Saturday October 1, 2016
News Feeds:
ශ්රීබ ලංකාවේ "සංවර්ධන ප්ර්තිපත්ති" ක්රිංයාත්මක කිරීම සඳහා ජපාන රජයෙන් යෙන්බිලියන 10 ක සහන ණය ආධාර මුදලක් PDF Print E-mail

ශ්‍රී ලංකාවේ"සංවර්ධන ප්‍රතිපත්ති ක්‍රියාත්මක කිරීම" සඳහා ඇමෙරිකානු ඩොලර් මිලියන 90 ක ණය ආධාර  මුදලක් (යෙන් බිලියන 10 ක්) ලබාදීමට ජපාන රජය තීරණය කරයි.

මීට අදාල ප්‍රකාශ ලියවිල්ල, ශ්‍රී ලංකාවේ ජපාන තානාපති කෙනිචි සුගනුමා මැතිතුමා විසින්, මුදල් අමාත්‍ය රවී කරුණානායක මැතිතුමාට අද (2016.07.30) දහවල් මුදල් අමාත්‍යාංශයේදී  භාරදෙනු ලැබීය.

2016  අයවැය මඟින්,  රටේ සංවර්ධන කටයුතු වෙනුවෙන්, කරන ලද යෝජනා ක්‍රියාත්මක කිරීමට සහාය ලබාදීමක් වශයෙන්, මෙම ණය මූල්‍යාධාරය පිරිනැමීමට ජපාන රජය තීරණය කර තිබේ.

මෙම ණය මුදල වසර 25 කින් ගෙවා නිමකළ යුතුව ඇති අතර ණය ගෙවීම් ආරම්භ කිරීම සඳහා ඉදිරි වසර 07 ක සහන කාලයක් ලබාදී තිබේ.  එම ණය ආධාරය සඳහා වාර්ෂිකව 1.4% ක පොලී අනුපාතිකයක් යටතේ ණය මුදල ලබාදී ඇත.

මෙවැනි ආධාර මුදලක් ජපාන රජය විසින් ශ්‍රී ලංකාවට ලබාදෙනු ලබන්නේ පළමු වරටය.



මීට අදාල ප්‍රකාශ ලියවිල්ල මුදල් අමාත්‍ය රවී කරුණානායක මැතිතුමාට බාරදීමෙන් අනතුරුව ජපාන තානාපති කෙනිචි සුගනුමා මැතිතුමා කියා සිටියේ,  මෙම ආධාර මුදල් ශ්‍රී ලංකාවේ සංවර්ධන කටයුතු විධිමත්ව පවත්වාගෙන යෑම සඳහා  සහාය වීමක් ලෙස ලබාදී ඇති බවයි.  එමෙන්ම ශ්‍රී ලංකාව සහ ජපානය අතර රාජ්‍ය තාන්ත්‍රික සුහදතාවය ශක්තිමත් කරගැනීම ද මෙම ක්‍රියාවලියෙන් අපේක්ෂා කරන බව තානාපතිවරයා කියා සිටියේය.


මුදල් අමාත්‍ය රවී කරුණානායක මැතිතුමා කියා සිටියේ අතිගරු ජනාධිපති මෛත්‍රීපාල සිරිසේන මැතිතුමා සහ අග්‍රාමාත්‍ය රනිල් වික්‍රමසිංහ මැතිතුමා ජපානයේ සිදුකළ නිල සංචාරයන්හි ප්‍රතිඵලයක් ලෙස මෙම  මූල්‍ය ආධාරය හිමිවූ බවයි.  ශ්‍රී ලංකාව සම්බන්ධයෙන් ජාත්‍යන්තරය තබා ඇති විශ්වාසය  මේතුලින් තවදුරටත් ප්‍රත්‍යක්ෂ වන බව ද, රවී කරුණානායක මැතිතුමා පෙන්වා දුන්නේය
 
