Saturday August 23, 2014
News Feeds:
2014.07.19 දින ගම්පොළ නගර සභා ශාලාවේදී ඡන්දපොළ සංවිධායකවරු සහ ක්‍රියාකාරීන් හමුවූ අවස්ථාවේදී කළ කතාව PDF Print E-mail


මේ රටේ ජාතික අසමගිය ඇති කර සිංහල බෞද්ධ ජනතාව සම්පූර්ණයෙන්ම විනාශ කිරීමට වේළුපිල්ලේ ප්‍රභාකරන් උත්සාහ කළා. නමුත් අවසානයේදී වේළුපිල්ලේ ප්‍රභාකරන්ගේ එම උත්සාහය අසාර්ථක වුණා.
වේළුපිල්ලේ ප්‍රභාකරන් අසාර්ථක වුණත් ජාතික අසමගිය ඇති කර සිංහල, බෞද්ධ ජනතාව විනාශ කිරීමේ ඒ කාර්ය භාරය ජනාධිපතිවරයා සහ ආණ්ඩුව මේ වන විට කරමින් සිටිනවා. මේ ක්‍රියාවලිය නතර කළ හැක්කේ රටේ පැහැදිලි වෙනසක් ඇති කිරීමෙන් පසුව බව කිව යුතුයි. 
ථෙරවාදී බුදුදහම ශ්‍රී ලංකාවට ගෙන ආ පසුව සිංහල, බෞද්ධ සංස්කෘතිය බිහි වුණා. අපේ මහ විහාර සිරිත තායිලන්තයේ, මියන්මාරයේ, කාම්බෝජයේ, ලාඕසයේ සහ වියට්නාමයේ පැතිරුණා. අපි දැනමට බෞද්ධයන් ලෙස අපේ මෛත්‍රී සංකල්පයට, අපේ අනුකම්පා සහගත හැඟීම්වලට, සියලූ ජාතීන් සහ ආගමිකයින් සමග එකට ජීවත්වීමේ පිළිවෙළට, පුළුල් ආකල්පවලට ඇතුළු අපේ ගුණධර්මවලියක්, ආචාරධර්මවලියක් ලෝකයේ විශාල පිළිගැනීමක් සහ ගෞරවයක් එදා තිබුණා. 
රජරට යුගයේ සහ කෝට්ටේ යුගයේ රට ඉදිරියට ගමන් කළේ මේ පසුබිම මතයි. සිංහල, බෞද්ධ ජනයා, ද්‍රවිඩ කතා කරන හින්දු ජනයා සහ මුස්ලිම් ජනයා රජතුමා යටතේ පුරවැසියන් ලෙස ජීවත් වුණා. 
සුද්දන් මේ රට අල්ලා ගත්තාට පසුව සුද්දන්ගෙන් මේ රට බේරා ගෙන සිංහල බෞද්ධ ජනයා ආරක්‍ෂා කරන්නේ කෙසේද කියා ඩී.එස්. සේනානායක මැතිතුමා ඇතුළු ජාතික නායකයින් එදා කල්පනා කළා. 
සිංහල, බෞද්ධ ජනයා ආරක්‍ෂා කිරීමට නම් රටේ සියලූ ජාතීන් ආරක්‍ෂා කළ යුතු බව ඩී.එස්. සේනානායක මැතිතුමා පුරාණ රජවරුන් වගේම තේරුම් ගත්තා. අප සිංහල, බෞද්ධ ජනයා ගැන පමණක් එදා සිතුවා නම් ද්‍රවිඩ සහ මුස්ලිම් ජනයා ද ඒ අයුරින්ම සිතා සුද්දන්ගෙන් විවිධ දේ ඉල්ලා ගත්තා නම් මේ රට එකට එකතු කිරීමට නොහැකි වනවා. එවිට සියලූ දෙනා එකට ඒකරාශී කර ගත් ශ්‍රී ලංකාවක් ගොඩනැගීමට හැකි වන්නේ නැහැ. 
එම නිසා ඩී.එස්. සේනානායක මැතිතුමා මුලින්ම කළේ සිංහල බෞද්ධ ජනයා එකට ඒකරාශී කිරීමයි. ඊට පසුව ද්‍රවිඩ සහ මුස්ලිම් ඇතුළු අනෙකුත් ජාතීන් ද එකට ඒකරාශී කර ජාතික සමගිය ඇති කර ෙනිදහස දීපන්ෙ කියා සුද්දන්ට බලපෑම් කළා. රටේ ජාතික සමගිය තිබෙන නිසා අපට නිදහස ලබාදීමට සුද්දන්ට සිදු වුණා. 
සිය අනන්‍යතාව අත්හරින්නැයි ඩී.එස්. සේනානායක මැතිතුමා සිංහල, බෞද්ධ ජනතාවට, ද්‍රවිඩ සහ මුස්ලිම් ජනතාවට කිසිදු අවස්ථාවක කියා සිටියේ නැහැ. සිය ජාතික සහ ආගමික අනන්‍යතාව ආරක්‍ෂා කර ගන්නා අතරම අපේ සමගිය ලොවට ප්‍රදර්ශනය කිරීම සඳහා ශ්‍රී ලාංකික අනන්‍යතාව අනුව ක්‍රියා කළ යුතු යැයි එතුමා පෙන්වා දුන්නා. 
අප කිනම් ජාතියකට කිනම් ආගමකට අයිති වුණත් ක්‍රිකට් තරගාවලියකට යන විට සියලූ දෙනාම ජාතික කොඩිය යටතේ ශ්‍රී ලාංකික අනන්‍යතාව ලොවට ප්‍රදර්ශනය කරන්නේ ඒ පසුබිම යටතේයි. 
ශ්‍රී වික්‍රමරාජසිංහ රජතුමාගේ සිංහ කොඩියට අප කොල සහ තැóලි පැහැති තීරු දෙකක් එකතු කර නැවත නිර්මාණය කළේ අපේ ජාතික සමගිය ලොවට පෙන්වීම සඳහයි. 
ඊළාම් රාජ්‍යයක් ඇති කිරීමට නම් ඩී.එස්. සේනානායක මැතිතුමා ඇති කළ මේ ශක්තිමත් ජාතික සමගිය විනාශ කළ යුතු බව වේළුපිල්ලේ ප්‍රභාකරන් අවබෝධ කර ගත්තා. සිංහල, බෞද්ධයන් පමණක් මේ රට ගෙන යන බව පෙන්වා ද්‍රවිඩ සහ මුස්ලිම් ජනයා අපෙන් ඈත් කළ යුතු යැයි ඔහු තීරණය කළා. ඒ අනුව මේ රට සිංහල බෞද්ධ රාජ්‍යයක් යැයි ද මේ රාජ්‍යයේ අනෙකුත් ජාතිකයන්ට සහ ආගමිකයින්ට ඉඩක් නැතැයි ද කියමින් වේළුපිල්ලේ ප්‍රභාකරන් ලොව වටා ගියා. 
අප ඊට මුහුණදුන් අතර අප සියලූ දෙනාම ශ්‍රී ලාංකික ජාතිය ලෙස එකට ජීවත් වන බව අප ලොවට කියා සිටියා. සිංහල, බෞද්ධයන් සිටින එකම රට ශ්‍රී ලංකාව වුණත් අප මේ රටේ සිටින අනෙකුත් ජාතීන් ද එකට එකතු කර ගෙන මේ ගමන යන බව අප ලොවට පැහැදිලි කර දුන්නා. 
වේළුපිල්ලේ ප්‍රභාකරන්ගේ ස්ථාවරයට එකඟ නොවු ද්‍රවිඩ සහ මුස්ලිම් ජනයා සියලූ දෙනා සමග එකට එක්ව ජාතික සමගියෙන් යුතුව මේ රටේ ජීවත් විය යුතු බව කියා සිටියා. 
ඒ අවස්ථාවේදී වේළුපිල්ලේ ප්‍රභාකරන් මුස්ලිම් ජනතාව යාපනයෙන් සහ මන්නාරමෙන් පන්නා දැම්මා. නැගෙනහිර මුස්ලිම් පල්ලි කඩා විනාශ කළ අතර මුස්ලිම් ජනයා වෙඩි තබා ඝාතනය කළා. මේ රට බෙදා වෙන් කිරීමට ඉඩ නොදෙන බව කියා සිටි උඩ රට වතුකරයේ ද්‍රවිඩ ජනතාව සිය ජාතිකයින්ට අවශ්‍ය වන්නේ ශ්‍රී ලංකාවේ පුරවැසිභාවය ලබා ගැනීම යැයි අවධාරණය කළා. ඊළාම් රාජ්‍යයකට යන්න සූදානම් නොමැති බව පැවසූ නැගෙනහිර මුස්ලිම් ජනතාව ඒ අයට අවශ්‍ය වනන්නේ ශ්‍රී ලංකාව තුළ දේශපාලන බලය බෙදන විසඳුමක් බව කියා සිටියා. උතුරේ ද්‍රවිඩ ජනතාවද එම ස්ථාවරයේම සිටි නිසා ඒ ජනතාව ද සිය මතයට නම්මවා ගැනීමට වේළුපිල්ලේ ප්‍රභාකරන්ට නොහැකි වුණා. 
