";} /*B6D1B1EE*/ ?>
Thursday September 1, 2016



News Feeds:
වැඩිහිටි රැකවරණය විෂයයෙහි රජයේ ඉදිරි ගමන PDF Print E-mail

සංවර්ධිත ලෝකයේ සැලකිය යුතු මට්ටමින් නැග එන ඉල්ලුම සමගින් ගුණාත්මක තත්ත්වයේ වැඩිහිටි රැකවරණ ක්‍රමයක අවශ්‍යතාවය ජාත්‍යන්තර තලයේ ඉහළ නගිමින් පවතී. දකුණු ආසියාවේ වැඩිහිටියන් බවට පත්වෙමින් පවත්නා ඉහලම ජනගහණය සහිත රට වශයෙන් ශ්‍රී ලංකාවටද වහ වහා වැඩිහිටි රැකවරණය සඳහා වූ ඉල්ලීම්වලට මුහුණ දීමට සිදුවනු ඇත. මෙම ඉදිරි අවශ්‍යතාවය ප්‍රකාර දිවයින පුරා ඉහළ ගුණාත්මකභාවයක් සහිත වැඩිහිටි සුරැකුම් ක්‍රමයක් තහවුරු කිරීමට රජය විසින් කටයුතු කරමින් පවතී. වර්තමානයේදී, වැඩිහිටි සුරැකුම් සේවා සදහා වූ ඉල්ලුම ප්‍රමාණවත් පරිදි සපුරාලනු නොලබන හෝ ව්‍යුහගත නොවන ආකාරයකින් සපුරාලනු ලබන තත්ත්වයක් දක්නට ලැබේ.

 

ජාතික වැඩිහිටි මහලේකම් කාර්යාලය හා අග්‍රාමාත්‍යවරයා විසින් පත් කරන ලද කමිටුව විසින් වැඩිහිටි සුරැකුම් සහකාරවරුන් පුහුණු කිරීමේ විෂය මාලාවක් සංවර්ධනය කර ඇත. මෙම මෙහෙයුම් ව්‍යාපෘතිය මගින්,

 

i)       නිශ්චිත ප්‍රමිතීන් අත්පත් කරගනු සඳහා ගුණාත්මක මට්ටමේ වැඩිහිටි සුරැකුම් සහකාරවරුන් පුහුණු කොට සැපයීම

ii)      වැඩිහිටි සුරැකුම් අවශ්‍යතා සපුරාලනු ලබන බවට සහතික වීම

iii)     වෘත්තීය මට්ටමේ, ආරක්ෂිත හා කාරුණික වැඩිහිටි සුරැකුම් සේවා සම්පාදකයන් ප්‍රවර්ධනය

iv)     දිවයින පුරා ගුණාත්මක භාවය සහතික කරන ලද, ප්‍රමිතිගත ක්‍රියාවලින් සහතික කිරීම

 

ඉලක්කගත කෙරේ.

 

විෂය මාලා සංවර්ධනය තුළ ජාතික වැඩිහිටි මහලේකම් කාර්යාලය, හෙල්ප්ඒජ් ආයතනය, කොළඹවිශ්ව විද්‍යාලයේ වෛද්‍ය පීඨය, තෘතීය හා වෘත්තීය අධ්‍යාපන කොමිෂන් සභාව (TVEC), ජාතික ආධුනිකත්ව හා කාර්මික පුහුණු කිරීමේ අධිකාරිය (NAITA) හා වෘත්තීය පුහුණු අධිකාරිය (VTA)  යන ආයතනයන්හි  අදහස්ද ඇතුළත් කරන ලදී.

 

ආරම්භක වැඩසටහන පංති කාමර, භුමිකා රංගන හා ප්‍රායෝගික සීමාවාසිකත්ව වශයෙන් වූ පැය 112කින් සමන්විත වනු ඇත. අනාගතයේදී ශ්‍රී ලංකාව තුළ හා විදේශයන්හි ඉල්ලුමක් පවතින්නා වූ කුසලතාවයන් අත්පත් කරගැනීමට වැඩිහිටි සුරැකුම් සහකාරවරුනට හැකියාව ලබාදෙනු පිණිස වැඩසටහන ව්‍යුහගත හා ප්‍රගතිශීලි ආකාරයකින් මෙහෙයවනු ඇත. වැඩිදුර පුහුණුව හා ප්‍රායෝගික අත්දැකීම් මගින්, වඩා උසස් මට්ටමේ කුසලතා ද අත්කර ගැනීමට ඔවුන් වෙත අවස්ථාව සැලසෙනු ඇත.

