෙන් ගෙවීම සඳහා රටේ ජනතාවගෙන් කොපමණ පිරිසක් තුන් වේලෙන් එක වේලක් නොකා සිටියා ද? කොපමණ දෙමව්පියන් පිරිසක් සිය දූදරුවන්ගේ අවශ්‍යතා ඉටු නොකර ඉවසා දරා ගෙන සිටියා ද? කොපමණ පිරිසක් අලූත් ඇඳුම් කැඬුම් මිලදී නොගෙන අන්ත අසරණවී සිටියාද? ඒකාධිපති රාජපක්‍ෂ රෙජිමය රට පුරා ඉදිකර තිබෙන මේ මාලිගා වෙනුවෙන් ගෙවීම සඳහා වැඩිපුර රුපියල් කෝටි 9000 ක් සොයා ගැනීමට අපට සිදු වෙලා.... රජමාලිගා ඉදිකිරීමේ ව්‍යාපෘති වහාම අප නතර කළේ ඒ මුදල්වලින් ජනතාවට සහන ලබාදීම සඳහායි. අරුගම්බේ මේ අය ඉදිකර තිබෙන රජ මාලිගය එංගලන්තයේ බකින්හැම් මාලිගයටත් වඩා විශාල බව මහ රැජිණ කියා සිටිනවා. පොදු රාජ්‍ය මණ්ඩලයේ සභාපති වරයා ලෙස පත් වූ නිසා තමාට රජ මාලිගයක් අවශ්‍ය බව මහින්ද රාජපක්‍ෂ සිතුවා විය හැකියි. සීසෙල්ස් රාජ්‍ය සඳහා, පැවැති සන්ධාන ආණ්ඩුව තානාපතිවරයකු ද පත් කළ ඔහු උâසන අවදි වුණාම මුල්ම රාජකාරිය ලෙස කරන්නේ මුහුදේ නෑමයි. ඊට පසුව උදේ කෑම ගන්නා ඔහු දහවල් නිදා ගන්නා අතර, යළි රාජ්‍ය වැඩ කටයුත්තක් ලෙස මුහුදේ නානවා. ඊට පසුව රාත්‍රී කෑම ගෙන විනෝදවීමට යන අතර, ඉද හිට ලංකා බැංකු ශාඛාවට ගොස් ගිණුම්වල තොරතුරු සොයා බලනවා.

මේ කරුණු කාරණා සම්බන්ධයෙන් ජනතාව දැනුම්වත් කර ඉදිරි මහ මැතිවරණයේදී අලියාට ජනවරම ලබා ගැනීමට ඇප කැප වන්නැයි සියලූ දෙනාගෙන් මම ඉල්ලා සිටිනවා. එසේ නම් අපේ මහ මැතිවරණ ව්‍යාපාරය අප මේ මොහොතේ සිට ආරම්භ කළ යුතුයි. අපේ බලය තිබෙන්නේ අමාත්‍යංශවල නොව ගමේ සහ ජනතාව අතර බව සියලූ දෙනාම මතක තබා ගත යුතුයි. ඒ අනුව මේ මොහොතේ සිටම වැඩ කටයුතු ආරම්භ කරමින් අලියාගේ ඡන්ද ගොඩ වැඩි කිරීමට සියලූ දෙනාම ඇප කැප විය යුතුයි. එහිදී අදහස් දැක්වූ ආණ්ඩු පක්‍ෂයේ ප්‍රධාන සංවිධායක සහ ජනමාධ්‍ය අමාත්‍ය ගයන්ත කරුණාතිලක මහතා මෙසේ පැවසීය. මහින්ද රාජපක්‍ෂ පාලනය තවත් විසි අවුරුද්දකින්වත් හෙළ වීමට නොහැකි යැයි සියලූ දෙනාම කියා සිටිද්දී අපේ නායක රනිල් වික්‍රමසිංහ මහතා එදා ස්ßර ලෙසම කියා සිටියේ 2014 අවසන් වන විට නියත වශයෙන්ම එක්සත් ජාතික පක්‍ෂ ආණ්ඩුවක් රටේ ගොඩනගන බවයි.