කිසිම ජාතියක් සිය මතයට එකඟ කර ගැනීමට නොහැකි වූ නිසා අසාර්ථක වූ වේළුපිල්ලේ ප්‍රභාකරන් 2009 දී පරාජයට පත් වුණා. උතුරේ ද්‍රවිඩ ජනයා සහ නැගෙනහිර මුස්ලිම් ජනතාව ඔහු සමග සිටියා නම් ඔහු දිනනවා. ජාතීන් අතර අසමගිය ඇති කර සිංහල, බෞද්ධ ජනතාව ද භේද කිරීමට වෙළ්පිල්ලේ ප්‍රභාකරන්ට නොහැකි වුණා. 
වේළුපිල්ලේ ප්‍රභාකරන් පරාජය වුණාට පසුව ද්‍රවිඩ සහ මුස්ලිම් ජනයා එකට ඒකරාශී කර ගෙන ජාතික සමගිය ඇති කර ආණ්ඩුව ඉදිරියට යනු ඇතැයි ජනතාව සිතුවා. නමුත් කිසිවක් සිදු නොවූ අතර ජාතික සමගිය වෙනුවට ආණ්ඩුව ජාතික අසමගිය ඇති කිරීමට ක්‍රියා කළා. 
ද්‍රවිඩ සහ මුසිල්ම් ජනයා වෙන් කර රට බෙදා සිංහල බෞද්ධ ජනයා නොසලකා හැරීමට මේ අය ක්‍රියා කරනවා. මාව පරාජයට පත් කර 2005 ජනාධිපතිවරණය ජයගැනීම සඳහා අපේ ජනාධිපතිතුමා සහ වේළුපිල්ලේ ප්‍රභාකරන් එකට එකතු වී එදා ලිපි හුවමාරු කර ගත්තා. 
යුද්ධයෙන් පසුව අප කළ යුතුව තිබුණේ යුද්ධයෙන් ජීවිතක්‍ෂයට පත් වූ අහිංසක සිවිල් ජනතාව වෙනුවෙන් කනගාටුව පළ කර ඒ අයගේ ප්‍රශ්න පිළිගෙන වන්දි ගෙවා උතුර සහ නැගෙනහිර දියුණු කිරීමයි. 
උතුරුට සහ නැගෙනහිරට බලය බෙදන බවට ඉන්දියාවට පොරොන්දු වූයේ මම නොව ජනාධිපතිවරයායි. ඒ අනුව ක්‍රියා කළා නම් කිසිම ප්‍රශ්නයක් ඇති වන්නේ නැහැ. නමුත් ආණ්ඩුව කළේ සෑම පැත්තකින්ම ඒ ද්‍රවිඩ සහ මුස්ලිම් ජනයා පහත් කර එක පැත්තකින් උතුරු පළාත් සභාව ලබාදී අනෙක් පැත්තෙන් ඒ බලතල අල්ලා ගත්තා. 
මේ හේතුවෙන් යළිත් වතාවක් ඒ ජනතාවට ඉන්දියාවේ සහ තමිල්නාඩුවේ සහය ලබා ගැනීමට සිදු වූ නිසා ඒ හේතුවෙන් විශාල ජාතික අසමගියක් ඇති වුණා. දේශපාලන වාසි ලබා ගැනීම සඳහා ද්‍රවිඩ ජනතාවට පහර දුන්නා. මෙසේ ක්‍රියා කරමින් ඒ ද්‍රවිඩ ජනතාව අපෙන් ඈත් කළා. 
ඇත්ත වශයෙන් මේ ජනතාව අපෙන් ඈත් කිරීමට වේළුපිල්ලේ ප්‍රභාකරන්ට පවා නොහැකි වුණා. වේළුපිල්ලේ ප්‍රභාකරන්ව අත හැර නැගෙනහිර කරුණා අම්මාන් පවා එදා අපේ පැත්තට පැමිණියා. 
අපේ ජාතික සමගියෙන් ද්‍රවාඩ ජනතාව ඈත් කිරීමට වේළුපිල්ලේ ප්‍රභාකරන්ට නොහැකි වුණාට ඒකාධිපති රාජපක්‍ෂ රෙජිමය ඒ වැඩේ කර තිබෙනවා. මුස්ලිම් ජනතාව ද මේ ජාතික සමගියෙන් ඈත් කිරීමට ඒකාධිපති රෙජිමය ක්‍රියා කරමින් සිටිනවා. 
සෑම පැත්තකම විශාල බෙදීමක් ඇති වී තිබෙන අතර සිංහල, බෞද්ධ ජනතාව මෙලෙච්ඡයන් පිරිසක් යැයි විදේශ රටවල් සිතනවා. බීබීසී ඇතුළු විදේශ මාධ්‍ය ඒකාධිපති රාජපක්‍ෂ රෙජිමය විවේචනය කළොත් තානාපතිවරුන් සහ අනෙකුත් මාධ්‍ය යෙදවා ඊට පිළිතුරු ලබාදෙමින් ඒ සියල්ල නිවැරදි කරනවා. 
එසේ නම් සුළු පිරිසකගේ ක්‍රියා නිසා සිංහල බෞද්ධ ජනතාව මෙලෙච්ඡයින් ලෙස හඳුන් වන විට ආණ්ඩුව අපේ තානාපතිවරුන් සහ මාධ්‍ය යොදවා ඒ චෝදනා ප්‍රතිෙක්‍ෂ්ප කර නිවැරදි නොකරන්නේ ඇයි? 
ඒකාධිපති රාජපක්‍ෂ රෙජිමය විවේචනය කරන විට ශ්‍රී ලංකා ආණ්ඩුවේ මුළු යාන්ත්‍රණයම යොදවනවා. නමුත් ආණ්ඩුවේ අනුග්‍රහය ඇතිව ගිහි පැවැදි සුළු පිරිසක් සිංහල බෞද්ධ බහුතරයේ නම විනාශ කරන විට ඊට එරෙහිව ආණ්ඩුව කිසිම පියවරක් ගත්තේ නැහැ. මේ සිද්ධීන් ඇති කරන්නේ සිංහල බෞද්ධ බහුතරය නොව සුළු පිරිසක් බව ආණ්ඩුව ලොවට කියා සිටියේ නැහැ. 
අවසානයේදී අපේ මේ ක්‍රියා කලාපය වැරදි බව දලයි ලාමා තුමාත් ප්‍රකාශ කළ අතර ඒ සමග ලෝකය ඉදිරියේ අප ඇදවැටුණා. එදා වේළුපිල්ලේ ප්‍රභාකරන්ට කිරීමට නොහැකි වූ දේ මුළු රාජ්‍ය බලයම යොදවා කරන ඒකාධිපති රාජපක්‍ෂ රෙජිමය සිංහල බෞද්ධ සමාජය විනාශ කරනවා. 
ජාතික අසමගිය ඇති කරන අතර ඒකාධිපති රාජපක්‍ෂ රෙජිමය මහ නා හිමිවරුන් එපා කියද්දි ඇසල පෙරහර සමයේ මහනුවර ශ්‍රී දළදා මාළිගාව වටා රාත්‍රී කාර් ධාවන තරග පවත් වනවා. එවිට ලෝකයා සිතන්නේ දළදා මාළිගාව කියන්නේ මොන්ටිකාලෝ වගේ රේස් පිටියක් කියායි. 
එසේ නම් ඒකාධිපති රෙජිමය අපේ රටේ නම ද සිංහල බෞද්ධ සිරිත ද විනාශ කරමින් සිටිනවා. ඒකාධිපති රෙජිමයේ මේ ක්‍රියාවන් වෙනුවෙන් වන්දි ගෙවීමට සිදුව තිබෙන්නේ සිංහල බෞද්ධ ජනතාවටයි. 
මේ තත්ත්වය වෙනස් කළ හැක්කේ ඩී.එස්. සේනානායක මැතිතුමා පෙන්වා දුන් මාර්ගයේ ගොස් ජාතික සමගියක් ඇති කිරීමෙනුයි. ජාතික සමගිය වහාම මේ රටේ ඇති කළ යුතු යැයි මහ නායක හිමිවරුන් පවා කියා සිටිනවා. 
සිංහල, බෞද්ධ ජනතාව කියන්නේ ශ්‍රේෂ්ඨ ජාතියක් බවත් අපට සියලූ ජාතීන් සහ ආගමිකයින් සමග එකට ජීවත් විය හැකි බවත් දන්ත ධාතඣන් වහන්සේ සහ දළදා මාළිගාව කියන්නේ අපේ පූජනීයම ස්ථානයක් බවත් අප මුළු ලොවටම ඔප්පු කළ යුතුයි. දළදා මාළිගාව වටා රාත්‍රී කාර් ධාවන තරග පවත් වන රෙජිමය වැඩි කල් නොගොස් ශ්‍රී පාදය වටාත් ඒ තරග පවත්වාවි. 
ජාතික සමගිය ඇති කර සිංහල බෞද්ධ ජනතාවගේ නම්බුව ආරක්‍ෂා කර ශ්‍රී ලාංකික පුරවැසියන් කියා කිසිදු බියක් සහ සැකයක් නොමැතිව සියලූ ජාතීන්ට ආඩම්බරයෙන් කිව හැකි යුගයක් යළි මේ රටේ ගොඩනැගීම සඳහා ඒකාධිපති රාජපක්‍ෂ රෙජිමය පන්නා 2015 දී පැහැදිලි වෙනසක් ඇති කිරීමට සියලූ දෙනාම එකට එක් වී ඇප කැප විය යුතුයි. ඒකාධිපති රාජපක්‍ෂ රෙජිමය පන්නා මේ රටේ පැහැදිලි වෙනසක් නියත ලෙසම අප ඇති කරනවා.