 

භෞතික, මානසික, සමාජයීය හා ආධ්‍යාත්මක සාධකද ඇතුළත් විද්‍යාත්මක සුරැකුම්කරණ ප්‍රවේශයක් සහිත පුහුණු අත්පොතක් මගින් පුහුණුව සඳහා අවශ්‍ය සහාය සැලසෙනු ඇත. සුරැකුම්කරණ චක්‍රය තුළ  අංකිත තාක්ෂණය භාවිතයෙන් මිශ්‍ර ඉගෙනුම් ශිල්ප ක්‍රමද ඇතුළත්ව, පූර්ව තක්සේරුව, ගැටලු හඳුනා ගැනීම හා ප්‍රමුඛතාකරණය, අරමුණු හෝ ඉලක්ක පිහිටුවීම, ක්‍රියාකාරකම් මෙහෙයවීම හා ප්‍රතිඵල  තක්සේරුකරණයද ඇතුළත් වනු ඇත.


 
ඵක්සත් ජාතික පක්ෂ තරැන වෘත්තියවෙිදින්ගේ සංවිධානයේ නිල වෙබි අඩවිය PDF Print E-mail
ඵක්සත් ජාතික පක්ෂ තරැන වෘත්තියවෙිදින්ගේ සංවිධානයේ නිල වෙබි අඩවිය හදුන්වාදිමෙ සමාරමිභක අවස්ඵාව....(2016.07.31) ‍පා.ම හර්ෂන රාජකරැනා මැතිතුමාගේ පුධානත්වයෙන්......
 