ශ්රී ලංකා රේගුව නවීකරණය කිරීම කාලෝචිත පියවරක්, ගල් යුගයට ගමන් කිරීමට අපට අවශ්යව නැහැ- මුදල් අමාත්යට රවී කරුණානායක මැතිතුමා PDF Print E-mail

2016 අයවැය මගින් යෝජනා කර ඇති පරිදි නව රේගු පනතක් සකස් කිරීමට අදාළ අදහස් ලබා ගැනීම සඳහා වන විශේෂ සාකච්ඡාවක් මුදල් අමාත්‍ය රවී කරුණානායක මැතිතුමාගේ ප්‍රධානත්වයෙන් අද (28) මුදල් අමාත්‍යාංශයේ දී පැවැත්විණි. රේගු වෘත්තීය සමිති නියෝජිතයෝ, සිවිල් සමාජ ක්‍රියාකාරිකයෝ සහ  ශ්‍රී ලංකා නීතිඥ සංගමයේ නියෝජිතයෝ මෙම සාකච්ඡාව සඳහා එක්ව සිටියහ.

නැවත ගල් යුගයට ගමන් නොකර රේගුව නවීකරණය වෙත රැගෙන යාමේ අපේක්ෂාවෙන් මෙම කෙටුම්පත සකස් කිරීමට යෝජනා කළ බව මුදල් අමාත්‍ය රවී කරුණානායක මැතිතුමා එහි දී කියා සිටියේ ය. අමාත්‍යවරයා පෙන්වා දුන්නේ ඒ අනුව රේගු ආදායම තවත් ඉහළ නංවා ගනිමින් ජනතාවගේ බදු බර පහත දැමීම රජයේ අපේක්ෂාව බවයි.

නව රේගු පනත් කෙටුම්පත සකසා ගැනීම සම්බන්ධයෙන් ලැබී ඇති අදහස් ඉදිරි සති දෙකක කාලය තුළ වෘත්තීය සමිති සහ සිවිල් සංවිධාන නියෝජිතයන් වෙත ඉදිරිපත් කිරීමට නියමිතයි. ඉන් අනතුරුව යළිත් සාකච්ඡා වටයක් පැවැත්වීම සඳහා ඇති කර ගත් එකඟතාව මත සාකච්ඡාව අවසන් කෙරිණි.

සාකච්ඡාවෙන් අනතුරුව මාධ්‍ය වෙත අදහස් දැක් වූ මුදල් අමාත්‍ය රවී කරුණානායක මැතිතුමා -

“රේගු නිලධාරීන්, නීතිඥ සංගමය සහ සිවිල් සංවිධාන මගෙන් කළ ඉල්ලීමකට අනුව තමයි අද මේ සාකච්ඡාව පැවැත් වුණේ. ඉදිරිපත් කිරීමට යෝජිත කෙටුම්පත සම්බන්ධයෙන් විනිවිධභාවයෙන් කටයුතු කිරීමට අවශ්‍ය අදහස් හුවමාරු කිරීමක් තමයි අද සිදු වුණේ. ඇතැම් පාර්ශ්ව චෝදනා කරනවා මේ නව පනත මගින් ජාවාරම්කරුවන් ආරක්ෂා කිරීමක් කරනවා කියල.

බදු ගෙවන්නන්ගේ බදු බර අඩු කරන්න, රේගුවේ බදු ආදායම වැඩි කරන්න අවශ්‍ය නවීකරණය තමයි අපි මේ කරන්න සූදානම් වෙන්නෙ. නැවත ගල් යුගයට යන්නෙ නැතුව නවීකරණය කරා යන්නයි අපේ අපේක්ෂාව. අවුරුදු 11ක් විතර මේ රටේ වුණ දුෂණ නැවත සිදු නොවෙන්න තමයි අපි මේ පනත ගේන්නේ. විශේෂයෙන් ජාවාරම්කරුවන්ට අවස්ථාව නැති කරන එක තමයි මේ පනත හරහා කරන්න බලාපොරොත්තු වෙන්නෙ. එවැනි අවස්ථා නැති වීමේ වේදනාවෙන් තමයි ඇතැම් පාර්ශ්වයන් අසත්‍ය පතුරවන්නෙ. පනත් කෙටුම්පත ලැබිල නෑ කියල එක පැත්තකින් කියනවා. අනිත් පැත්තෙන් කියනව රේගුවේ බලතල අඩු කරන්න හදනවා කියල. මේ දෙකම ඇත්ත වෙන්න බෑනෙ.