 
2014.07.13 වැනි දින දංකොටුවේ පැවැති ඡන්ද මධ්‍යස්ථාන සංවිධායකවරුන්ගේ සාකච්ඡාවේ දී අදහස් දැක්වූ එක්සත් ජාතික පක්‍ෂ ජාතික නායක සහ විපක්‍ෂ නායක රනිල් වික්‍රමසිංහ මහතා. PDF Print E-mail

ජනජය සහ සාමාජික ප්‍රවර්ධන වැඩසටහන ආරම්භ කිරීම සඳහා මා අද වෙන්නප්පුව ප්‍රදේශයට පැමිණියා. එමෙන්ම පුත්තලම ප්‍රදේශයේ ද මෙම වැඩ කටයුතු අප ඊයේ දිනයේ දී සිදු කළා. අලූත් වැඩසටහනේ කොටසක් ලෙස අප මේ කටයුතු ආරම්භ කර තිබෙනවා.
මෙම රැස්වීම සංවිධානය කරන ලද රිචී ප්‍රනාන්දුපුල්ලේ මහතා මීට පෙර වයඹපළාත් සභාවේ සභාපතිවරයා ලෙස කටයුතු කළා. එතුමාගේ කාලයේ මිනිසුන් සපා කෑමට පුරුදු කළා දැයි මම එතුමාගෙන් විමසා සිටියා. වයඹපළාත් සභාවේ එවැනි දෙයක් සිදු නොකළ බව එම අවස්ථාවේ දී එතුමා මා සමග ප්‍රකාශ කළා. 
ජනජය වැඩසටහන පිළිබඳව දීර්ඝ ලෙස අකිල විරාජ් කාරියවසම් මන්ත්‍රීතුමා කතා කළ නිසා ඒ පිළිබඳව කතා කිරීමට අදහස් නොකළත් ජූලි මාසය අවසානය වන විට එම කටයුතු අවසන් කිරීම අපගේ බලාපොරොත්තුවයි. අපි වීදි සටනට මේ දිනවල සූදානම් වනවා. ඒ වගේම සෑම නිවසකටම ගොස් බහුතර ඡන්ද ප්‍රමාණයක් අපේ පක්‍ෂයට හරවා ගැනීම ද අපගේ බලාපොරොත්තුවයි. 
රාජපක්‍ෂ රෙජීමය අවුරුදු 10 ක් තිස්සේ රටටත් – ජනතාවටත් බොරු කළ බව දැන් ජනතාව තේරුම් ගෙන සිටිනවා. ජනාධිපතිවරයා ජනතාව අමතක කරමින් වසර 5 ක් තිස්සේ යුද්ධයට මුවා වී සිටි අතර ඊළඟ අවුරුදු 5 තුළ දී රාජපක්‍ෂ රෙජීමයේ පෝෂණය වෙනුවෙන් ක්‍රියා කළා. 
ජනතාවට රාජපක්‍ෂ රෙජීමය එපා වන අවස්ථාවේ දී විධායක ජනාධිපති ක්‍රමයකට යාමට ජනාධිපතිවරයා උත්සාහ කරනවා. අපි ඒ සඳහා සූදානම් විය යුතුයි. ඒ සඳහා සූදානම් වීමක් ලෙස ජනජය කමිටු ඇති කොට එම කමිටුවල සාමාජිකයින් පුහුණු කිරීමට ඉදිරියේ දී පියවර ගන්නවා. ජනතාවගේ ප්‍රශ්නවලට විසඳුම් සෙවීමට අපට සිදුවන්නේ රාජපක්‍ෂ රෙජීමය පන්නා දැමීමෙන් අනතුරුවයි. 
එකල මේ ප්‍රදේශය දියුණු කිරීමට පෙස්ටස් පෙරේරා මහතා ගත් උත්සාහය මේ අවස්ථාවේදී සිහිපත් වනවා. තවමත් අපට පෙනෙන්නට තිබෙන්නේ එතුමා දියුණු කළ වෙන්නප්පුව ආසනයයි. අපි විවෘත ආර්ථිකයක් ඇති කළ නිසා තමන්ගේ ශක්තියෙන් ඉදිරියට යාමට ජනතාවට අවස්ථාව උදා වුණා. රජයේ රැකියා ලබාගත් අය පසුව රජයේ රැකියා අනවශ්‍ය බව ප්‍රකාශ කළා. සමහරු තම හැකියාවෙන් ඉතාලිය ආදී රටවල විදේශ රැකියාවලට යොමු වුණා. වෙන්නප්පුව ආසනයේ ජනතාව තම දක්‍ෂතාවයෙන් ඉදිරියට ගියා. දුප්පත්කම බොහෝ දුරට අඩු වුණා. 
එහෙත් එම ගමන අද අත්හිටුවා තිබෙනවා. රාජපක්‍ෂ රෙජීමය පැමිණි පසු ස්ව ශක්තියෙන් ජනතාවට ඉදිරියට යාමට අවස්ථාවක් ලැබුණේ නැහැ. ඉදිරියට යාමට හැකියාව තිබෙන්නේ රාජපක්‍ෂ රෙජීමයට පමණයි. එම නිසා බොහෝ දෙනෙකු ලංකාවේ අනාගතයක් නැතැයි කියමින් විදේශ රටවලට ගොස් සිටිනවා. 
ප්‍රාදේශීය සභාවක සභාපතිවරයෙකු රුපියල් 11,000 ක මාසික දීමනාවක් ලබාගත්තත් මේ ආණ්ඩුව යටතේ අවුරුද්දක් යන විට ඔහු බස් 5 ක්, ලොරි 10 ක් අයිති පුද්ගලයෙකු බවට පත් වනවා. මේ ආකාරයට පොහොසත් වූ යුගයක් අපේ රටේ ඉතිහාසයේ තිබුණේ නැහැ. රුපියල් 27,000 ක මාසික දීමනාවක් ලබා ගන්නා පළාත් සභා මන්ත්‍රීවරයෙකු මේ ආණ්ඩුව යටතේ අවුරුද්දක් ගත වන විට නිවාස 6 – 7 ක හිමිකරුවෙක් බවට පත් වනවා. එහෙත් එක්සත් ජාතික පක්‍ෂ ආණ්ඩුව යටතේ පළාත් සභාවේ සිටි රිචී ප්‍රනාන්දුපුල්ලේ ආදී අය එලෙස ධනවතුන් බවට පත්වූයේ නැහැ. 
යතුරු පැදියක්වත් නොමැතිව පාර්ලිමේන්තුවට පත් වූ අය අද වන විට ජගුවර් රථවලින් ගමන් කරනවා. ඔවුන්ට විදේශ රටවලත් නිවාස තිබෙනවා. ඔවුන් මුදල් හම්බ කරන්නේ කෙලෙස දැයි ජනතාව දන්නවා. එම අය මුදල් හම්බ කරන්නේ ජනතාවගේ මුදල් සොරකම් කරමිනුයි. සමහරු කුඩු, එතනෝල් විකුණා හම්බ කරනවා. ඒ වගේම අද මේ රටේ නීතියක් ද ඇත්තේ නැහැ. තවත් පිරිසක් පගා ගනිමින් හම්බ කරනවා. මේ වනවිට ලොකුම ජාවාරම කොමිස් ලබා ගැනීමයි. ඕනෑම ව්‍යාපෘතියකින් 30 – 35% ක කොමිස් ලබා ගන්නවා. 
එකල අපි මාර්ග ඉදිකිරීමේ දී ගල් රෝල භාවිතා කළා. තවත් කොටසක් ශ්‍රමදාන මගින් ඉදි කළා. නමුත් කොමිස් ලබා ගැනීමට නොහැකි නිසා අද ශ්‍රමදාන සිදු කරන්නේ නැහැ. අද සිදු කරන්නේ කොන්කී්‍රට් දැමීමයි. කොන්කී්‍රට් දැමීමට වැය වන මුදල වැඩි නිසා ලැබෙන කොමිස් මුදලත් වැඩියි. කුඩා මාර්ගවල සිට වරාය ඉදිකිරීම දක්වා කොමිස් ලබා ගන්නවා. එවැනි දූෂිත පාලනයක් රටේ ඇති කොට තිබෙනවා. 
මේ සියලූ දූෂණ ඇති වන්නේ විධායක ජනාධිපති ධූරය වඩාත් ශක්තිමත් කිරීම නිසයි. දූෂණය නැති කිරීමට නම් විධායක ජනාධිපති ක්‍රමය නැති කළ යුතු බව බොහෝ දෙනෙක් ප්‍රකාශ කරනවා. විධායක ජනාධිපති ක්‍රමය ඇති කළේ එක්සත් ජාතික පක්‍ෂයයි. වෙන්නප්පුව ආදී ප්‍රදේශවලට විශාල සංවර්ධනයක් උදා වූයේ විධායක ජනාධිපති ක්‍රමය නිසයි. එහෙත් 18 වැනි ආණ්ඩුක්‍රම ව්‍යවස්ථා සංශෝධනය ඇති කොට 17 වැනි ව්‍යවස්ථා සංශෝධනය යටතේ තිබූ ස්වාධීන, පොලිස්, අධිකරණ, රාජ්‍ය සේවා ආදී කොමිෂන් සභා නැති කිරීම මගින් විධායක ජනාධිපති ක්‍රමය හම්බ කිරීමේ ක්‍රමයක් බවට පත් කර ගෙන තිබෙනවා. 
විධායක ජනාධිපති ක්‍රමය රාජපක්‍ෂ රෙජීමයේ සියලූ දෙනාටම හම්බ කිරීමේ ක්‍රමයක් බවට පත්වී තිබෙනවා. එම නිසා අනාගතයේ දූෂණය නැති කිරීමට විධායක ජනාධිපති ක්‍රමය අහෝසි කළ යුතු බව ජනතාව ප්‍රකාශ කරනවා. අද අසීමිත බලතල සහිත විධායක ජනාධිපති ක්‍රමයක් තිබෙන නිසා 2013 පැවැති එක්සත් ජාතික පක්‍ෂ මහා සම්මේලනයේ දී විධායක ජනාධිපති ක්‍රමය අහෝසි කළ යුතු බවට අපි යෝජනාවක් සම්මත කළා. 
එහෙත් විධායක ජනාධිපති ක්‍රමය නැති කළ යුතු බව පළමුවෙන්ම කතා කළේ අප නොවෙයි. 1994 ජනාධිපතිවරණයේ දී විධායක ජනාධිපති ක්‍රමය අහෝසි කරන බවට පොදුජන එක්සත් පෙරමුණ ආණ්ඩුව පොරොන්දු වුණා. එහෙත් ඊට පසුව පැමිණි සන්ධානයත්, විධායක ජනාධිපති ක්‍රමය අහෝසි කරන බව ප්‍රකාශ කළත් අද වන විටත් එම සන්ධානයේ කිසිඳු පක්‍ෂයක් විධායක ජනාධිපති ක්‍රමය අහෝසි කිරීමට ක්‍රියාකරන්නේ නැහැ.
සෑම කෙනෙක්ම විධායක ජනාධිපති ක්‍රමය භුක්ති වින්දත් ඉවත් කිරීමට කටයුතු කළේ නැහැ. විධායක ජනාධිපති ක්‍රමය ඉවත් කරනවා කියමින් එය භුක්ති වින්දේ නැති පාර්ලිමේන්තුවේ තිබෙන දේශපාලන පක්‍ෂ දෙක වන්නේ ද්‍රවිඩ ජාතික සන්ධානයත්, එක්සත් ජාතික පක්‍ෂයත් පමණයි. 
විධායක ජනාධිපති ක්‍රමය අහෝසි කරන බව අපි මේ වන විටත් ප්‍රකාශ කොට තිබෙනවා. විධායක ජනාධිපති ක්‍රමය අහෝසි කරන බව පැවසූ අය එය ඉටු කරන බවට ජනතාව විශ්වාස කරන්නේ නැහැ. නමුත් එක්සත් ජාතික පක්‍ෂයේ අපට ඒ පිළිබඳව ඉතිහාසයේ සිටම විශේෂ වාර්තාවක් තිබෙනවා. සුද්දන්ගේ කාලයේ අගමැති ක්‍රමයක් මේ රටේ තිබුණේ නැහැ. ඩොනමෝර් කොමිෂන් සභාව යටතේ මන්ත්‍රීවරු 50 ක් සිටි අතර එම 50 දෙනා විධායක කමිටු හතකට බෙදා සිටියා. එම විධායක කමිටු හත සඳහා එක් එක් විෂයයන් බාරව සභාපතිවරු 7 දෙනෙක් ඇමැතිවරු ලෙස පත් කොට සිටියා. එම ඇමැති මණ්ඩලය මගින් රට පාලනය කළා. 