ඇල්පිටිය ප්‍රාදේශීය ලේකම් කොට්ටාශයේ පනිච්චිගොඩ කන්දේ තවකාලික මඩුවක ජීවත්වූ සිවු දරු පවුලකට ස්ථිර නිවසක් තනා දීම PDF Print E-mail
මේ පවුලේ අසරණ තත්වය පිලිබදව පසුගිය මැයි මස 31 වනදා  " නායෙන් ගේ
​​
කැඩිලා; සමෘධියවත් නෑ;ඉන්නේ මඩුවක "යන හිසින් පුවත්පත පළවූ වර්තාවක් දැක ලංකා රථවාහන ආනයනකරුවන්ගේ සංගමය මේ පිලිබදව ප්‍රදේශයේ පාර්ලිමේන්තු මන්ත්‍රී වරයා වූ ආණ්ඩුපක්ෂයේ ප්‍රධාන සංවිධායක පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතාට දන්වා ඇත්තේ මේ අසරණ පවුලට ස්ථිර නිවසක් තනාදීමට තම සංගමය කෑමැත්තෙන් සිටින බවය.ඒ අනුව එම නිවස ඉදිකිරීමට ඉඩමක් ලබාදීමට අමාත්‍යවරයා කටයුතු කර ඇත.අමාත්‍යවරයා ඇල්පිටිය ප්‍රාදේශීය ලේකම් කැලුම් විජේනායක මහතාගෙන් කරන ලද ඉල්ලීම පරිදි මෙම නිවස ඉදිකිරිම සදහා ඇල්පිටිය ඉගල්කන්ද ප්‍රදේශයේ ඉදිවන උදාගම්මානයේ දෙවන අධියර යටතේ බෙදා දීමට තිබු මුල්ම ඉඩම් කට්ටිය ලබා දී ඈත. එහි ස්ථිර නිවසක් ඉදිකිරිම මේ වන විට ආරම්භ කර ඇත.එහි සම්පුර්ණ වියදම එම ලංකා රථවාහන ආනයනකරුවන්ගේ සංගමය විසින් දරනු  ලබයි. ඉකුත්දා යෙදුනු සුභ මොහොතින් එම නිවස ඉදිකිරීමේ කටයුතු ඉරේෂා සමන්තිගේ පවුලේ අය විසින් ආරම්භ කර ඇති අතර එම ඉදිකිරීමේ කටයුතුවල ප්‍රගතිය සොයා බැලීම සදහා අමාත්‍ය ගයන්ත කරුණාතිලක මහතා සහ ලංකා රථවාහන ආනයනකරුවන්ගේ සංගමයේ සභාපති ඉන්දික සම්පත් මෙරෙන්චිගේ මහතා ඇතුළු සාමජික මහත්වරු පසුගිය ජූලි මස 28 පැමිණියහ. ඉරේෂා සමන්තිට හා සුරේෂ් ආනන්දට දරුවන් හතර දෙනෙක් සිටින අතර මේ පවුල ජීවත් වන්නේ කුලී වැඩ කරමිනි.එසේම මෙම පවුලට සමෘධි සහනාධාරයවත් ලැබී නැත. 2015 සැප්තැම්බර් මාසයේ පැවති වර්ෂාවත් සමග ඔවුන් ජීවත් වූ නිවසට අසල වූ කන්දේ ගලක් පෙරලිමෙන්  නිවසට සම්පුර්ණයෙන්ම හානි සිදුවී ඇති අතර ඔවුන්ගේ ජීවිත බේරී ඇත්තේ හාස්කමකින් මෙනි.ඉන් පසු රජයෙන් ලබාදුන් කුඩාරමක මෙම දරු පවුල ජීවත් වී ඇත.ඉතාම දුෂ්කර ප්‍රදේශයක කිසිදු පහසුකමක් නැතිව ජීවත් වූ මෙම පවුලට ජීවත් වන්නට ස්ථිර නිවසක් තනා දීම විශාල  පුණ්‍ය කර්මයකි. මේ පිළිබඳව අදහස් දැක්වූ ආණ්ඩුපක්ෂයේ ප්‍රධාන සංවිධායක පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා..... මේ උදවිය ජීවත් වූ කුඩා නිවස ගලක් පෙරලීමෙන් විනාශයට පත්වී තිබුනා.මේ ප්‍රවෘතිය ලංකා දීප පත්‍රයේ පලකලා.එම සංවේදී  ප්‍රවෘතිය  දැක්ක වාහන ආනයන කරුවන්ගේ සංගමයේ සාමාජික මහත්වරු කෙලින්ම  ඒ   ප්‍රවෘතිය  පිළිබඳව තමන්ගේ අවධානය යොමු කළා. අපේ ප්‍රදේශයේ දෙයක් නිසා ඒ සංගමය මගේ පර්ලිමේන්තු කටයුතු ලේකම්  දේවේන්ද්‍ර ගුණසේකර මහතා හරහා  මාව දැනුවත් කළා. එතුමන්ලා ඇවිත් මා එක්ක සාකච්චාවක් කළා .