ඒ වෙනුවෙන් බිම් මට්ටමේ සහ ගම් මට්ටමේ වැඩ කටයුතු අපට බලා ගන්නැයි කියා සිටි එතුමා කිව්ව ආකාරයටම පරාජය කිරීමට නොහැකි යැයි කී මහින්ද රාජපක්‍ෂ පාලනය ගෙදර යවා නව ආණ්ඩුවක් රටේ ගොඩනැගුවා. මහින්ද රාජපක්‍ෂ හිටපු ජනාධිපතිවරයා සිය දිවුරුම් දීමේ උත්සව ඇතුළු උත්සව වෙනුවෙන් රුපියල් කෝටි ගණන් මුදල් වියදම් කළත් මෛත්‍රීපාල සිරිසේන ජනාධිපතිවරයා සහ රනිල් වික්‍රමසිංහ අපේ අග්‍රාමාත්‍යවරයා කොළඹනිදහස් චතුරස්‍රයේදී දිවුරුම් දුන් උත්සවයට වැය වූයේ රුපියල් 6000 යි. ජනාධිපතිවරණයට පෙර පොරොන්දු වූ පරිදිම දින 100 වැඩ සටහන යටතේ ලෝකයේ ලොකුම කැබිනට් මණ්ඩලය අහෝසි කරමින් කැබිනට් අමාත්‍යවරුන් සංඛ්‍යාව 30 කට සීමා කළ අතර, ඉතිහාසයේ කවදාවත් නොවූ විරු අයුරින් රුපියල් 33 කින් පෙට්‍රල් ලීටයරක මිල අඩු කළා. අපේ නව ආණ්ඩුව යටතේ මුදල් අමාත්‍යවරයා අතුරු සහන අයවැය ඉදිරිපත් කරමින් ජනතාවට ක්‍ෂණික සහන ලබා දෙන විට ඊට විරුද්ධ විය නොහැකි නිසා කිසිවක් කර කියා ගත නොහැකිව විමල් වීරවංශලා, දිනේෂ් ගුණවර්ධනලා සහ ඩීව් ගුණසේකරලා පාර්ලිමේන්තුවේ ඇබරෙන හැටි අප දුටුවා. කැබිනට් මණ්ඩලය අනුමත කර තිබෙන ජාතික ඔඣීෂධ පනත ක්‍රියාත්මක වන විට බෙහෙත් මිල විශාල වශයෙන් අඩු වන අතර, ඉදිරියේදී රජයේ රෝහල්වල භාහිර රෝගී අංශ පැය 24 පුරාවටම ක්‍රියාත්මක වනවා.

මේ අනුව මහ මැතිවරණයට අප යන්නේ රටේ විශාල පරිවර්තනයක් කර දින 100 වැඩ සටහන ක්‍රියාත්මක කරමින් පොරොන්දු වූ සහන ජනතාවට උපරිමයෙන් ලබා දුන් දේශපාලන පක්‍ෂය සහ නායකයා පෙරටු කර ගෙනයි. ඒ මැතිවරණයේදී බහුතරය දිනා ගන්නා එක්සත් ජාතික පක්‍ෂය අනෙකුත් දේශපාලන පක්‍ෂ සමග එක්ව ජාතික ආණ්ඩුවක් ගොඩනඟා මේ රටේ ඓතිහාසික පරිවර්තනයක් ඇති කරනවා. මේ ලෝකයේ කිසිදු දේශපාලන පක්‍ෂ නායකයකුට කිරීමට නොහැකි වූ දේ අපේ නායක රනිල් වික්‍රමසිංහ මහතා රටට ජනතාවට කර පෙන්වා තිබෙනවා. එතුමාගේ ඉවසීම සහ දූරදර්ශී භාවය ඇතුළු ගුණාංග අප සියලූ දෙනාම ආදර්ශයට ගත යුතුයි. එහිදී අදහස් දැක්වූ ගාල්ල දිස්ත්‍රික් එක්සත් ජාතික පක්‍ෂ සංවිධානයේ සභාපති, පළාත් සභා සහ පළාත් පාලන කමිටුවේ සභාපති සහ හිටපු කැබිනට් අමාත්‍ය වජිර අබේවර්ධන මහතා මෙසේ පැවසීය. අපේ නායක රනිල් වික්‍රමසිංහ මහතාට පදනම් විරහිත අභඣත සහ අසත්‍ය චෝදනා එල්ල කරමින් එදා බොහෝ දෙනා බැන වැඳුණා. සියලූ දෙනා මෙසේ බැණ ව¼දිද්දී පවා එතුමා ඉතාම දූරදර්ශී සහ බුද්ධිමත් නායකයකු ලෙස ඒ සියල්ල ඉවසා දරා සිටියා. එදා සිටම මම දුටූ රනිල් වික්‍රමසිංහ කියන්නේ දිවංගත ජනාධිපති ජේ.ආර්. ජයවර්ධන මහතාටත් වඩා ප්‍රතාපවත් නායකයකුයි. පාර්ලිමේන්තුවේ සුළුතරයක් සිටින එක්සත් ජාතික පක්‍ෂයේ නායක රනිල් වික්‍රමසිංහ අග්‍රාමාත්‍ය ධූරය හොබවන්නේ කෙසේ දැයි සමහරුන් ප්‍රශ්න කරනවා.