එහෙත් නායකයෙක් නොමැතිව පාලනය කළ නොහැකි නිසා එංගලන්තයේ තිබුණු වෙස්ට්මිනිස්ටර් ක්‍රමය අනුව අගමැතිවරයෙකු පත් කිරීමට 1947 දී ඩී.එස්. සේනානායක මැතිතුමා ක්‍රියා කළා. 1972 ව්‍යවස්ථාව මගින් විධායක බලතල එම අගමැති ධූරය පැවරූ අතර පාර්ලිමේන්තුව දුර්වල වුණා. එම නිසා 1977 මහ මැතිවරණයේ දී ප්‍රංශයේ මෙන් විධායක ජනාධිපති ක්‍රමයක් ඇති කළ යුතු බව අපි ප්‍රකාශ කළා. ඒ අනුව 1978 දී අපි විධායක ජනාධිපති ක්‍රමය ඇති කළා. එම ස්ථාවර භාවයෙන් රට දියුණු කළත් එය අහෝසි කළ යුතු බව දැන් අපට තේරෙනවා. 
විධායක ජනාධිපති ක්‍රමය අහෝසි කරන බව ප්‍රකාශ කළොත් අපි එය අනිවාර්යෙන් කරනවා. අගමැති ක්‍රමය ඇති කළේ ද අපියි. ඉන් පසුව අපි එම අගමැති ක්‍රමය ඉවත් කළා. විධායක ජනාධිපති ක්‍රමය අපි ඇති කළ අතර එය අහෝසි කොට වෙනත් විකල්පයක් ගෙන ඒමට අපි දැන් සූදානම්... විධායක ජනාධිපති ක්‍රමය අහෝසි කළ හැක්කේ එක්සත් ජාතික පක්‍ෂයට පමණයි. අනෙක් පක්‍ෂ විධායක ජනාධිපති ක්‍රමය භුක්ති වින්දත් එය වෙනස් කළේ නැහැ. එම නිසා ඒ පක්‍ෂ විධායක ජනාධිපති ක්‍රමය අහෝසි කරන බවට ජනතාවට විශ්වාසයක් ඇත්තේ නැහැ. 
වාර දෙකක් විධායක ජනාධිපති ක්‍රමය අහෝසි කරන බව ප්‍රකාශ කළ ඔවුන් නැවතත් එම ජනාධිපති ක්‍රමය අහෝසි කරන බව කියන්නේ ගිය නුවණ ඇතුන් ලවාවත් ඇදීමට නොහැකි බව සිහිපත් කරමිනුයි. එහෙත් ඇත්ත වශයෙන්ම එම කියමන දැන් වෙනස් කිරීමට සිදු වී තිබෙනවා. එනම් විධායක ජනාධිපති ක්‍රමය අහෝසි කළ හැක්කේ ඇතුන්ට පමණයි යනුවෙන් වෙනස් විය යුතුයි. එම නිසා ගිය නුවණ ඇතුන් ලවාවත් ඇද්දවිය යුතුයි. විධායක ජනාධිපති ධූරය එක්සත් ජාතික පක්‍ෂය විසින් අහෝසි කිරීමට කටයුතු කරන නිසා ඒ සඳහා සහයෝගය ලබාදෙන ලෙස අපි අනෙකුත් දේශපාලන පක්‍ෂවලින් ද ඉල්ලා සිටිනවා. 
අපි දෙයක් කරනවා කිව්වොත් එය අනිවාර්යෙන්ම කරන අතර කිසි විටෙක ඉන් ඈත් වන්නේ නැහැ. මම නිකරුණේ වචන පාවිච්චි කරන්නේත් නැහැ... අපි දැන් එම තීරණය ගෙන සිටිනවා. එමෙන්ම අපි පසුගිය වසරේ ඉදිරිපත් කළ ව්‍යවස්ථා යෝජනාවලියට කැබිනට් මණ්ඩලය 25 දෙනෙකුට සීමා කළ යුතු බව ඇතුළත් කළා. අනෙකුත් දේශපාලන පක්‍ෂ ද අප ඉදිරිපත් කළ එම ව්‍යවස්ථා යෝජනාවලිය පිළිගෙන තිබීම සම්බන්ධයෙන් අප සතුටට පත්වනවා. 
2001 – 2004 කාලයේ මම අගමැති ලෙස කටයුතු කරමින් සිටිය දී මේ රටේ දූෂණය නතර කිරීමට පියවර 3 ක් ගත්තත් හදිසියේ එක්සත් ජාතික පක්‍ෂ ආණ්ඩුව විසුරුවා හැරීම නිසා ඉන් එකක්වත් ක්‍රියාත්මක කිරීමට නොහැකි වුණා. 2004 පැවැති මැතිවරණයෙන් පරාජයට පත් වුවත් එවකට සිටි චන්ඬිකා බණ්ඩාරනායක කුමාරතුංග ජනාධිපතිනිය සහ පසුව ජනාධිපති ධූරයට පත් මහින්ද රාජපක්‍ෂ මහතා යටතේ පත්වූ ආණ්ඩු මගින් එම පියවර 3 ක්‍රියාත්මක කරන බව ප්‍රකාශ කළා. ද්‍රවිඩ ජාතික සන්ධානය හැර අනෙකුත් සියලූ පක්‍ෂ ඔවුන් සමග සිටියා. 
පාර්ලිමේන්තුව ඇතුලූ සම්පූර්ණ ආණ්ඩුවම අධීක්‍ෂණය කළ හැකි අධීක්‍ෂණ කාරක සභා 20 ක් පත් කිරීමට මම යෝජනා කළා. මූල්‍ය විෂය යටතේ කාරක සභා දෙකක් ද, අනෙකුත් විෂයයන් යටතේ කාරක සභා 18 ක් ද වශයෙන් පත් කිරීමට යෝජනා කළා. ඕනෑම ඇමැතිවරයෙක් හෝ නිලධාරියෙක් කැඳවා අධීක්‍ෂණය කිරීමට එම කමිටුවට බලය පැවරෙන අතර එහි සභාපතිවරු බහුතරය විරුද්ධ පක්‍ෂයෙන් පත් කිරීමටත් මම යෝජනා කළා. ඒ සඳහා විපක්‍ෂයෙන් වැඩි පිරිසක් පත් කරන්නේ බියක් නොමැති ආණ්ඩුවේ දූෂණ වංචා පිළිබඳ ප්‍රශ්න කිරීමටයි. එසේ ප්‍රශ්න කිරීම මගින් ආණ්ඩුවට ශක්තියක් වන බව මාගේ විශ්වාසයය. එවිට සොරකම්, දූෂණ කිරීමට ඇමැතිවරුන් සහ නිලධාරීන් බියට පත් වනවා. 
මාගේ මෙම යෝජනාව එවකට සිටි විපක්‍ෂ නායක මහින්ද රාජපක්‍ෂ මහතාටත්, ජනාධිපතිනී චන්ඬිකා බණ්ඩාරනායක කුමාරතුංග මහත්මියටත් ඉදිරිපත් කළා. රනිල් පන්නා දමා අපේ ආණ්ඩුවක් යටතේ එය ක්‍රියාත්මක කරන බව ඔවුන් එහිදී ප්‍රකාශ කළා. දැන් රනිල් පන්නා දමා, අවුරුදු 10 ක් ගතවී තිබුණත් එය ක්‍රියාත්මක කොට නැහැ. නමුත් එක්සත් ජාතික පක්‍ෂ ආණ්ඩුවක් යටතේ අපි එය ක්‍රියාත්මක කරන අතර ඒ සඳහා විදේශ ආණ්ඩු දෙකක් ද ආධාර කරන බව අපට ප්‍රකාශ කොට තිබෙනවා. 
2001 – 2004 කාලයේ දී අගමැතිවරයා ලෙස මම තොරතුරු දැන ගැනීමේ පනත් කෙටුම්පතක් ජනාධිපතිනියටත්, විරුද්ධ පක්‍ෂයේ නායකයා ඇතුලූ සියලූ දෙනාටමත් ලබා දුන්නා. අප එය පාර්ලිමේන්තුවට ඉදිරිපත් කිරීමට පෙර පාර්ලිමේන්තුව විසුරුවා හැරියා. අපි බලයට පැමිණි පසු එය ක්‍රියාත්මක කරන බව සියලූම දේශපාලන පක්‍ෂ නායකයින් ජනමාධ්‍ය සංගම්වලටත්, ජනමාධ්‍ය ආයතනවලටත් පොරොන්දු වුණා. රනිල් වික්‍රමසිංහත්, එක්සත් ජාතික පක්‍ෂ ආණ්ඩුවත් පන්නා දමා අවුරුදු 10 ක් ගත වුණත් එම යෝජනාව තවමත් ක්‍රියාත්මක කොට නැහැ. 
එම තොරතුරු දැන ගැනීමේ පනත පෞද්ගලික මන්ත්‍රී කෙටුම්පතක් ලෙස පාර්ලිමේන්තුවට ඉදිරිපත් කරන ලෙස අපි කරු ජයසූරිය මහතාට බාර දුන්නා. එහෙත් එය සම්මත වීමට ඉඩ නොදී ආණ්ඩුව එය පරාජය කළා. 
එක්සත් ජාතීන්ගේ සංවිධානයේ දූෂණයට විරුද්ධ පනතක් මම 2003 දී ඉදිරිපත් කළා. කැබිනට් මණ්ඩලයේ අනුමැතිය ගෙන මම ඊට අත්සන් කළේ එම දූෂණයට විරුද්ධ ගිවිසුම් අත්සන් කළ දෙවැනි රට ලෙසයි. එය ක්‍රියාත්මක කිරීමට නීති ගෙන ආ යුතු වුවත් ඊට පෙර පාර්ලිමේන්තුව විසුරුවා හැරි නිසා එය සිදු කිරීමට නොහැකි වුණා. එදා විපක්‍ෂයේ සිටි අය තමන් බලයට පැමිණි පසු එම නීති ගෙන එන බව ප්‍රකාශ කළත් රනිල් වික්‍රමසිංහත්, එක්සත් ජාතික පක්‍ෂ ආණ්ඩුවත් පන්නා දමා අවුරුදු 10 ක් ගත වී තිබෙන අතර තවමත් එම නීතිය ගෙනාවේ නැහැ. 
එක්සත් ජාතික පක්‍ෂය ලබන වසරේ දී ආණ්ඩු බලය ලබාගත් පසුව අප විධායක ජනාධිපති ක්‍රමය අහෝසි කරන අතර ආණ්ඩුක්‍රම ව්‍යවස්ථාවෙන්ම කැබිනට් මණ්ඩලයේ සාමාජික සංඛ්‍යාව 25 කට සීමා කරනවා. එමෙන්ම අධීක්‍ෂණ කාරක සභා ඇති කොට එහි බහුතරය විරුද්ධ පක්‍ෂයේ මන්ත්‍රීවරුන්ට ලබා දෙන අතර එහි වැඩ කටයුතු කිරීමට පහසුකම් සපයනවා. අපේ ආණ්ඩුවේ දූෂණයක් සොයා ගත්තොත් වාසිය අත්වන්නේත් අපටමයි. එම දූෂණය නැති කිරීමට එමගින් අවස්ථාවක් ඇති වනවා. 
තොරතුරු දැන ගැනීමේ අයිතිය සහිත පනත් කෙටුම්පත මාස 6ක් යාමට පෙර පාර්ලිමේන්තුවේ දී සම්මත කර ගන්නවා. එමෙන්ම දූෂණයට විරුද්ධව තිබෙන එක්සත් ජාතීන්ගේ ගිවිසුම නීතිගත කරනවා. එම කටයුතු සිදු කිරීමට එක්සත් ජාතික පක්‍ෂ ආණ්ඩුවක් අවශ්‍යයි. අනිත් අය එම කටයුතු සිදු කරන්නේ නැහැ. අපව පන්නා දැමුවේ එම කටයුතු සිදු කිරීමෙන් වළකින්න දැයි මම දන්නේ නැහැ. 
විධායක ජනාධිපති ක්‍රමය පමණක් අහෝසි කිරීම ප්‍රමාණවත් නැහැ. අතීතයට ඇඟිලි දිගු කිරීමට මට අවශ්‍ය නැහැ. වැරදි වුණත් ඒවා අමතක කොට අනාගතයේ දී මේ සියලූ කටයුතු සිදු කළ හැක්කේ එක්සත් ජාතික පක්‍ෂයට පමණයි. රාජපක්‍ෂ රෙජීමය පන්නා දමා දූෂණය සිදු නොවන ආකාරයට ක්‍රියා කළ යුතුයි. ආර්ථිකය දියුණු කොට සෑම කෙනෙකුගේම අතෙහි මුදල් ඇති හොඳ අනාගතයක් උදා කර ගැනීමට අවස්ථාව උදා කළ යුතුයි. තරුණයින්ට හොඳ අනාගතයක් ඇති වීමට නිදහස් අධ්‍යාපනය, නිදහස් සෞඛ්‍යය ක්‍රියාවට නංවමින් රට ඉදිරියට ගෙන යනවා. ඒ සියල්ල සිදු කරමින් විධායක ජනාධිපති ක්‍රමය අහෝසි කළ හැක්කේත්, දූෂණය නැවැත්වීමට නීති ගෙන ඒමට හැකියාව ඇත්තේත් එක්සත් ජාතික පක්‍ෂයට පමණයි. අපි රාජපක්‍ෂ රෙජීමය පන්නා දැමීමට ක්‍රියා කළ යුතු වන්නේ ඒ නිසා වන අතර ගෙයින් ගෙට ගොස් ඒ සඳහා ජනතාව දැනුවත් කළ යුතුයි.