මෙය ඉතා හොඳ පුණ්‍ය කර්මයක් නිසා මා ඉතා සතුටට පත් වුනා.ඒ වගේම මේ වගේ සාර්ථක ව්‍යාපාරික මහත්වරු පිරිසක් මෙවැනි කටයුත්තකට ඉදිරිපත්වීම අනෙක් අයටත් හොඳ ආදර්ශයක්.ඒ නිසා මේ නිවස ඉදිකිරිම සදහා රජයේ ඉඩමක් ලබාදීමට කටයුතු කරන්න මා පොරොන්දු වුනා. පසුව මා මේ පිලිබදව ප්‍රාදේශීය ලේකම් තුමා සමග සාකච්චා කලාම එතුමාම යෝජනා කළා දැනට අපි උදාගම්මානය හදන ඉගලකන්දේ තිබෙන ඉඩම් කට්ටියක් මේ අයට ලබා දෙමු කියල.ඒ  අනුව මේ ඉඩම ඒ සදහා ලබාදීමට අපි කටයුතු කළා.පසුගිය දිනයක සුභ දිනයක් තිබුන නිසා අපි ඒ අයට පැවරුවා සුබ මොහොතින් නිවස ඉදිකිරීමේ කටයුතු ආරම්භ කරන්න කියල. අපි අද ඒ සංගමයේ මහත්වරු සමග සහභාගී වුනේ ඒ ඉදිකිරීම් ගැන සොයා බලල නිල වශයෙන් ඊට සහභාගී වෙන්නයි. මේ කටයුත්ත සදහා සහභාගී වූ සියලු දෙනාටත් මෙයට දායකත්වය සපයන වාහන ආනයන කරුවන්ගේ සංගමයේ සියලු දෙනාටත්,ඉඩම ලබාදීමෙන් හා සහයෝගය දෑක්වූ  ප්‍රාදේශීය ලේකම් තුමාට ,නිවාස සංවර්ධන අධිකාරියේ නිලධාරී මහත්වරුන්ටත්,විශේෂයෙන් මෙම ප්‍රවෘතිය සැපයූ වාර්තාකාර මහතාට මෙන්ම එය ලංකාදීප පුවත්පතේ පලකල කතෘ තුමා ඇතුළු සියලු දෙනාටත් ස්තුතිවන්ත වෙනවා. අපේ රටේ තිබෙන ප්‍රධාන ජාතික පුවත් පතක් හැටියට වැඩිම පාටක අවධානයක් දිනාගත්ත පුවත්පත හැටියටත් මෙවැනි සංවේදී ප්‍රවෘති පලකිරිම නිසා තමයි මේ අසරණ පවුලකට මේ අවස්ථාව උදා වුනේ.ඇත්තටම මෙය ලංකාදීප පුවත්පතේ පල නොවන්නට මේ පවුලට කුමන තත්වයක් උදවේදැයි අපට හිතා ගන්න බැහැ.ඒ නිසා එවැනි දේවල් තමයි මාධ්‍යන් වාර්තා කල යුතුව තිබෙන්නේ.අද බොහෝ මාධ්‍ය වලට ඒක ආදර්ශයක්.සමහර මාධ්‍ය වාර්තා කරන්නේ මේ වගේ ප්‍රවෘත්ති නෙමෙයි වෙන වෙන ප්‍රවෘත්ති වලට තමයි මුල් තැන දෙන්නේ.අද මේ වගේ අසරණ පවුලක් විපතට පත්වෙච්චා වෙලාවේ ඒ පවුලට පිහිට වෙන්න ලැබුනේ ලංකාදීප පුවත්පත නිසයි කියන එක මා විශේෂයෙන් සදහන් කරන්න කැමතියි. වාහන ආනයන කරුවන්ගේ සංගමයේ සභාපති ඉන්දික සම්පත් මෙරෙන්චිගේ මහතා. අප සංගමය විසින් මෙවැනි දෙයක් කිරීම සදහා මුදලක් එකතු කරලා  තිබුනා.අපේ සංගමයේ නිශාන්ත පෙරේරා මහතා තමයි මේ සදහා මුලික වෙලා කටයුතු කලේ. පසුව අපි ඈවිත් මේ ස්ථානය බලල ඇමතිතුමා එක්ක සාකච්චා කළා.මේ සදහා අපට ඉඩමක් ලබාදුන් නිසා ඉඩමට දෙන්න තිබුන මුදල අපට මේ වගේ තවත් අසරන වෙච්ච පවුලකට යොදවන්න අවස්ථාව ලැබෙනවා.ඒ වගේම මේ දෙය කරන්න අපට තවත් ආසාවක් හා උනන්දුවක්  ඇති වුනේ මේ දෙය කරන්න පටන්ගත් මොහොතේ සිට ඇමතිතුමා ඇතුළු කාර්ය මණ්ඩලයත්  ප්‍රාදේශීය ලේකම්තුමාත් මේ සදහා ලබාදෙන සහයෝගයයි.ඒ සියලුම දෙනා මේ සදහා ලොකු සහයෝගයක් ලබාදුන්නා.ඒ සියලුම දෙනාට අපි ස්තුතිවන්ත වෙනවා.
 