 සුළුතර පාර්ලිමේන්තු මන්ත්‍රී සංඛ්‍යාවක් සිටියදී පවා අග්‍රාමාත්‍ය ධූරය ලබා ගැනීමෙන් පැහැදිලි වන්නේම එතුමාගේ ඒ ශඣර දේශපාලන බුද්ධියයි. ශ්‍රී ලංකා නිදහස් පක්‍ෂයේ මන්ත්‍රීවරු ඇතුළු පාර්ලිමේන්තුවේ මන්ත්‍රීවරුන් දන ගස්සවා රනිල් වික්‍රමසිංහ අගමැතිවරයා ලෙස රට භාර ගෙන රටේත් ජනතාවගේත් අනාගතය තහවුරු කරමින් සිටිනවා. යහපාලනය කියන්නේ අයහපත් පාලනයෙන් සිදු වූ සියලූ අයහපත්කම් සහ වැරැදි නිවැරදි කිරීම බව කිව යුතුයි. ඒ අනුව මේ යහපාලනය යටතේ එදා පැවැති අයහපත් පාලනය හේතුවෙන් පුරා විසි අවුරුද්දක් මුළුල්ලේ එක්සත් ජාතික පාක්‍ෂිකයින්ට අත්විඳීමට සිදු වූ සියලූ අසාධාරණකම්, වැරැදි, අයිතීන් උල්ලංඝනය කිරීම් සහ පලි ගැනීම් අප වහාම නිවැරදි කරනවා. ඉදිරි මහ මැතිවරණයේදී එක්සත් ජාතික පක්‍ෂයට බහුතරය ලබා දුන්නාට පසුව ගොඩනඟන අලූත් ආණ්ඩුව යටතේ ඒ සියලූ දෙනාටම උපරිම සාධාරණය ඉටු කරමින් සහන සලසා ඒ සියල්ල අප බලා ගන්නවා. ඉදිරි මහ මැතිවරණයෙන් පාර්ලිමේන්තුවට වජිර අබේවර්ධන තේරී පත් වන්නේ යැයි ද මේ පුද්ගලයා පාලනය කළ නොහැකි පුද්ගලයකු යැයි ද ඔහු පාලනය කිරීම සඳහා එම මහ මැතිවරණයේදී ගාල්ල දිස්ත්‍රික්කයෙන් ජනතා විමුක්ති පෙරමුණට හයිය දෙන්නැයි ද අනුර කුමාර දිසානායක කියා තිබෙනවා. ජනතා විමුක්ති පෙරමුණට හෝ අනුර කුමාර දිසානායකට මාව පාලනය කිරීමට හැකියාවක් නොමැති බව හොදින් මතක තබා ගත යුතුයි. දේශපාලනිකව මාව පාලනය කිරීම සඳහා අපේ නායක රනිල් වික්‍රමසිංහ මහතා සහ එක්සත් ජාතික පක්‍ෂය සිටිනවා. මාව පාලනය කරන්න අනුර කුමාර දිසානායක කවුද? එම නිසා මහ මැතිවරණයේදී එක්සත් ජාතික පක්‍ෂයට අපේ නායක රනිල් වික්‍රමසිංහ මහතාට සහ අලියා හයිය දෙන්නැයි ජනතාවගෙන් මම ඉල්ලා සිටිනවා. ඒ හයිය දී බහුතරය එක්සත් ජාතික පක්‍ෂයට ලබා දුන්නාම රනිල් වික්‍රමසිංහ මහතා රට බලා ගන්නා විට මම මේ ගාල්ල බලා ගන්නවා. ඉදිරි මහ මැතිවරණයෙන් අප ගාල්ල දිස්ත්‍රික්කයේ සියලූ ආසන ද ඡන්ද මධ්‍යස්ථාන 703 ද ජය ගන්නවා.