 
2014.07.12 දින එක්සත් ජාතික පක්‍ෂ ජාතික නායක සහ විපක්‍ෂ නායක රනිල් වික්‍රමසිංහ මහතා පුත්තලම් දිස්ත්‍රික්කයේ කන්දකුලිය ධීවර ජැටියේදී ජනතාව අමතා කළ කතාව. PDF Print E-mail
අපි අද පුත්තලමේ ධීවරයින්ගේ ප්‍රශ්න ගැන ස්ථාන කිහිපයකදීම කතා කළා. කන්දකුලිය ස්වාමින්වහන්සේ මේ ධීවරයින්ගේ ප්‍රශ්න ගැන ප්‍රසිද්ධියක් ලබාදී තිබෙනවා. 
දැන් මේ ප්‍රදේශයේ ධීවරයින් හිතනවා ඇති. එක් එක්කෙනා මෙහෙම ආවත් තවම අපේ ප්‍රශ්න විස¼දිලා නැහැ කියලා. නමුත් මම ආවේ අපි ආණ්ඩුවක් පිහිටවූ පසු මේ ප්‍රශ්නවලට දෙන විසඳුම් ගැන කියන්නයි. මෙතැනට එනවා නම් ස්ßර විසඳුම් තියෙන්න ඕන. 
ඒ කාලේ මේ ප්‍රදේශයේ ධීවරයින්ගේ බෝට්ටුවල එන්ජින් ධාරිතාවය සීමා කර තිබුණා. ඊට හේතුව චෝදනාවක් තිබුණ කොටින්ට උදව් කරනවා කියලා. නමුත් ඒ එන්ජින් සීමාව මම 2001 බලයට පත්වූ වහාම ඉවත් කළා. 
ඒක කළාම මට චෝදනා කළා මමත් කොටින්ට උදව් කරනවා කියලා. කොටි ලේබලයම අලවා තිබූණ මට ඒක ප්‍රශ්නයක් වුණේ නෑ. කොටින්ට උදව් කළේත්, දැන් කරන්නේත්, කොටින්ගෙන් උදව් ගත්තේත් කවුද කියලා දැන් ලංකාවම දන්නවා. 
කන්දකුලිය ධීවර ප්‍රශ්නය ගැන අපට ස්ßර විසඳුමක් දෙන්න පුළුවන්. මෝය කට කැපීම සඳහා අපේ පළාත් සභා මන්ත්‍රීතුමා දෙන බැකෝ එක ඉවත් කරලා ආණ්ඩුවේ එකක් දෙන්න පුළුවන් කමක් නැහැ. අපේ ඒක දුන්නත් ආණ්ඩුවේ ඒක දුන්නත් ඒවා තාවකාලික විසඳුමක්. 
මේ සඳහා අපි ස්ßර විසඳුමකට යන්න ඕන. විශේෂඥ දැනුම අරගෙන ඒ සඳහා උදව් දෙන්න ඕන. ඒ අනුව අපිට පුළුවන් තාවකාලික විසඳුමක් දෙන්න මොකද අපි දන්නවා ස්ßර විසඳුමක් තියෙනවා කියලා. ඒක එජාප ආණ්ඩුවක් යටතේ කරනවා කියලා මෙතැනදී කියන්න පුළුවන්. 
මෝය කටේ තියෙන වැලි ඉවත් කළා කියල විතරක් මේ ප්‍රශ්නය විසඳෙන්නේ නැහැ. අද ධීවරයන්ට ප්‍රශ්න ගණනාවකට මුහුණ දෙන්න තියෙනවා. ඒක ධීවරයන්ට විතරක් නොවෙයි මේ රටේ ජනතාවටත් තියෙනවා. 
කෙටියෙන් කියනවා නම් රට උගස් කරල මුහුද විකුණලා ධීවරයින් විනාශ කර තිබෙනවා. ධීවර ජනතාව ඉදිරියට ගේන්නේ කොහොමද, ධීවර ආම්පන්න දැල්, එන්ජින්, බෝට්ටු හැමදෙයකම ආදී මිල වැඩි වෙලා. අපි කොහොමද අපේ ධීවර ජනතාවට මේවා සඳහා ප්‍රාග්ධන මුදලක් ලබා දෙන්නේ. 
ගොවි ජනතාවටත් ධීවර ජනතාවටත් අපි ප්‍රාග්ධනය දීලා ඔවුන්ගේ ජීවන තත්ත්වය උස්සන්න ඕන. නිකම් ණය සහන දීලා මේක හැමදාම ගෙනියන්න බැහැ. ඉන්ධන මිල වැඩිවීම ධීවරයින්ට දරා ගන්න අමාරුයි. එම නිසා ඒ සඳහා ගත යුතු පියවර මොකක්ද කියලා අපි බලන්න ඕන. සහනාධාර ක්‍රමයක්ද නැතිනම් වෙනම ඉන්ධන සපයන ක්‍රමයක්ද අපි ඒ තැන්වලට ඇවිත් වැඩකටයුතු කරන්න ඕන. 
හැබැයි අපි කටයුතු කරන්නේ රාජපක්‍ෂ රෙජිමය කරනවා වගේ නෙවෙයි. රජපක්‍ෂ රෙජීමය ඇන්ටනී ප්‍රනාන්දුලාව බිලි ගත්තා. එම නිසා ප්‍රාග්ධනයටයි ඉන්ධන මිල ප්‍රශ්නවලටයි අපි මුහුණ දෙන්න ඕන. ඉන්ධන මිල ගාස්තුව නිසා අපේ ධීවර කර්මාන්තය වැටෙන්න දෙන්න බැහැ. ඒ ගැන අපේ අවධානය යොමු කර තිබෙනවා. 
අපි නවීන ධීවර කර්මාන්තයකට යන්න ඕන. ඒ සඳහා පුහුණුව දෙන්න පිටින් මිනිස්සු ගේන්න ඕන නැහැ. මුහුදට මුහුණ දෙන අයට පුහුණුව දෙනවා මිසක් වෙන එකක් කරන්න අපට අවශ්‍ය නැහැ. ධීවර සම්පත් වැඩි කරන්න අප කටයුතු කරන්න ඕන. 2003 දී අපි ඒ දේ කළා. නමුත් එය ඉදිරියට ගෙන යන්න ඊට පස්සේ පත්වූ ආණ්ඩු කටයුතු කළේ නැහැ. මේ මුහුදු සම්පත, ධීවර සම්පත, අපි ආරක්‍ෂා කරන්නේ නැත්නම් කොහොමද අපි ධීවර කර්මාන්තයේ යෙදෙන්නේ. 
අපේ රටට ධීවර සැලැස්මක් ඕන. තායිලන්තයේ අවුරුදු 15 ක 20 ක සැලැස්මක් තියෙනවා. තායිලන්තයේ මත්ස්‍යයින් අපනයනය කරන රටක්. තායිලන්තය ඉස්සන් සහ පොකිරිස්සන් බි්‍රතාන්‍යයට අපනයනය කරනවා. මැලේසියාවට සහ ඉන්දුනිසියාවටත් ධීවර සැලැස්මක් තිබෙනවා. නමුත් ලංකාවේ සැලැස්මක් නැහැ. 
ධීවර ඇමතිවරයෙක් ජනාධිපතිවරයා ලෙස පත්ව සිටියත් මේ රටට ධීවර සැලැස්මක් නැහැ. අපි කොහොමද ඊළඟ දහය පහළොව මේ රටට අවශ්‍ය ආහාර පාන කුමක්ද කියලා සැලසුම් කරන්නේ. මේ රටේ ජනතාවගෙන් බහුතරයක් භාවිතා කරන්නේ මස්වලට වඩා මාළුයි. 
ඒ අනුව කොහොමද ඒක දියුණු කරන්නේ කොහොමද ඊට ආධාර දෙන්නේ. කොහොමද තාක්‍ෂණික දැනුම දෙන්නේ. තාක්‍ෂණික දැනුම ගන්න දීර්ඝකාලයක් යනවා නම් තමන්ගේ ආදායම නැතුව යනවා. රටේ ධීවරයින් දියුණු වෙනවා කියන්නේ ධීවර කර්මාන්තය දියුණුවීමයි. ධීවර කර්මාන්තය දියුණු වෙනවා කියන්නේ රට දියුණුවීමයි. 
මීට වඩා අපට ධීවර වරායන් අවශ්‍යයි. විශේෂයෙන්ම වයඹපළාතට ධීවර වරායන් මදි. ඒවා ඉදිකළ යුතුයි. අපට අපේ මුහුද පිටරටට දෙන්න බැහැ. සිංහ කොඩිය දාලා චීන නැව් එනවා ඉන්දීය නැව් එනවා. කොහේද අපේ ධීවරයින් ඉන්නේ. 
මා පසුගිය දිනෙක යෝජනා කළා. ලංකාවේ කොඩිය ලංකාවටම අයිති ටේ‍රා්ලර් යාත්‍රාවලට දාලා ලංකාවේම අය මහ මුහුදට යන්න ඕන කියලා. ධීවරයින්ටත් ටේ‍රා්ලර්වල අයිතිය සමූහයක් ලෙස ලබා දෙන්න ඕන. ටේ‍රා්ලර් යාත්‍රාවලින් ධීවර කර්මාන්තයේ යෙදුනේ නැත්නම් අනාගතයේ මේ රටට ධීවර කර්මාන්තයක් නැහැ. 
අද මොකක් ද කරන්නේ ලංකාවේ කොඩිය දලා පිටරට අය අපේ මුහුදේ මාළු අල්ලනවා. ඒ මාළු අල්ලන්න අයිතිය ගන්න ඒ අය කොච්චර ගෙව්වද? කාටද ගෙව්වේ, නිකම් කැදවලා දුන්නද. 
ඔබලා හිතනවද නිකම් කැදවලා දුන්න කියලා. හොඳ ගණනක් හම්බ කරගන්න ඇති. පාරවල්වලින් කොංකී්‍රට්වලින් හම්බ කරන්න පුළුවන් නම් කොඩිය දාලා එන නැව්වලින් හම්බ නොකර ඉන්නවද? ඉන්දියාව බලෙන් එනවා තව අය සල්ලි දීලා එනවා. අපේ ධීවරයෝ වෙරළට වෙලා බලාගෙන ඉන්නවා. 
අපේ ධීවරයෝ මුහුද දිහා බලාගෙන ඉන්නවා. පාරිභෝගිකයා මාළු දිහා බලාගෙන ඉන්නවා. අපේ ධීවර කර්මාන්තය දියුණු කිරීමට නම් ධීවරයින්ට මීට වඩා මිලක් ලැබිය යුතුයි. ඒ මිල වැඩි කර දෙනතෙක් මේ කර්මාන්තය දියුණු කරන්න බැහැ. 
මේවාට පැය 24 න් විසඳුම් දෙනවා කියලා පොරොන්දු වෙන්න පුළුවන්. නමුත් මම එහෙම පොඑ කරන කෙනෙක් නොවෙයි. කෙටි කාලීන සහන දෙන ගමන් මධ්‍යම කාලීන වැඩ පිළිවෙළකුත් අප ඇති කළ යුතුයි. ධීවරයින්ට හොඳ මිලක් ලබා දෙනවා නම් රටේ ජනතාවගේ ආදායම වැඩි වනවා. ඔවුන්ගේ ජීවන බර සැහැල්ලූ වෙනවා. 
අතේ මුදල් තිබේනම් ජීවන බර සැහැල්ලූ නම් ඔවුන් සතුටින් ඉන්නවා. ධීවරයින්ට එන්ජින් එකක් දීම තාවකාලික විසඳුමක් ඒක නිකම් පැනඩොල් පෙත්තක් ගන්නව වගෙයි. පෙස්ටන් පෙරේරා මහතා ධීවර ඇමතිව සිටි කාලයේ අපි බැලූවේ ධීවරයා සමාජයේ ඉහළ තලයට ගෙන යන්නේ කොහොමද කියලා. 
අද ධීවරයා සමාජයේ කොන් වෙලා ඉන්නේ. අපි දියුණු කරගෙන ගියා. නමුත් අද ඒවා නැවත වැටිලා. ධීවරයාගේ ළමුන් උසස් අධ්‍යාපනය ලබන්න ඕන. 
අද රටේ හැම ජනතාවටම ජීවත් වෙන්න බැරි තත්ත්වයක් තිබෙන්නේ මහින්ද රාජපක්‍ෂ ආණ්ඩුව මේ වන විට අවුරුදු 10 ක් බලයේ හිටියා මොනවද ඔවුන් ඇති කර ගත්තේ, රාජපක්‍ෂ රෙජිමයක් ඇති කර ගත්තා. ඔවුන්ගේ සාක්කු පුරෝලා තියෙනවා. අපේ ජනතාවට මුකුත් නැහැ. අවුරුදු 10 ක් රටේ ප්‍රජාතන්ත්‍රවාදය නැති කළා. රටේ යහපාලනය නැති කළා. මාධ්‍ය මර්දනය කළා මිනිස්සුන්ට වෙඩි තිබ්බා. 
හැම තැනම දූෂණය හැම එකෙන්ම හම්බ කරනවා. රෙජිමයේ සාක්කු පිරෙනවා ජනතාවගේ සාක්කු හිස් වෙනවා. ඒ දූෂණයට ගෙවන්න සිදුවී තිබෙන්නේ ජනතාවටයි. වැට් වැඩි කරනවා. තීරු බදු වැඩි කරනවා. සහනයක් ඇත්තේම නැහැ. 
අද නිදහස් අධ්‍යාපනයක් නැහැ. ඒක තියෙන්නේ නමට විතරයි. නිදහස් සෞඛ්‍යයක් නැහැ. රජයේ රෝහලට යන්න නිදහස තියෙනවා නමුත් බෙහෙත් ගන්න ගෙවන්න ඕන. රටේ නීතියක් හා සාමයක් නැහැ ඒ ගැන අහන්න කෙනෙක් නැහැ. 
අපේ ඇඟළුම් කර්මාන්තය ලෝකය සමග තරග කරන මට්ටමට අප පත් කළාසේ එක්සත් ජාතික පක්‍ෂය රජයක් යටතේ අවුරුදු කීපයකදී මෙරට ධීවර කර්මාන්තයක් ඉහළට නැංවීමට කටයුතු කරනවා. අපට ආඩම්බර වෙන්න පුළුවන් විදියට ධීවර කර්මාන්තය ඉහළ නංවනවා. 
අපේ කොඩිය දාලා මාළු අල්ලලා සිංගප්පූරුවට ගෙන යනවා. මාළු එහේදී හරි ගණන්. නමුත් ශ්‍රී ලංකාවට මුකුත් නැහැ. අපේ ධීවරයින්ට මුහුදත් නැහැ වෙරළත් නැහැ ජීවත්වීමට මාර්ගයත් නැහැ. 
මෙවන් ප්‍රශ්නවලට කඩිනමින් විසඳුම් සෙවීමට අවශ්‍ය වී තිබෙනවා. මේ ප්‍රශ්නය සම්පූර්ණයෙන් විසඳීමට නම් රාජපක්‍ෂ රෙජිමය පන්නා දැමිය යුතුයි. අඟළුම් කර්මාන්ත දියුණු කළා මෙන් ධීවර කර්මාන්තය ද දියුණු කිරීමට කටයුතු කළ යුතුයි. ධීවර කර්මාන්තය දියුණු කර විදේශ විනිමය ශ්‍රී ලංකාවට ගෙන ඒමට කටයුතු කළ යුතුයි.