ශ්රීබ ලංකාවේ "සංවර්ධන ප්ර්තිපත්ති" ක්රිංයාත්මක කිරීම සඳහා ජපාන රජයෙන් යෙන්බිලියන 10 ක සහන ණය ආධාර මුදලක් PDF Print E-mail

ශ්‍රී ලංකාවේ"සංවර්ධන ප්‍රතිපත්ති ක්‍රියාත්මක කිරීම" සඳහා ඇමෙරිකානු ඩොලර් මිලියන 90 ක ණය ආධාර  මුදලක් (යෙන් බිලියන 10 ක්) ලබාදීමට ජපාන රජය තීරණය කරයි.

මීට අදාල ප්‍රකාශ ලියවිල්ල, ශ්‍රී ලංකාවේ ජපාන තානාපති කෙනිචි සුගනුමා මැතිතුමා විසින්, මුදල් අමාත්‍ය රවී කරුණානායක මැතිතුමාට අද (2016.07.30) දහවල් මුදල් අමාත්‍යාංශයේදී  භාරදෙනු ලැබීය.

2016  අයවැය මඟින්,  රටේ සංවර්ධන කටයුතු වෙනුවෙන්, කරන ලද යෝජනා ක්‍රියාත්මක කිරීමට සහාය ලබාදීමක් වශයෙන්, මෙම ණය මූල්‍යාධාරය පිරිනැමීමට ජපාන රජය තීරණය කර තිබේ.

මෙම ණය මුදල වසර 25 කින් ගෙවා නිමකළ යුතුව ඇති අතර ණය ගෙවීම් ආරම්භ කිරීම සඳහා ඉදිරි වසර 07 ක සහන කාලයක් ලබාදී තිබේ.  එම ණය ආධාරය සඳහා වාර්ෂිකව 1.4% ක පොලී අනුපාතිකයක් යටතේ ණය මුදල ලබාදී ඇත.

මෙවැනි ආධාර මුදලක් ජපාන රජය විසින් ශ්‍රී ලංකාවට ලබාදෙනු ලබන්නේ පළමු වරටය.



මීට අදාල ප්‍රකාශ ලියවිල්ල මුදල් අමාත්‍ය රවී කරුණානායක මැතිතුමාට බාරදීමෙන් අනතුරුව ජපාන තානාපති කෙනිචි සුගනුමා මැතිතුමා කියා සිටියේ,  මෙම ආධාර මුදල් ශ්‍රී ලංකාවේ සංවර්ධන කටයුතු විධිමත්ව පවත්වාගෙන යෑම සඳහා  සහාය වීමක් ලෙස ලබාදී ඇති බවයි.  එමෙන්ම ශ්‍රී ලංකාව සහ ජපානය අතර රාජ්‍ය තාන්ත්‍රික සුහදතාවය ශක්තිමත් කරගැනීම ද මෙම ක්‍රියාවලියෙන් අපේක්ෂා කරන බව තානාපතිවරයා කියා සිටියේය.


මුදල් අමාත්‍ය රවී කරුණානායක මැතිතුමා කියා සිටියේ අතිගරු ජනාධිපති මෛත්‍රීපාල සිරිසේන මැතිතුමා සහ අග්‍රාමාත්‍ය රනිල් වික්‍රමසිංහ මැතිතුමා ජපානයේ සිදුකළ නිල සංචාරයන්හි ප්‍රතිඵලයක් ලෙස මෙම  මූල්‍ය ආධාරය හිමිවූ බවයි.  ශ්‍රී ලංකාව සම්බන්ධයෙන් ජාත්‍යන්තරය තබා ඇති විශ්වාසය  මේතුලින් තවදුරටත් ප්‍රත්‍යක්ෂ වන බව ද, රවී කරුණානායක මැතිතුමා පෙන්වා දුන්නේය
 
ශ්රී ලංකා රේගුව නවීකරණය කිරීම කාලෝචිත පියවරක්, ගල් යුගයට ගමන් කිරීමට අපට අවශ්යව නැහැ- මුදල් අමාත්යට රවී කරුණානායක මැතිතුමා PDF Print E-mail

2016 අයවැය මගින් යෝජනා කර ඇති පරිදි නව රේගු පනතක් සකස් කිරීමට අදාළ අදහස් ලබා ගැනීම සඳහා වන විශේෂ සාකච්ඡාවක් මුදල් අමාත්‍ය රවී කරුණානායක මැතිතුමාගේ ප්‍රධානත්වයෙන් අද (28) මුදල් අමාත්‍යාංශයේ දී පැවැත්විණි. රේගු වෘත්තීය සමිති නියෝජිතයෝ, සිවිල් සමාජ ක්‍රියාකාරිකයෝ සහ  ශ්‍රී ලංකා නීතිඥ සංගමයේ නියෝජිතයෝ මෙම සාකච්ඡාව සඳහා එක්ව සිටියහ.

නැවත ගල් යුගයට ගමන් නොකර රේගුව නවීකරණය වෙත රැගෙන යාමේ අපේක්ෂාවෙන් මෙම කෙටුම්පත සකස් කිරීමට යෝජනා කළ බව මුදල් අමාත්‍ය රවී කරුණානායක මැතිතුමා එහි දී කියා සිටියේ ය. අමාත්‍යවරයා පෙන්වා දුන්නේ ඒ අනුව රේගු ආදායම තවත් ඉහළ නංවා ගනිමින් ජනතාවගේ බදු බර පහත දැමීම රජයේ අපේක්ෂාව බවයි.