 එක්සත් ජාතික පක්‍ෂයත් නායක රනිල් වික්‍රමසිංහ මහතාත් වෙනුවෙන් මම මගේ යුතුකම, වගකීම සහ කාර්ය භාරය අකුරටම ඉටු කර තිබෙනවා. 2010 පාර්ලිමේන්තු මැතිවරණයෙන් පරාජයට පත් වුණත් මම ගාල්ල ජනතාව වෙනුවෙනුත් එක්සත් ජාතික පක්‍ෂය වෙනුවෙනුත් මගේ යුතුකම් ඉටු කළා. මම කවදාවත් මේ එක්සත් ජාතික පක්‍ෂය සහ පාක්‍ෂිකයා වැටෙන්න කිසිසේත් ඉඩ නොතබන බව අවධාරණයෙන් යුතුව කියා සිටිනවා. මේ අවස්ථාවට සියලූම ආසන සංවිධායකවරුන් ද පළාත් සභා සහ පළාත් පාලන ආයතන මන්ත්‍රීවරුන් ද ඇතුළු විශාල පිරිසක් එක්ව සිටියහ.
 
ගරු අග්‍රාමාත්‍යතුමාගේ නිදහස් දින පණිවුඩය PDF Print E-mail
ගරු අග්‍රාමාත්‍යතුමාගේ පණිවුඩය

අද අප 67 වන ජාතික නිදහස් දිනය සමරනුයේ, අප ආදරණීය මාතෘභූමියේ ශිෂ්ඨ දේශපාලන සංස්කෘතියක් නිර්මාණය වෙමින් පවතින අවස්ථාවකය.
අප රටට නිදහස ලබා ගැනීම සඳහා ශ්‍රී ලංකාවේ ජාතියේ පියා වන ප්‍රථම අග්‍රාමාත්‍ය මහාමාන්‍ය ඩී එස් සේනානායක මහතා අප රටේ නිදහස් අරගලය දියත් කිරීම සඳහා යොදා ගත් ප්‍රධානතම අවිය වූයේ අප රට තුළ සමගි සම්පන්නව ජීවත් වූ ජාතීන් අතර පැවැති එකමුතුකම හා සහෝදරත්වයයි. නිදහස ලබා ගත් පසු දේශය හමුවේ පැවැති අභියෝගය වූයේ ඒ සමගිය ආරක්‍ෂා කර ගනිමින්, සංවර්ධනය කරා පියවර තැබීමයි.
නමුත් අවාසනාවකට දෝ ඒ අභියෝගය සාර්ථක ලෙස ජය ගැනීමට අපි අපොහොසත් වීමු.
දැන් යළිදු එවැනි අරමුණක් සැබෑ කර ගත හැකි කාලපරිච්ෙඡ්දයකට එළඹි සිටින්නෙමු. විවිධ ජාතීන් නියෝජනය කරන, විවිධ ආගම් අදහන, දේශපාලන පක්‍ෂ, සිවිල් සංවිධාන හා විවිධ කණ්ඩායම් රටේ යහපත සඳහා වූ එක් පොදු අරමුණක් වෙනුවෙන් සියළු භේද අමතක කොට එක් පොදු වේදිකාවකට ඒකරාශී වී ඇත.

සමගියෙන් රැස්වී, සමගියෙන් සාකච්ඡා කොට, සමගියෙන් විසිර යාමේ උදාර ලිච්ඡවී රාජ්‍ය ප්‍රතිපත්තිය අනුගමනය කරමින් සම්මුතිවාදී පාලනයක් ඔස්සේ යහපත් හා සෞභාග්‍යවත් දේශයක් ගොඩනැංවීම අප සැමගේ ඒකායන අරමුණ වෙයි.
අපේ නිදහස වඩාත් අර්ථවත් කරලීම උදෙසා ඒ උදාර අරමුණ වෙනුවෙන් කැපවීමට අද දිනයේ අප සැම අදිටන් කර ගනිමු.

රනිල් වික්‍රමසිංහ
අග්‍රාමාත්‍ය
ශ්‍රී ලංකා අග්‍රාමාත්‍ය


Last Updated on Wednesday, 04 February 2015 09:20
 
<< Start < Prev 1 2 3 4 5 6 7 8 9 10 Next > End >>

Page 7 of 142
Unp membership



Party Theme Song


PopUp MP3 Player (New Window)

Leader's Theme Song


PopUp MP3 Player (New Window)

Get Sinhala

Latest Video



Gallery

Copyright © 1946 - 2016. United National Party. Designed by Acelabs.org