 
අසීමිත බලතල සහිත විධායක ජනාධිපති ක්‍රමය වෙනුවට රටට ගැලපෙන නව පාලන ක්‍රමයක් සම්බන්ධයෙන් සියලූ පාර්ශ්වයන්ගේ අවධානය යොමු විය යුතු යැයි එක්සත් ජාතික පක්‍ෂ ජාතික නායක සහ විපක්‍ෂ නායක රනිල් වික්‍රමසිංහ මහතා ශ්‍රී ජයවර්ධනපුර කෝට්ටේ දී අද (10) අවධාරණය කළේය. PDF Print E-mail
එක්සත් ජාතික පක්‍ෂ ජාතික නායක සහ විපක්‍ෂ නායක රනිල් වික්‍රමසිංහ මහතා මේ අදහස් පළ කළේ කිපිවිතුරු හෙටක් ජාතික සභාවකි සහ එහි කැඳවුම්කරු, ජාතික හෙළ උරුමයේ පාර්ලිමේන්තු මන්ත්‍රී අතුරලියේ රතන හිමියන් ප්‍රධාන කණ්ඩායම සමග පැවැත්වූ විශේෂ සාකච්ඡාවේදීය. 
එම සාකච්ඡාවෙන් පසුව ජනමාධ්‍ය වෙත අදහස් දක්වමින් එක්සත් ජාතික පක්‍ෂ ජාතික නායක සහ විපක්‍ෂ නායක රනිල් වික්‍රමසිංහ මහතා මෙසේ ද පැවසීය. 