එදා රුපියල් බිලියන 300ක විතර තිබුණ වාර්ෂික රේගු ආදායම අද බිලියන 800 පමණ දක්වා වැඩි වෙලා තියෙනවා. ඒ පිරිසිදු පාලනයක් තියෙන නිසා. මීටත් වඩා යමක් නව පනතෙන් සිදු වෙනව කියන විශ්වාසය අපි තුළ තියෙනවා.” යැයි ද අමාත්‍යවරයා වැඩි දුරටත් පැවැසීය.

මෙම අවස්ථාවට මුදල් අමාත්‍යාංශ ලේකම් ආචාර්ය ආර්.එච්.එස්. සමරතුංග, සිවිල් සංවිධාන නියෝජනය කරමින් පූජ්‍ය තීනියාවල පාලිත හිමියෝ සහ මහාචාර්ය සරත් විජේසුරිය, සමන් රත්නප්‍රිය, නීතීඥ ජේ.සී. වැලිඅමුණ, රේගු අධ්‍යක්ෂ ජනරාල් චූලානන්ද පෙරේරා යන මහත්වරු ඇතුළු පිරිසක් මෙම අවස්ථාවට එක් ව සිටියහ.


 
ඒකාබද්ධ පුවත්පත් නිවේදනය (අග්රාලමාත්ය් කාර්යාලය හා ජාතික ළමාරක්ෂණ අධිකාරිය) PDF Print E-mail

ළමා දිවා සුරැකුම් මධ්‍යස්ථාන සඳහා වූ ජාතික මාර්ගෝපදේශ

 

වඩ වඩාත් කාන්තාවන් සේවා ස්ථානය වෙත පිවිසීම සහතික කරනු පිණිස, රජය විසින් දිවයින පුරා ගුණාත්මක දිවා සුරැකුම් සේවාවක් තහවුරු කරන බවට සහතික වේ. ජාතික ළමාරක්ෂණ අධිකාරිය (NCPA) හා අග්‍රාමාත්‍ය කාර්යාලය විසින් සවිස්තරාත්මක ළමා දිවා සුරැකුම් මධ්‍යස්ථාන සඳහා වූ ජාතික මාර්ගෝපදේශ මාලාවක් කෙටුම්පත් කර ඇත. එමගින්:

  1. දිවයින පුරා පවත්නා මධ්‍යස්ථාන අතර තත්ත්ව නිශ්චිත, ප්‍රමිතිගත කාර්යාවලීන් ක්‍රියාත්මක වන බවට සහතික කිරීම
  2. උසස් ගුණාත්මක භාවයේ, සුරක්ෂිත හා සැලකිලිමත් ළමා ආරක්ෂණ පහසුකම් හා ළමා ආරක්ෂණ සම්පාදකයන් ප්‍රවර්ධනය
  3. ළමා ආරක්ෂණ හා සමස්ත ළමාවිය සංවර්ධන අවශ්‍යතා පුද්ගල සංවර්ධන ඉලක්ක හා සමග සපුරාලන හා ඒකායනය කරන බවට සහතික වීම
  4. නිශ්චිතව දක්වන ලද ප්‍රමිතීන් කරා ළඟා වී වයස අවුරුදු 18 දක්වා වයස් කාණ්ඩලවල දරුවන් සඳහා සේවා ලබාදීමට ළමා ආරක්ෂණ මධ්‍යස්ථාන වැඩිදියුණු කිරීම හා ඒවා පිහිටුවීමට අවශ්‍ය මග පෙන්වීම් සම්පාදනය

ඉලක්ක කෙරේ.