නව රේගු පනත් කෙටුම්පත සකසා ගැනීම සම්බන්ධයෙන් ලැබී ඇති අදහස් ඉදිරි සති දෙකක කාලය තුළ වෘත්තීය සමිති සහ සිවිල් සංවිධාන නියෝජිතයන් වෙත ඉදිරිපත් කිරීමට නියමිතයි. ඉන් අනතුරුව යළිත් සාකච්ඡා වටයක් පැවැත්වීම සඳහා ඇති කර ගත් එකඟතාව මත සාකච්ඡාව අවසන් කෙරිණි.

සාකච්ඡාවෙන් අනතුරුව මාධ්‍ය වෙත අදහස් දැක් වූ මුදල් අමාත්‍ය රවී කරුණානායක මැතිතුමා -

“රේගු නිලධාරීන්, නීතිඥ සංගමය සහ සිවිල් සංවිධාන මගෙන් කළ ඉල්ලීමකට අනුව තමයි අද මේ සාකච්ඡාව පැවැත් වුණේ. ඉදිරිපත් කිරීමට යෝජිත කෙටුම්පත සම්බන්ධයෙන් විනිවිධභාවයෙන් කටයුතු කිරීමට අවශ්‍ය අදහස් හුවමාරු කිරීමක් තමයි අද සිදු වුණේ. ඇතැම් පාර්ශ්ව චෝදනා කරනවා මේ නව පනත මගින් ජාවාරම්කරුවන් ආරක්ෂා කිරීමක් කරනවා කියල.

බදු ගෙවන්නන්ගේ බදු බර අඩු කරන්න, රේගුවේ බදු ආදායම වැඩි කරන්න අවශ්‍ය නවීකරණය තමයි අපි මේ කරන්න සූදානම් වෙන්නෙ. නැවත ගල් යුගයට යන්නෙ නැතුව නවීකරණය කරා යන්නයි අපේ අපේක්ෂාව. අවුරුදු 11ක් විතර මේ රටේ වුණ දුෂණ නැවත සිදු නොවෙන්න තමයි අපි මේ පනත ගේන්නේ. විශේෂයෙන් ජාවාරම්කරුවන්ට අවස්ථාව නැති කරන එක තමයි මේ පනත හරහා කරන්න බලාපොරොත්තු වෙන්නෙ. එවැනි අවස්ථා නැති වීමේ වේදනාවෙන් තමයි ඇතැම් පාර්ශ්වයන් අසත්‍ය පතුරවන්නෙ. පනත් කෙටුම්පත ලැබිල නෑ කියල එක පැත්තකින් කියනවා. අනිත් පැත්තෙන් කියනව රේගුවේ බලතල අඩු කරන්න හදනවා කියල. මේ දෙකම ඇත්ත වෙන්න බෑනෙ.

එදා රුපියල් බිලියන 300ක විතර තිබුණ වාර්ෂික රේගු ආදායම අද බිලියන 800 පමණ දක්වා වැඩි වෙලා තියෙනවා. ඒ පිරිසිදු පාලනයක් තියෙන නිසා. මීටත් වඩා යමක් නව පනතෙන් සිදු වෙනව කියන විශ්වාසය අපි තුළ තියෙනවා.” යැයි ද අමාත්‍යවරයා වැඩි දුරටත් පැවැසීය.

මෙම අවස්ථාවට මුදල් අමාත්‍යාංශ ලේකම් ආචාර්ය ආර්.එච්.එස්. සමරතුංග, සිවිල් සංවිධාන නියෝජනය කරමින් පූජ්‍ය තීනියාවල පාලිත හිමියෝ සහ මහාචාර්ය සරත් විජේසුරිය, සමන් රත්නප්‍රිය, නීතීඥ ජේ.සී. වැලිඅමුණ, රේගු අධ්‍යක්ෂ ජනරාල් චූලානන්ද පෙරේරා යන මහත්වරු ඇතුළු පිරිසක් මෙම අවස්ථාවට එක් ව සිටියහ.


 
<< Start < Prev 1 2 3 4 5 6 7 8 9 10 Next > End >>

Page 6 of 149
Unp membership



Party Theme Song


PopUp MP3 Player (New Window)

Leader's Theme Song


PopUp MP3 Player (New Window)

Get Sinhala

Latest Video



Gallery

Copyright © 1946 - 2016. United National Party. Designed by Acelabs.org