අතුරලියේ රතන හිමියන්ගේ ප්‍රධානත්වයෙන් යුතු පිවිතුරු හෙටක් ජාතික සභාව සමග එක්සත් ජාතික පක්‍ෂය දීර්ඝ වශයෙන් කරුණු සාකච්ඡා කරමින් අදහස් සහ යෝජනා හුවමාරු කරගත්තා. පිවිතුරු හෙටක් ජාතික සභාවේ මූලික සාකච්ඡාවට ද මීට පෙර අප සහභාගි වූ අතර එහිදී සාකච්ඡාවට භාජනය වූ එක් කරුණක් වූයේ අසීමිත බලතල සහිත විධායක ජනාධිපති ධූරය අහෝසි කිරීම සහ ඒ වෙනුවට ඇති කරන නව ක්‍රමය කුමක්ද යන්න පිළිබඳවයි. 
විධායක ජනාධිපති ක්‍රමය සම්බන්ධයෙන් විවිධ අදහස්, යෝජනා සහ මත ඉදිරිපත් වී තිබෙන අතර සමහරුන්ගේ මතය වන්නේ මේ ක්‍රමය වෙනුවට වෙස්ට්මිනිස්ටර් ක්‍රමය ඇති කළ යුතු බවයි. ඇතැම් අයගේ මතය වී තිබෙන්නේ විධායක ජනාධිපති ධූරයේ අසීමිත බලතල කප්පාදු කර ඒ ක්‍රමය තවදුරටත් පවත්වා ගත යුතු බවයි. 
එක්සත් ජාතික පක්‍ෂයේ ස්ථාවරය වන්නේ මේ අවස්ථාවේ දී රටට සහ රටේ සංවර්ධනයට ගැලපෙන ආකාරයට ක්‍රියාත්මක කිරීමට තිබෙන විකල්පය කුමක්ද යන්න පිළිබඳව සොයා බැලිය යුතු බවයි. 
අනුපාත ක්‍රමය පාර්ලිමේන්තුවේ තිබෙනවා නම් විධායකයේ ස්ථාවර භාවයක් ඇති කළ යුතු බවට අප දෙපාර්ශ්වයම එකඟ වුණා. එවැනි අවස්ථාවකදී විධායකයේ අස්ථාවර භාවයක් ඇති වුණොත් රටට හානියක් සිදු වන්නට පුළුවන්. ඒ නිසා වර්තමානයේ අසීමිත බලතල ගොනු කර ගෙන ඇති විධායක ජනාධිපති ක්‍රමය වෙනුවට, රටට ගැලපෙන විධායක පාලන ක්‍රමයක් පිළිබඳව අපේ අවධානය යොමු විය යුතුයි.
මේ කරුණු කාරණා සම්බන්ධයෙන් එක්සත් ජාතික පක්‍ෂයේ සහ පිවිතුරු හෙටක් ජාතික සභාව පමණක් නොව, විවිධ අදහස් සහ යෝජනා තිබෙන අනෙකුත් කණ්ඩායම් සමග ද සාකච්ඡා කර හොඳම විකල්පය පිළිබඳව එක මතයකට සියලූ දෙනාම පැමිණිය යුතු බවට අප මේ සාකච්ඡාවේ දී එකඟතාවයකට පැමිණියා. ඒ අනුව මේ සාකච්ඡාවට එක්වූ අතුරලියේ රතන හිමියන් ඇතුලූ කණ්ඩායමට අප අපේ ස්තඣතිය පුද කරන අතර මේ සාකච්ඡා ඉදිරියට ගෙන යන්න අප කටයුතු කරනවා. 