කෙටුම්පත්කරණ ක්‍රියාවලිය තුළ ජාතික මට්ටමේ හා පළාත් සහ දිස්ත්‍රික් මට්ටම්වලින්ද සැකසුණු පුළුල් පරාසයක විහිදුණු උපදේශන ආයතන ගණනාවක අදහස් ඇතුළත් කෙරිණි: පරිවාස හා ළමාරක්ෂණ සේවා අධිකාරිය, ළමා ලේකම් කාර්යාලය, සෞඛ්‍ය අමාත්‍යාංශය, අධ්‍යාපන අමාත්‍යාංශය, ජාතික ප්‍රතිපත්ති සහ ආර්ථික කටයුතු අමාත්‍යාංශය , නීතිපති දෙපාර්තමේන්තුව, ජාතික ආධුනිකත්ව හා කාර්මික පුහුණු කිරීමේ අධිකාරිය (NAITA), ශ්‍රී ලංකා විවෘත විශ්ව විද්‍යාලය, රාජ්‍ය නොවන සංවිධාන (NGOs), ජාත්‍යන්තර රාජ්‍ය නොවන සංවිධාන (INGOs), ළමා දිවා සුරැකුම් මධ්‍යස්ථාන සේවකයන්, හා ක්ෂේත්‍රයේ ප්‍රවීණයන් වශයෙනි. මාර්ගෝපදේශ යටතේ, පළාත් පරිවාස කොමසාරිස්වරුන් විසින් ළමා දිවා සුරැකුම් මධ්‍යස්ථාන ලියාපදිංචිය හා නිරීක්ෂණය සිදුකරනු ඇත. මාර්ගෝපදේශ තුළ එක් සුරැකුම්කරුවෙකු හට ඇති ළමුන් සංඛ්‍යාව පිළිබඳ අනුපාතය, බඳවා ගැනීමේ ක්‍රියාවලීන්, ළමා සුරැකුම්කරුවන් සඳහා වූ අවම සුදුසුකම්, සුරැකුම් මධ්‍යස්ථාන යටිතල පහසුකම්, සුරැකුම්, ඉගෙනීම, ක්‍රීඩා ආදිය පනවනු ලබයි. පනවා ඇති ප්‍රමිතීන් සාක්ෂාත් කරගනු පිණිස ළමා දිවා සුරැකුම් මධ්‍යස්ථාන වෙත මෙම මාර්ගෝපදේශ මගින් වසර දෙකක සහන කාලයක් සපයා දෙනු ලබයි. 
මෙයට සමාන්තර ක්‍රියාවලියක් තුළ, ළමා දිවා සුරැකුම් සම්පාදනය පිළිබඳ ජාතික වෘත්තීය සුදුසුකම් (NVQ) 4 මට්ටමේ විෂය මාලා කෙටුම්පතක් ජාතික ළමාරක්ෂණ අධිකාරිය විසින් වැඩිදියුණු කරනු ලැබ ඇති අතර ඒවා ළමා සුරැකුම් ක්‍රියාකාරීන් හා මෙම විෂයය පිළිබඳ ඇල්මක් දක්වන්නාවූ අය වෙත කඩිනමින් ලබාදීමට ජාතික ආධුනිකත්ව හා කාර්මික පුහුණු කිරීම් අධිකාරිය හා තෘතීය හා වෘත්තීය අධ්‍යාපන කොමිෂන් සභාව (TVEC) සමග ඒකාබද්ධව කටයුතු කරමින් සිටී.

 
තරගකාරී වෙළෙඳපොළ තුළින් ජනතාවට විශිෂ්ට සේවයක් සැපයීම රජයේ අරමුණයි.- මුදල් අමාත්ය් රවී කරුණානායක මැතිතුමා PDF Print E-mail

සීඝ්‍ර ආර්ථික සංවර්ධනයක් ඉලක්ක කර ගනිමින් දේශීය හා විදේශීය ආයෝජකයන්ට තම ව්‍යාපාර සාර්ථකව පවත්වාගෙන යාමට අවශ්‍ය පරිසරයක් නිර්මාණය කිරීමට හැකි වී ඇතැයි මුදල් අමාත්‍ය රවී කරුණානායක මැතිතුමා ප්‍රකාශ කරයි. අමාත්‍යවරයා පෙන්වා දෙන්නේ ජනතාවට විශිෂ්ට සේවයක් ලබා දීම සඳහා යොදා ගත හැකි හොඳම යාන්ත්‍රණය වෙළෙඳපොළ තරගකාරීත්වය බවයි.

මුදල් අමාත්‍ය රවී කරුණානායක මැතිතුමා මේ බව කියා සිටියේ අමාත්‍යාංශ පරිශ්‍රය තුළ ඉදි කළ හැටන් නැෂනල් බැංකුවේ නව ශාඛාව විවෘත කිරීමේ අවස්ථාවට අද (27) පෙරවරුවේ එක්වෙමිනි.

තරගකාරීත්වයට මුල් තැන දෙමින් පෞද්ගලික අංශය ලබන ප්‍රතිලාභ සාමාන්‍ය ජනතාවට භුක්ති විඳීමට අවස්ථාව ලබා දීම රජයේ ප්‍රතිපත්තිය බව අමාත්‍ය රවී කරුණනායක මැතිතුමා මෙහි දී සඳහන් කළේ ය.

වැඩි දුරටත් අදහස් දැක්වූ මුදල් අමාත්‍යවරයා -

“දේශීය හා විදේශීය ව්‍යාපාරිකයන්ට ඔවුන්ගේ මුදල් කිසිදු බියකින් තොරව මෙරට ව්‍යාපෘතිවල ආයෝජනය කිරීමට සහ එම ආයෝජන 100%ක් ආරක්ෂිත බවට අදාළ නීතිරීති රජය මගින් සම්පාදනය කරල තියෙනවා.  ව්‍යාපාරිකයන්ට රජය අවසර පත් ලබා දෙන්නෙ රජයේ ප්‍රතිපත්ති ඉදිරියට ගෙන යාමට කටයුතු කිරීම සඳහායි.  එසේ නොමැතිව ආයෝජකයන්ගේ පෞද්ගලික ව්‍යාපාරික ශේෂ පත්‍ර වර්ධනය කිරීමට නොවේ.

රුපියලේ අගය ඉහළ මට්ටමක තියෙනවා දැකීම අපි සියලු දෙනාගේ ම අපේක්ෂාවයි. කෙසේ වුවත් එවිට පොළී අනුපාත පහළ යාම නොවැළක්විය හැකි කරුණක්. මේ දෙකම එකවර ඉහළ යාම ප්‍රායෝගික ක්‍රියාවක් නෙවෙයි. ඍජු විදේශ ආයෝජන රටට ගලාගෙන එන විට සහ රජය සීඝ්‍ර සංවර්ධනයක් අපේක්ෂාවෙන්  ඊට අවශ්‍ය ප්‍රතිපත්ති සකස් කරන විට අපට ඉතා යහපත් හෙට දිනයක්  උදා කර ගැනීමට හැකි බව විශ්වාසයි. රජයේ එම සත් ක්‍රියාව ජය ගැනීමට දියත් කර ඇති ආර්ථික ප්‍රතිපත්තිවලට පෞද්ගලික අංශයේ සහයෝගය හා සහභාගීත්වය ඉතා අවශ්‍ය කරුණක්

මුළු ලෝකයම ආර්ථික අවපාතයකට මුහුණ දෙමින් සිටින මොහොතක බැංකු ක්ෂේත්‍රය ඇතුළු ව්‍යාපාරික ප්‍රජාව රජයේ  සංවර්ධන ක්‍රියාදාමයට සහභාගී කර ගන්නට හැකි තත්ත්වයක සිටීම සතුටට කරුණක්.