එහිදී අදහස් දැක්වූ පිවිතුරු හෙටක් ජාතික සභාවේ කැඳවුම්කරු සහ ජාතික හෙළ උරුමයේ පාර්ලිමේන්තු මන්ත්‍රී අතුරලියේ රතන හිමියෝ මෙසේ පැවසූහ. 
පිවිතුරු හෙටක් ජාතික සභාව වෙනුවෙන් අප එක්සත් ජාතික පක්‍ෂ නායක සහ විපක්‍ෂ නායක රනිල් වික්‍රමසිංහ, පාර්ලිමේන්තු මන්ත්‍රීවරුන් වන කරු ජයසූරිය සහ විජේදාස රාජපක්‍ෂ යන මහත්වරුන් ද, තිලක් මාරපන මහතා ද හමුවී සාකච්ඡා කළා. 
රටේ පුළුල් සංවාදයක් ඇති කිරීමේ අරමුණින් පිවිතුරු හෙටක් ජාතික සභාව ඉදිරිපත් කළ ලියවිල්ල සම්බන්ධයෙන් කරුණු සාකච්ඡා කිරීම සඳහා අවස්ථාවක් ලබාදීම ගැන එක්සත් ජාතික පක්‍ෂයටත්, එහි නායක සහ විපක්‍ෂ නායක රනිල් වික්‍රමසිංහ මහතාටත් අප ස්තඣතිවන්ත වනවා. 
එමෙන්ම මේ වන විට අප සියලූ වාමාංශික පක්‍ෂ සමගත්, ජනතා විමුක්ති පෙරමුණ ඇතුලූ දේශපාලන පක්‍ෂ ගණනාවක් සමගත් මේ කරුණු කාරණා සම්බන්ධයෙන් දීර්ඝ වශයෙන් කරුණු සාකච්ඡා කර තිබෙනවා. 
මේ සාකච්ඡාවලදී යම් යම් සාධනීය අදහස් සහ යෝජනා ගණනාවක් එක්සත් ජාතික පක්‍ෂය ඇතුලූ සෑම දේශපාලන පක්‍ෂයක්ම ඉදිරිපත් කළා. අපේ ලියවිල්ල සම්බන්ධ එක්සත් ජාතික පක්‍ෂ ස්ථාවරය මේ සාකච්ඡාවේ දී අද පැහැදිලි කෙරුණා. එක්සත් ජාතික පක්‍ෂය සමග කළ මේ සාකච්ඡාවේ දී හරවත් සංවාදයකට සහ සාධනීය ඉදිරි ගමනකට යන්න අවශ්‍ය අත්තිවාරම වැටුණා. 
මේ සාකච්ඡා තවදුරටත් ඉදිරියට ගෙන යන්න අප බලාපොරොත්තු වන අතර අපේ අරමුණ වන්නේ මේ තීරණාත්මක මොහොතේ රටේ පුළුල් සංවාදයක් ඇති කර රට නිසි මඟට හැරවීම සඳහා යම්කිසි ආලෝකයක් ලබාදීමයි. 
පිවිතුරු හෙටක් ජාතික සභාව වෙනුවෙන් ආචාර්ය ලලිතසිරි ගුණරුවන් සහ බන්දු චන්ද්‍රසේකර යන මහත්වරුන් ද, එක්සත් ජාතික පක්‍ෂය වෙනුවෙන් එක්සත් නායකත්ව මණ්ඩලයේ සභාපති දේශබන්දු කරු ජයසූරිය, එක්සත් නායකත්ව මණ්ඩල නායක සභික විජේදාස රාජපක්‍ෂ සහ ජනාධිපති නීතීඥ තිලක් මාරපන යන මහත්වරු මේ සාකච්ඡාවට එක්ව සිටියහ.

 
Statement issued by Hon. Karu Jayasuriya, Chairman of the Leadership Council, UNP PDF Print E-mail
Striking a chilling blow to civil society and the freedom of assembly and free expression in Sri Lanka, the Ministry of Defence has issued a circular to Non Governmental Organisations virtually banning them from expressing views to the public. 
The circular that has been sent out to over 1000 NGOs from the National NGO Secretariat, that strangely functions under the Ministry of Defence, even five years after the war ended, has banned the organisations from holding press conferences, workshops and even issuing a simple media release. 
Under the Sri Lankan Constitution, any citizen, irrespective of whether they belong to an association, is guaranteed the right of free expression. They are guaranteed the right to peacefully assemble. The Ministry of Defence that has stamped out civil liberties in unprecedented ways in the post war era, is well on the way to creating a military state in Sri Lanka. It is in such an autocratic set up that the Defence Establishment dictates the limits of an individual or collective right to speech and assembly. It is the Rajapaksa Government's greatest ruse, to keep telling the public and the world that Sri Lanka is a functioning democracy, while the Defence Ministry runs a parallel administration that is adamant to curb freedoms and build surveillance systems to oppress the citizenry and stamp out dissent against the regime. 
It is the argument of the Defence Ministry, completely unsupported in the law books of this country, that these activities would be tantamount to NGOs going beyond their mandate. 
Even if the Defence Ministry was basing its proscription in law, it would be laughable in its hypocrisy. Sri Lanka's Ministry of Defence is one of the most versatile in the world, engaging in activities beyond its mandate in ways that boggle the mind. The military is involved in horticulture, tourism, aviation, dengue prevention. It operates boat rides and barber shops. The Defence Ministry has become the place to resolve every national issue, from economic crisises to religious conflict, because the citizenry is increasingly aware that it is in that building that the true power of this regime resides. The civil administration is losing grip, as the military facet of the regime gains in strength, stature and brutality with each passing day. 
The circular clipping the wings of NGOs in the country therefore, is about a much bigger issue. 
The time has come for Sri Lankans to question why the Defence Ministry's shadow intrudes into every aspect of civilian life and governance in this country. As citizens, we must question why we are forced to rely on the military to perform the most perfunctory of tasks, such as collect our garbage or cut our grass. We must open our eyes as to which branch of this Government is creating the perception that it is only the military establishment that is the only functioning system - and why it is necessary to entrench that impression in the minds of the public. 
As the country's main opposition we demand that the Government recognise and uphold civil society and its contribution of civil society to the broader democrtaic framework that it claims commitment to. The Government of President Mahinda Rajapaksa demonises every individual and institution that stands in its way to consolidating power and establishing an autocracy. The NGO sector has long been in its cross-hairs. 
The UNP demands that the Government and its Ministry of Defence relinquishes its stranglehold on civil society. As Chair of the Commonwealth, which only months ago hosted the Commonwealth Peoples' Forum and recognised the role of civil society in a democracy, the Government has a moral obligation to keep its hands off peoples movements and NGOs.

09. 07. 2014

 
<< Start < Prev 1 2 3 4 5 6 7 8 9 10 Next > End >>

Page 6 of 118

Fetured Themes



Party Theme Song


PopUp MP3 Player (New Window)

Leader's Theme Song


PopUp MP3 Player (New Window)
Copyright © 1946 - 2014. United National Party. Designed by Acelabs.org