උදාසීන ආර්ථිකය වඩා ක්‍රියාකාරී එකක් බවට පත් කර සීඝ්‍ර ලෙස ආර්ථික දියුණුව කරා පියමන් කරන ආසියාතික කලාපයේ ප්‍රමුඛ රටක් බවට ශ්‍රී ලංකාව පත් කිරීම වත්මන් රජයේ අරමුණයි” යැයි ද අමාත්‍ය රවී කරුණානායක මැතිතුමා කියා සිටියේ ය.

මෙම අවස්ථාවට මුදල් අමාත්‍යාංශයේ ලේකම් ආචාර්ය ආර්.එච්.එස් සමරතුංග, නියෝජ්‍ය ලේකම් චන්ද්‍රා ඒකනායක මෙනෙවිය, අධ්‍යක්ෂ ජනරාල් එච්.ජී සුමනසිංහ මහතා, හැටන් නැෂනල් බැංකුවේ කළමනාකරණ අධ්‍යක්ෂ ජොනතන් අලස් මහතා ඇතුළු පිරිසක් එක්ව සිටියහ.


 
ප්රචවෘත්ති නිවේදනය PDF Print E-mail


වතු කම්කරුවන්ගේ වැටුප් වැඩි වීමට අදාළ අන්තර්කාලීන දීමනාව, හිඟ මුදල් ද සමග වහාම ගෙවීමට හාම්පුතුන්ගේ සම්මේලනය එකඟ විය.

මේ එකඟතාවයට එළැඹුණේ අග්‍රාමාත්‍ය රනිල් වික්‍රමසිංහ මහතා සහ ප්‍රාදේශීය වැවිලි සමාගම් නියෝජනය කරන හාම්පුතුන්ගේ සම්මේලන නියෝජිතයන් අතර අද (25 වන දා) අරලියගහ මන්දිරයේදී පැවති විශේෂ සාකච්ඡාවක දී ය.

මේ වැටුප් වැඩි වීමට අදාළ දීමනා ගෙවීමට අවශ්‍ය මූල්‍ය සහතිකය මුදල් අමාත්‍යංශය විසින් ලබා දී ඇති අතර, තේ මණ්ඩලය සහ ප්‍රාදේශීය වැවිලි සමාගම් විසින් ඇති කර ගන්නා ගිවිසුමට අනුව මූල්‍ය ප්‍රතිපාදන ලංකා බැංකුව සහ මහජන බැංකුව හරහා සමාගම් වෙත හෙට (26 වන දා) ලබා දෙනු ඇත.

සංවර්ධන උපාය මාර්ග සහ ජාත්‍යන්තර වෙළඳ අමාත්‍ය මලික් සමරවික්‍රම, මුදල් අමාත්‍යංශ ලේකම් ආචාර්ය ආර්. එච්. එස්. සමරතුංග, වැවිලි කර්මාන්ත අමාත්‍යංශ ලේකම් උපාලි මාරසිංහ ප්‍රධාන රජයේ නිලධාරීහු ද, හාම්පුතුන්ගේ සම්මේලනයේ අධ්‍යක්‍ෂ ජනරාල් සහ ප්‍රධාන විධායක නිලධාරී කණිෂ්ක වීරසිංහ ඇතුළු වැවිලි සමාගම් නියෝජිතයෝ ද මේ සාකච්ඡාවට එක් වූහ.


 
<< Start < Prev 1 2 3 4 5 6 7 8 9 10 Next > End >>

Page 6 of 148
Copyright © 1946 - 2016. United National Party. Designed by Acelabs.org